Thó-lūn:Khí-chiu-pēⁿ
齒周病[kái goân-sí-bé]
齒周病或牙周病 (英語: periodontal disease)講單講就是喙齒四周的疾病。
齒周病會致使口臭、喙基喪失; 有齒周病的婦人人較(敖力)有早產或新生兒體重傷輕的後遺症; 有齒周病的人較容易有心血管疾病，比論講：血管較(敖力)栓塞造成中風或心臟瓣膜缺損的人較(敖力)受著齒周病菌的影響，使病情嚴重，齒周病予糖尿病歹控制，糖尿病的人嘛較(敖力)得著齒周病；有心血管疾病的人服用抗凝血劑佇治療齒周病的時陣，較歹止血，有的心臟病或顛病的藥仔會予齒岸肥大，有心臟瓣膜缺損的人佇接受齒周治療前愛先服用抗生素來保護。
因端起理[kái goân-sí-bé]
齒周病的起理是喙腔衛生無好，喙腔內底有足濟細菌，假使喙齒洗無清氣，細菌就會大量增生，黏附佇喙齒表面，成做齒菌斑，齒菌斑拄起先是通光的，僫看， 愛用齒菌斑顯示劑共染色才會看，齒菌斑累積到某物仔程度，就成做黃黃siô·ⁿ-siô·ⁿ的一層物黏佇喙齒表面，齒菌斑上捷累積佇喙齒倚齒岸的所在，佮喙齒和喙齒之間的鄰接面，這个齒菌斑就是齒周病的因端。
症頭[kái goân-sí-bé]
齒周病頭起先攏無明顯症頭，伊的破害閣發生佇齒岸內底，所以定定予人輕忽失覺察，起頭會洗喙流血、齒岸礙虐礙虐、喙臭，閣來齒岸會腫，尤其是工課較忝、袂睏、長途旅行、心理壓力大等等，予抵抗力較(禾黑)的時陣更加明顯，遮的症頭起起落落，有時(禾黑)有時好，到上路尾，喙齒 lô·-hia̍p、齒岸焦瘼、冷熱敏感, 甚至當勻腫疼袂好，遮的症頭毋是逐个攏有，而且逐人情形有精差，嘛無一定的先後順序，甚至有人到最後喙齒攏落了了也毋捌疼過。
治療[kái goân-sí-bé]
齒周病的治療重點著是“清清氣”，共齒菌斑逐工澈底摒掃，食藥仔、抹藥仔攏無家己洗喙抿喙齒重要。
齒科醫治療齒周病的第一个法度叫做phase-one treatment:
- 規喙的喙齒翕電光片檢查。
- 使用齒周探針探測齒周落底仔的深度(periodontal probing)。
- 使用超音波洗齒機佮curet共齒滓齧予清氣，順紲蓋齒頭的表面，予金滑光鮮。
- 教育患者正確的喙腔知捌, 養成良好的喙腔衛生慣勢。
第一階段的治療若無法度解決，會使進一步做齒周外科手術，來消除引起齒周病的因素。
齒周病的治療毋是干焦靠齒科醫，猶閣愛患者配合兩點才會用得:
- 逐工維持良好的口腔衛生
- 定期回診檢查保養