1 goe̍h 30 ji̍t

<<	1 goe̍h	>>
LP P1 P2 P3 P4 P5 P6 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2026 nî--ê ji̍t-chì

1 goe̍h 30 ji̍t, ia̍h sī kóng 1 goe̍h 30 hō, sī Gregorius Le̍k-hoat lāi-bīn chi̍t tang ê tē 30 kang, lī nî-té iáu ū 335 kang (lūn-nî336 kang).

Cheh-ji̍t

• Hi-lia̍p: Kàu-su-cheh
• Guatemala: Kang-têng-su-cheh
• Ìn-tō͘: Lia̍t-sū-cheh
• Pa-se: Saudade Ji̍t
• Bí-kok Ka-chiu, Ha-óa-ih téng-téng: Sī-siông Hong-sam-lông Ji̍t

Sū-kiāⁿ

• 1595 nî: William Shakespeare ê chok-phín Romeo kah Juliet thâu-chi̍t-pái ián-chhut.
• 1649 nî: Eng-lân kok-ông Charles 1-sè hō͘ thâi-thâu.
• 1925 nî: Thó͘-ní-kî chèng-hú chiong Constantinopolis Sè-kài Chóng-chú-kàu Konstantinos 6-sè koáⁿ chhut Istanbul.
• 1933 nî: Nazi toat-koân (Machtergreifung), Adolf Hitler kap i ê Nazi Tóng tit tio̍h chóng-lí ūi.
• 1945 nî: Jī-chiàn: So͘-liân tī Pe̍h-hái kā Tek-kok ê iû-lûn phah tîm--lo̍h-khì, chō-sêng siāng-bô 9,300-lâng kòe-sin, sī sú-siōng siāng-chē lâng kòe-sin ê chûn-lān.
• 1972 nî: Hoeh-sai Lé-pài-ji̍t (Bloody Sunday), Eng-kok kun-tūi tī Pak Ài-ní-lân ê Derry siâⁿ hiòng khòng-gī-chiá khui-chhèng, 14-ê lâng sí-bông.
• 2020 nî: Sè-kài Ōe-seng Cho͘-chit soan-pò͘ COVID-19 sī Kok-chè Koan-chù ê Tu̍t-hoat Kong-kiōng Ōe-seng Sū-kiāⁿ.

Chhut-sì

• 133 nî: Didius Iulianus, Lô-má Tè-kok hông-tè.
• 1882 nî: Franklin D. Roosevelt, Bí-kok chèng-tī jîn-bu̍t, tē-32-jīm Bí-kok chóng-thóng.
• 1905 nî: Emilio Segrè, Í-tāi-lī bu̍t-lí-ha̍k-ka, 1959 nî Nobel Bu̍t-lí-ha̍k Chióng tit-chióng-jîn.
• 1919 nî: Sī-siông Hong-sam-lông (是松豊三郎), Bí-kok Ji̍t-è jîn-khoân ūn-tōng-chiá.
• 1929 nî: Chhek-kiā Ióng (赤﨑勇), Ji̍t-pún bu̍t-lí-ha̍k-ka, 2014 nî Nobel Bu̍t-lí-ha̍k Chióng tit-chióng-jîn.
• 1941 nî: Dick Cheney, Bí-kok chèng-tī jîn-bu̍t, tē-46-jīm Bí-kok hù-chóng-thóng.
• 1948 nî: Ngô͘ Tun-gī, Tâi-oân chèng-tī jîn-bu̍t, tē-13-jīm Tiong-hôa Bîn-kok hù-chóng-thóng.
• 1948 nî: Kiat-iá Chiong (吉野彰), Ji̍t-pún hòa-ha̍k-ka, 2019 nî Nobel Hòa-ha̍k Chióng ti̍t-chióng-jîn.
• 1962 nî: Chio̍h Pêng, Ji̍t-pún chèng-tī jîn-bu̍t.
• 1968 nî: Felipe 6-sè, Se-pan-gâ kok-ông
• 1978 nî: Kang Chó͘-pêng, Tâi-oân ián-oân.

Kòe-sin

• 232 nî: Hòa Him, Tiong-kok Hàn-boa̍t Chô Gūi chèng-tī jîn-bu̍t.
• 757 nî: An Lo̍k-san, Tiong-kok Tông-tiâu kun-sū jîn-bu̍t, An-Sú chi Loān ê hoat-tōng-chiá chi it.
• 1181 nî: Ko-chhong Thian-hông (高倉-), Ji̍t-pún tē-80-tāi thian-hông.
• 1649 nî: Charles 1-sè, Eng-kok kok-ông.
• 1867 nî: Hàu-bêng Thian-hông (孝明-), Ji̍t-pún tē-121-tāi thian-hông.
• 1948 nî: Gân-tì, Ìn-tō͘ to̍k-li̍p ūn-tōng léng-siū.
• 1948 nî: Orville Wright, Bí-kok hui-hêng ê sian-hêng-chiá.
• 1951 nî: Ferdinand Porsche, Ò-tē-lī khì-chhia siat-kè-su, chhòng-li̍p khì-chhia kong-si Porsche.
• 1969 nî: Lí Chong-jîn, Tiong-kok chèng-tī jîn-bu̍t, tē-it-jīm Tiong-hôa Bîn-kok hù-chóng-thóng, tāi-lí chóng-thóng.
• 2025 nî: Tân Tiōng-bîn, Papua New Guinea Hôa-è chèng-tī jîn-bu̍t, tē-2-jīm Papua New Guinea chóng-lí.