Bîn-kan Su-hoat Kái-kek Ki-kim-hōe

Bîn-kan Su-hoat Kái-kek Ki-kim-hōe (民間司法改革基金會), kán-siá Su-kái-hōe (司改會), tī 1995 nî 11 goe̍h sêng-li̍p, sī Tâi-oân ê bîn-kan su-hoat kái-kek thoân-thé, iû "Bûn-liân-thoân" (文聯團) lu̍t-su kûn tī Su-hoat-īⁿ ê Su-hoat Kái-kek Úi-oân-hōe sêng-li̍p liáu-āu cho͘-sêng. In ū-miâ ê seng-oān oa̍h-tāng pau-hâm chi-chhî So͘ Kiàn-hô àn ê 3 ūi tong-sū-jîn kap Chhî Chū-kiông bô-chōe, mā liân-sú iau-kiû sia̍p-hiâm Kang Kok-khèng àn ê Tân Tiāu-bín téng lâng pī kiù-chek.

Hiān-jīm táng-sū-tiúⁿ sī Tiong-iong Gián-kiù-īⁿ Siā-hōe-ha̍k Gián-kiù-só͘ ê gián-kiù-oân Kû Hái-goân, chiân chip-hêng-tiúⁿ Lîm Hong-chèng lu̍t-su, chiân táng-sū-tiúⁿ Kò͘ Li̍p-hiông lu̍t-su, chip-hêng úi-oân Lí Bō͘-seng lóng sī Hòe-sí Liân-bêng ê sêng-oân, chek-ke̍k thui-tōng hòe-tî sí-hêng.