Ba̍k-nī

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē
?Ba̍k-nī
Seng-bu̍t-ha̍k hun-lūi
Kài: Plantae
Mn̂g: Magnoliophyta
Kong: Magnoliopsida
Ba̍k: Lamiales
Kho: Oleaceae
Sio̍k: Jasminum
Chéng: J. sambac
Ha̍k-miâ
Jasminum sambac
(L.) Aiton

Ba̍k-nī he̍k ba̍k-nī-hoe (ha̍k-miâ: Jasminum sambac) kui-sio̍k-tī Bo̍k-sai-kho (Oleaceae), sī siông-le̍k koàn-bo̍k. Goân-pún seⁿ-tī Ìn-tō͘ kap A-la-pe̍k tē-khu. I kah-ì sio-lō chhî-lūn kap ji̍t-thâu iām ê khoân-kéng. I ū phang-bī, tiāⁿ-tiāⁿ hō͘-lâng ka-ji̍t tê-bí lāi-té chò phang-thâu, mā chèng tī hoe-hn̂g he̍k hoe-khaⁿ khoàⁿ-súi. I tī 5--goe̍h chì 10--goe̍h khui-hoe.

Hêng-thài[siu-kái]

Ba̍k-nī châng koân 0.5 kàu 2 m kha-tau. Keng chiâⁿ iù, ū jiû-nńg ê mo͘.

Hio̍h-á tùi-seⁿ, khoah ke-nn̄g-hêng, boa̍t-toan tūn-tūn he̍k lap-lap, ki-pō͘ îⁿ-hêng, piân-iân choân-iân.

Hoe pe̍h-sek, phang-phang, sàn-pâng hoe-sū; hoe-go̍k li̍h-phìⁿ sī soàⁿ-tiâu-hêng; hoe-koan hêng-chōng sī chhim phiat-á ê khoán, hoe-hio̍h tn̂g thó-îⁿ-hêng he̍k î-hêng; hiông-lúi 2 lia̍p bih tī hoe-koan phiat-á té.

Koé-chíchiuⁿ-kó.