Audrey Hepburn

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē
Audrey Hepburn

Audrey Hepburn, PMF (1929 nî 5 goe̍h 4 ji̍t - 1993 nî 1 goe̍h 20 ji̍t), chhut-siⁿ-mîa Audrey Kathleen Ruston, si chi̍t-ê ián-gôan, sî-siōng phiau-chì, ia̍h jîn-tō-chú-gī jîn-sū.

Hepburn sī Eng-tē-lâng chham Hô-lân-lâng ê gín-á, tī Belgien ê Brussel chhut-sì. I ū ián kòe Roman Holiday, War and Peace, Breakfast at Tiffany's kap Charade téng-téng ê tiān-iáⁿ, ū tit-tio̍h kòe Academy Chióng, Emmy Chióng, Tony Chióng kap Grammy Chióng.

Hepburn mā-sī UNICEF Chhin-siān Tāi-sài chi-it, ū tit-tio̍h kòe Bí-kok ê Chóng-thóng Chū-iû Hun-chiong (Presidential Medal of Freedom). 1993 nî, I tī Sūi-sū ê Tolochenaz kòe-sin. 1999 nî, I hō Bí-kok Tiān-iáⁿ Hia̍p-hōe (AFI) sóan chò 100-nî 100-tōa bêng-seng lāi-bīn tē-3 úi-tāi ê lú-sèng bêng-seng.