Bí-kok

	Bí-kok
	United States of America
Kok-kî	Kok-hui
	Chu-kù: In God We Trust (Koaⁿ-hong, Eng-bûn); "Lán Sìn Siōng-tè"; E Pluribus Unum (Thôan-thóng, Latin-gí); "Ha̍h Chiòng Ûi It"
	Kok-koa: Seng-tiâu-kî
	Chìn-hêng-khek: Éng-oán ê Seng-tiâu-kî
	Chū-jiân tē-lí; (si̍t-chè khòng-chè tē-khu)
	; Bí-kok ê só͘-chāi.
Siú-to͘	Washington, D.C.
Siāng-tōa siâⁿ-chhī	New York
	Bīn-chek Kok-thó͘ bīn-chek: 9,631,418 km² pâi sè-kài tē-3 miâ;
Sî-khu	UTC-5 kàu UTC-10 (Hā-lēng-sî:; UTC-4 kàu UTC -10)
	Jîn-bîn seng-oa̍h
Koaⁿ-hong gí-giân	Eng-gí
	Jîn-kháu ;
	Chèng-tī bûn-hoà
	Kok-ka léng-tō-jîn chóng-thóng: Donald Trump; hù-chóng-thóng: Mike Pence;
chú-iàu cheh-ji̍t	to̍k-li̍p-ji̍t
	Keng-chè si̍t-le̍k
Tiong-iong gîn-hâng	Liân-pang thû-pī gîn-hâng
hoè-pè tan-ūi	Bí-kim (USD) ($)
Gini hē-sò͘	40.8(2013 nî)
GDP (bêng-gī siōng ê)	174,189.25 ek (2013 nî)
Pêng-kin GDP (bêng-gī siōng ê)	54,596 (2013 nî)
HDI	0.914 (2013 nî)
	Kok-ka chu-liāu
Kok-ka tāi-hō	USA
bāng-he̍k miâ-chheng sok-siá	.us
kok-chè tiān-oē khu-hō	+1

Bí-kok (Hàn-jī: 米國 ia̍h-sī 美國), choân-miâ America Ha̍p-chiòng-kok (Eng-gí: United States of America, "Tī Bí-chiu ê Liân-ha̍p-chiu") sī tī Pak Bí-chiu, Thài-pêng-iûⁿ ê 1 ê liân-pang kiōng-hô-kok. I ê niá-thó· tùi tang-pō͘ ê Tāi-se-iûⁿ hái-hoāⁿ kàu kah se-pō͘ ê Thài-pêng-iûⁿ. Pak-pêng ê lio̍k-tē piⁿ-kài kap Canada sio-liâm; lâm-pêng kap México sio-óa. Tī sai-pêng hái-siōng hām Lō͘-se-a sio-tú. Lēng-gōa koh ū hái-gōa ê niá-thó͘, pau-koat Puerto Rico, Midway Khoân-chiau, Guahan. Bí-kok ū 50 ê chiu; tī liân-pang chè-tō· hā, in bó͘-chióng thêng-tō͘ ū ka-kī tē-hng ê chū-tī-koân.

Le̍k-sú[siu-kái | kái goân-sú-bé]

Siōng-bô tī 15,000 nî í-chêng, siōng chá ê chū-bîn chio̍h keng-kòe Siberia lâi kàu Pak Bí-chiu. Pí-lūn kî-tiong chi̍t kûn sī Mississippi bûn-hòa, ùi lông-gia̍p, kiàn-tio̍k, kok-ka-hòa ê siā-hōe lóng ū it-tēng ê hoat-tián.

Ha̍k-kài tùi hiān-chāi sio̍k Bí-kok chia só͘-chāi tī Au-chiu-lâng lâi kàu chìn-chêng ê jîn-kháu bô chheng-chhó ê sò͘-jī, chóng-sī ē-tàng thui-chhek tai-khài 200 bān kàu 1000 bān chó͘-iū. Chāi-tē bûn-bêng ê seng-gōa hong-sek kok-tē bô kâng; hit-chūn, chhin-chhiūⁿ khiā tī kin-á-ji̍t Ohio kap Illinois tē-hng ê Hopewell lâng, chin gâu chè-chō kim-sio̍k-khì, sī khah ún-tēng ê loâng-gia̍p siā-hōe; Nā chhiūⁿ Mississippi kap Missouri ê Cahokia lâng, tio̍h sī khah chū-jiân seng-oa̍h ê siā-hōe^[1].