Bāng-lō͘ meme

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Meme ("mím"), sī bāng-lō͘ téng, iû-kî Eng-gí bûn-hòa lāi-bīn, só͘ kóng chi̍t thò ū kò͘-tēng sêng-hun kap ì-bī, m̄-koh tī liû-thoân ê kòe-têng mā siū bāng-lō͘ ēng-chiá chiàu in siūⁿ-hoat kap piáu-tat kái-tōng ê mûi-thé ia̍h hêng-tōng. Ki-pún ê liû-thong hêng-sek pau-koat tô͘-ōe, siòng-phìⁿ, bûn-jī, bí-ti-oh kap in ê sio-lām.

Gí-goân[siu-kái | kái goân-sú-bé]

"Meme" chit jī kap goân-lâi ê ì-sù, sī Richard Dawkins só͘ thê chhut ê "bûn-hòa choán-sàng ê tan-ūi, he̍k-chiá mô͘-hóng ê tan-ūi."[1]

Dawkins pún-sin jīn-ûi tī bāng-lō͘ téng ê sin ì-sù kap i goân-té leh kóng--ê chha bô kài hn̄g, lóng sī "ná pēⁿ-to̍k--ê" (goes viral), bāng-lō͘ meme thang sǹg sī goân ì-sù ê meme kî-tiong chi̍t chióng.[2]

Àn-lē[siu-kái | kái goân-sú-bé]

2007 nî 4 goe̍h 22, koa-chhiú Tay ZondayYouTube hoat-piáu chi̍t tōaⁿ ka-tī chè-chok--ê, hông hō chò "Chocolate Rain" ê im-ga̍k iáⁿ-phìⁿ. Lāi-bīn kî-koài ê piáu-ián kap ín lâng chù-ì ê koa siū chē lâng koan-sióng jî-chhiá koh chhòng-chok kok khoán piàn-hêng.[3]

Siong-koan[siu-kái | kái goân-sú-bé]

Chham-chiàu[siu-kái | kái goân-sú-bé]

  1. Shifman 2014, p. 37
  2. Olivia Solon (2013-06-20). "Richard Dawkins on the internet's hijacking of the word 'meme'". Wired.co.uk. 2018-02-08 khòaⁿ--ê. 
  3. Christian Bauckhage (2011). "Insights into Internet Memes". Proceedings of the Fifth International AAAI Conference on Weblogs and Social Media. Fifth International AAAI Conference on Weblogs and Social Media. 

Liân-kiat[siu-kái | kái goân-sú-bé]

  • Know Your Meme, choan-bûn teh kì-lio̍k siu-chi̍p bāng-lō͘ meme ê bāng-chām.