2005 nî 5 goe̍h

5 go̍eh 29

• Hoat-kok kong-bîn tâu-phiò soah, soán-bîn tāi-iok ū 56% hoán-tùi Europa Liân-bêng ê hiàn-hoat-àn. Chit-ê kiat-kó tùi Jacques Chirac chèng-hú sī 1-ê tōa táⁿ-kek. Hoat-kok sī thâu-1-ê iōng kong-tâu hêng-sek koat-tēng Europa Hiàn-hoat ê hōe-oân kok. Kē-tē-kok chit lé-pài oân-ná beh pān kong-tâu. (BBC)

5 go̍eh 17

• Uzbekistan kun-tūi tī 5 goe̍h 13 hit kang thâi-sí tiàm tang-pō· Andijan-chhī khòng-gī ê jîn-sū. Koaⁿ-hong jīn-tēng ê sí-bông jîn-sò· ū 169 lâng; kok-chè mûi-thé, jîn-koân cho·-chit kap hoán-tùi-phài jīn-ûi ū kúi-nā-pah-ê, kî-tiong pau-koah cha-bó·-lâng kap gín-á. Koaⁿ-hong hó·ⁿ-jīm kun-tūi ū tùi hô-pêng sī-ui jîn-sū khui-chhèng, in koài Islam-kàu ke̍k-toan-hūn-chú chè-chō tōng-loān. Hù-kīn ê Korasuv hit-tah-á oân-ná hoat-seng po̍k-le̍k chhiong-tu̍t. (BBC BBC)

5 go̍eh 14

• Tâi-oân Bîn-chìn-tóng tī kok-bîn-tāi-hōe tāi-piáu sóan-kí the̍h tio̍h 42% ê soán-phiò, sêng-kong î-chhî tē-1-tōa tóng ê tē-ūi. Chhin-bîn-tóng ê tit-phiò-lu̍t lak kàu chhun 6%, tē-3-tōa tóng ê ūi hō· Tâi-liân chiàm--khì. Tâu-phiò-lu̍t phòa kì-lo̍k kē, kan-taⁿ 23%. (Tâi-oân-ji̍t-pò)