Pang-chān:Hiong-káng
 |
Chit phiⁿ bûn-chiuⁿ ū Pe̍h-ōe-jī ê pán-pún. Chham-khó chit phiⁿ bûn-chiuⁿ ê Pe̍h-ōe-jī pán-pún. |
| |||||
| |||||
| 官方語言 | 粵語、英語 | ||||
| 香港行政長官 | 曾蔭權 | ||||
| 面積 - 總面積 - 水域面積百分比 |
(未排名) 1,092 km² 4.6% | ||||
| 人口 - 總人口 (2002年) - 人口密度 |
(未排名) 7,303,334 6,688/平方公里 | ||||
| 成立 - 日期 |
主權由英國 移交中國 1997年7月1號 | ||||
| 貨幣 | 港幣 (HKD) | ||||
| 時區 | UTC +8 | ||||
| 國際功能變數名稱縮寫 | .HK | ||||
| 長途電話號碼代號 | 852 | ||||
中華人民共和國香港特別行政區，簡稱香港，伊的地理位置是佇中國珠江出海口參南中國海交接的所在， 是由香港島、九龍半島、新界佮附近200外个小島嶼組成，香港倚北爿是廣東省的深圳市，倚西爿是珠海市。
歷史[siu-kái | kái goân-sí-bé]
1841年，清朝佇第一次鴉片戰爭的時，予英國拍敗，了後雙方簽訂南京條約，將香港島割予英國，後來清朝閣再一擺拍輸英法聯軍，被逼簽訂北京條約，將九龍島一部份土地閣再割予英國，彼當時的清朝政府已經強欲無元氣，到甲19世紀後期，英國閣再憑其他的理由向清朝政府租用現在的新九龍佮新界以及附近200外个島嶼。
中華民國建國後，政府原仔想欲來取消遐的不平等條約，無奈國力不足，閣因為頻繁的內戰逼使國民政府無閒工考慮這層代誌，彼當時袂少香港人原仔出錢閣出力援助國民政府。
抗戰爆發了後，真濟香港人直透捐錢予中國，引起日本方面真大的不滿，不時向英國領事館咧抗議，到甲抗戰中期， 新界地區的民眾更加是支持八路軍，(人因)踮香港成立武裝隊，直接對抗日本的武裝勢力，這以後，英國正式宣布向日本宣戰，閣無偌久日本占領香港，中間加拿大佮印度的雇傭兵捌幾仔擺參日本發生激烈的銃戰，1941年的聖誕節(耶誕節)，當時的港督宣布向日本投降，此去香港遭受日本攏總三年八月日的殖民統治。
抗戰勝利了後，雖然國民政府曾經佇聯合國大會頂要求欲收回香港，不而過卻是因為國共內戰的影響，煞無法度向英國政府討回公道，1949年，中共建立新中國，中英雙方就香港問題達成協議 : 英方繼續行使主權，中方毋干涉；英國著愛承認新中國，1950年，英國表示承認共產中國，後來朝鮮戰爭暴發，中國和西方國家變面，進出口遭受封鎖，香港chôaⁿ成做中國物資中轉，匯集資金佮收集信息的窗仔口。
1950年代發生過右派工會暴亂，此去國民政府的情報人員被禁止出入香港。
1970年代的初期，因為新界土地契約問題關係港英政府佇香港的前途，英國政府捌幾仔擺向中國提出延長新界的租約，攏受著拒絕，1970年代尾，香港回歸已經成做中-英二國正式的議題，此去二國為著這个問題相爭欲 20年。
1980年代初期，英國捌提出將香港的主權佮治權拆分開，主權屬中國、治權猶原予英國，彼時袂少香港傳統上流社會政治界佮生理界的精英原仔表示支持英國政府的提議，一寡仔較有名聲的香港人捌去北京向鄧小平建議，確是攏總遭受鄧小平堅決反對，中國的態度是必須堅決收回香港，香港人會當享受港人治港，高度自治的權力，遮嘛成做中英談判唯一的框架。
1984年12 月19號，中英雙方簽定中英聯合聲明，根據這份聲明，英國必須佇1997年7月1號，共香港的主權移交予中國，香廣將會成做中國的一个特別行政區，協議承諾講，中國政府的按照鄧小平的一國兩制政策，確保中國的社會主義制度袂踮香港實行，確保香港除了外交佮國防以外，佇其他各方面享受高度自治，一直到甲50年後的2047年攏袂當改變。
