Bîn-chú Tóng (Ji̍t-pún)

Wikipedia (chū-iû ê pek-kho-choân-su) beh kā lí kóng...
Bîn-chú-tóng tiàm Tang-kiaⁿ Tiyoda-khu ê chóng-pō͘

Ji̍t-pún ê Bîn-chú-tóng (Ji̍t-gí: 民主党; Eng-gí: Democratic Party of Japan, DPJ) sī 1998 nî sêng-li̍p ê chèng-tóng, sêng-li̍p liáu-āu tio̍h chiâⁿ-chò chú-iàu ê hoán-tùi-tóng, kok-hoē se̍k-chhù pâi tī tong-sî ê chip-chèng-tóng Chū-bîn-tóng āu-piah.

2007 nî 7 goe̍h Ji̍t-pún Chham-gī-īⁿ kái-soán, Bîn-chú-tóng ê se̍k-chhù chhiau-oa̍t Chū-bîn-tóng, chiâⁿ-chó Chham-gī-īⁿ tē it toā tóng.

2009 nî 8 goe̍h 30 ji̍t, Ji̍t-pún Chiòng-gī-īⁿ kái-soán liáu-āu, Bîn-chú-tóng the̍h-tio̍h koè-poàⁿ se̍k-chhù, chhú-tāi Chū-bîn-tóng chiâⁿ-chò Ji̍t-pún ê chip-chèng-tóng.

Hiān-jīm ê tóng tāi-piáu sī Noda Yosihiko, i mā hông soán-chò Ji̍t-pún siú-siòng.