2019 nî

Sū-kiāⁿ

1 goe̍h

• 1 goe̍h 28 ji̍t – Bí-kok ê Su-hoat-pō͘ soan-pò͘ kò-hoat Tiong-kok Huawei kong-si ûi-hoán Bí-kok tùi Iran ê tí-chè chhâi-toàn.

2 goe̍h

• Goân Macedonia Kiōng-hô-kok kái kok-ka hō-miâ pìⁿ Pak Macedonia ê siu-kái-àn tī 2 goe̍h 12 chèng-sek si̍t-si.
• Mexico ê Sinaloa Cartel bâ-io̍h cho͘-chit thâu-lâng Joaquin “El Chapo” Guzman 2 goe̍h 12 tī Bí-kok hō͘ hoat-īⁿ phòaⁿ-chōe.
• SpaceX kong-si tī Bí-kok tang-pō͘ sî-kan 2 goe̍h 21 siā Falcon 9 hóe-chìⁿ sàng chhut Ìn-nî PSN kong-si ê ko-chhù-lí ōe-chheⁿ PSN-6, kiam Í-sek-lia̍t su-jîn cho͘-chit SpaceIL ê goe̍h-kiû chiūⁿ-lio̍k-ki Beresheet.

4 goe̍h

• 4 goe̍h 1 ji̍t, Ji̍t-pún hoat-piáu tùi 5 goe̍h 1 ji̍t khai-sí ēng sin ê liân-hō Lēng-hô.
• Tiàu-kiàⁿ hē-thóng Event Horizon Telescope tī 4 goe̍h 11 ji̍t hip tio̍h thâu chi̍t tiūⁿ o͘-khang thian-thé ê siòng-phìⁿ.
• WikiLeaks ê chhòng-li̍p-chiá Julian Assange 4 goe̍h 11 ji̍t tī Lûn-tun ê Ecuador tāi-sài-koán hō͘ chāi-tē kéng-chhat chhip-ná.
• SpaceX kong-si tī 4 goe̍h 12 ji̍t thâu-chi̍t-pái thè siau-hùi-chiá hoat-siā Falcon Heavy hóe-chìⁿ, kiam thâu pái saⁿ lia̍p thui-chìn-khì chò-hóe kàng-lo̍h.

6 goe̍h

• 6 goe̍h 30 ji̍t, Bí-kok Chóng-thóng Donald Trump kap Pak Tiâu-sián chòe-ko léng-tō-chiá Kim Jong-un tī Hui-bú-chong Tē-tài kìⁿ-bīn.

7 goe̍h

• 7 goe̍h 2 ji̍t: 2019 nî 7 goe̍h 2 ji̍t ê sit-ji̍t.
• 7 goe̍h 18 ji̍t, Kiaⁿ-to͘ Tōng-ōe tē-1 kang-chok-sek hō͘ lâng pàng-hóe, chō-sêng 35 ê sí-bông, 34 ê tio̍h-siong.

8 goe̍h

• 8 goe̍h 26 ji̍t, Ìn-nî chóng-thóng Joko Widodo chèng-sek soan-pò͘ kè-ōe beh sóa siú-to͘ kòe Borneo-tó téng-bīn ê Tang Kalimantan séng.

9 goe̍h

• 9 goe̍h 6 ji̍t, Zimbabwe chêng chóng-thóng Robert Mugabe tī Sin-ka-pho 95-hòe kòe-sin.

12 goe̍h

• 12 goe̍h 9 ji̍t, Niú-se-lân ê Whakaari hóe-soaⁿ po̍k-hoat, chō-sêng cha̍p-gōa lâng sí-bông.
• 12 goe̍h 12 ji̍t, Boris Johnson chhōa-thâu ê Pó-siú Tóng tī Liân-ha̍p Ông-kok ê kok-hōe chóng-soán-kí tang-tiong sèng-lī, So͘-kat-lân Bîn-cho̍k Tóng mā tī So͘-ka-lân chāi-tē tōa-iâⁿ.
• 12 goe̍h 26 ji̍t: Ùi chi̍t kóa só͘-chāi ē-tàng khòaⁿ tio̍h 2019 nî 12 goe̍h 26 ji̍t ê sit-ji̍t.