從1984年到1997年之間，香港成做全亞洲上蓋好額的城市之一，香港的人均國民生產總值排佇全球10名之內，雖然財源廣進，毋過猶原袂當掩崁香港人對未來政權的憂慮，1989年中國發生六四天安門事件了後，香港人出現空前的信心危機，相連紲五年出現移民的高潮，一直到甲回歸前1-2冬，因為西方國家的經濟，特別是加拿大佮澳洲出現經濟衰退，香港的移民現象才逐步穩定落來。
過渡時期到甲1997年6月30號收煞，香港正式結束英國殖民統治，無疑悟3月日後，香港的貨幣受著外來衝擊，地產產值大幅度下跋，因為生產線外移，香港扮演中國轉口貿易的優勢降低，失業、通貨收縮的問題攏齊來，地區政府相連紲發生政策失誤，媒體對政府嘈嘈唸，社會各界嘛真不滿。
地理[siu-kái | kái goân-sí-bé]
香港總土地面積1,092平方公里，其中75%的土地屬郊野地帶，香港屬亞熱帶氣候 ，寒天是寒閣濕，熱天熱閣厚雨，秋季有淡薄仔齷齪熱，三不五時會起風颱 ，總是，四季日頭光充足。
政治[siu-kái | kái goân-sí-bé]
香港特別行政區由香港行政長官(當地講"特首")作為政府領導，特首由選舉委員會表決產生，第一屆委員的成員由中國政府指派，此去攏愛由功能組別選民選出來，行政長官任期5年，上濟會當競選連任一擺。
第一任特首是董建華 ，佇1997年7月1日正式就任，2002年2月，董建華順利通過連任競選，任期按2002年7月開始到甲2007年6月結束。
香港立法會選舉佇1998年5月和2000年9月舉行過2屆，按照香港特別行政區基本法規定，第一屆立法會設60席，其中24席直接由地區選舉產生，30席做為功能組別席位，賰的6席由選舉委員會投票。
經濟[siu-kái | kái goân-sí-bé]
香港是一个高度依賴國際貿易的自由市場，因為欠缺自然資源，食品佮原料攏需要進口，事實上，進出口(包括轉口)攏超過國內生產總值 ，準講佇猶未回歸中國進前，香港的貿易佮投資攏佮中國大陸關係密切。
香港的人均生產總值會當參西歐四个主要的經濟體相比並，佇1989年到甲1997年期間，國內生產總值每年平均增幅達到5%，1998年亞洲金融風暴 曾經予香港遭受沉重的打擊，國內生產總值下降5%，現此時來講，全球經濟不景氣對香港出口ôan-á有真大的影響。
人口資料[siu-kái | kái goân-sí-bé]
人口密度[siu-kái | kái goân-sí-bé]
香港是全世界人口密度上懸的所在之一，平均每一平方公里大約徛6,700人， 大多數的香港人蹛佇高級的樓仔厝內底，平均一戶由四个人組成的家庭徛厝面積只有400~800平方尺。
出生率佮人口老化[siu-kái | kái goân-sí-bé]
香港人口的出生率，佇全球225个國家佮地區當中排佇上煞尾，平均1000个人才生育7.23个紅嬰仔，[1]閣加上人的壽命有所增加，人口老化的程度愈來愈大，按照香港政府統計處佇2004年發表的香港人口推算2004~2033 ，估計到2033年全市超過65歲的人口將會達到27%，比2003年的11%，增長加真大，這攏嚴重影響著城市發展的規劃。
語言[siu-kái | kái goân-sí-bé]
廣東話 (粵語；廣州話；白話)是香港大多數人使用的漢語方言，另外，少數社區佇內部通行福建、上海話、潮州話抑是客人話。
香港和中國的廣州地區並無完全仝款，香港人佇學校用廣東話教學，立法會使用廣東話發言佮辯論，不而過，有一个現象蓋奇怪，就是講，香港人咧寫作文的時陣ôan-á使用普通話的語法，香港照原使用繁體漢字。
香港另外一个官方語言是英語，英語佇香港蓋時行，佇咧全市114所英文學校當中，差不多攏是用英文教學(除了中國語文、歷史佮文學)，一切重要的官方文件攏總愛有英文版本，有个甚至干焦有英文版本爾爾，佇立法會會議抑是重要的新聞發佈會頂，一般攏有及時翻譯。
不而過，近年來香港人的英語水平確是不斷咧下降。
宗教[siu-kái | kái goân-sí-bé]
差不多每一个主要的宗教攏會當佇香港揣著信徒，主流宗教包括佛教、天主教、基督教、道教、回教佮儒教，啊毋過無論是啥款的宗教背景，大多數香港人攏有祭拜祖公的傳統。