Bí-lē-tó Cha̍p-chì

Wikipedia (chū-iû ê pek-kho-choân-su) beh kā lí kóng...
Bí-lē-tó Cha̍p-chì tē-it kî ê hong-bīn

Bí-lē-tó Cha̍p-chì (Hàn-jī: 美麗島雜誌; Eng-bûn: Formosa Magazine), tī 1979 nî 8 goe̍h chhòng-khan, sī Tâi-oân Tóng-gōa ūn-tōng sî-kî ê ki-koan khan-bu̍t. I-ê cho͘-chit hêng-thài í siā-bū úi-oân ê hêng-sek lâi cho͘-sêng, lóng-chóng ū 61 lâng. Bí-lē-tó Cha̍p-chì bāng-lô chē-chē lâi-chū choân Tâi-oân sì-kè ê Tóng-gōa jîn-sū. N̂g Sìn-kài chò hoat-hêng-jîn, Khó͘ Sìn-liông chò siā-tiúⁿ, N̂g Thian-hok kap Lū Siù-liân chò hù-siā-tiúⁿ, Tiuⁿ Chùn-hông chò chóng-pian-chi̍p, Si Bêng-tek chò chóng-keng-lí. Cha̍p-chì-siā ê sêng-oân chham kāng-nî po̍k-hoat ê Bí-lē-tó Sū-kiāⁿ sī Tâi-oân bîn-chú-hoà ūn-tōng ê tiōng-iàu le̍k-sú kap chèng-tī sū-kiāⁿ.