An-táⁿ

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē

An-táⁿ (安打) sī iá-kiû ūn-tōng lāi ê chi̍t ê bêng-sû, chiū sī táⁿ-chiá kā tâu-chhiú tâu ê kiû phah tī kài-lāi, hō͘ táⁿ-chiá pún-sin chì-chió ē-tàng an-choân thui-chìn kàu it-lúi ê chêng-hêng. Tān-sī, tī nn̄g khoán te̍k-pia̍t ê chêng-hêng hā, bô sǹg sī an-táⁿ; tē-it chiū sī in-ūi tùi-chhiú kiû-oân chhut-hiān siú-pī sit-gō͘ chiah chō-sêng an-choân chiūⁿ-lúi; tē-jī sī in-ūi siú-pī kiû-oân soán-te̍k chhì-tô͘ hō͘ kî-thaⁿ lúi-pau téng ê cháu-chiá chhut-kio̍k, chiah hō͘ táⁿ-chiá an-choân chiūⁿ-lúi, chit-khoán chêng-hêng hō-chò iá-chhiú soán-te̍k.