Chīn-tiong-phài ê cháu-chhut
Tī Bí-kok Kek-bēng kî-kan, kè-sio̍k chi-chhî Tāi Eng-kok Kok-ông George 3-sè ê lâng hō chò sī Chīn-tiong-phài (Loyalists). In kap chi-chhî Kek-bēng ê Ài-kok-phài (Patriots) tùi-te̍k. Le̍k-sú-ka ko͘-sǹg Bí-kok Kek-bēng hit chūn tī kok si̍t-bîn-tē ê pe̍h-lâng jîn-khái lāi-bīn ū 15 kàu 20 pha-sén, ia̍h sī kóng chha-put-to 500,000 ê lâng sī Chīn-tong-phài. Chiàn-cheng tī Tāi Eng-kok chiàn-su hō͘ Bí-kok kiam Hoat-kok-lâng ê chêng-hêng tang-tiong liáu-kiat, hia khah oa̍h-hiáⁿ ê Chīn-tiong-phài bô siū Bí-kok ê hoan-gêng, tiō sûn beh sóa khì Tāi-eng Tè-kok pa̍t-ê só͘-chāi. Tōa-to-sò͘ (chha-put-to 80%–90%) ê Chīn-tiong-phài kè-sio̍k lâu tī Bí-kok, jî-chhiá chiap-siū kong-bîn-khoân.
Chiàu kî-tiong chi̍t chióng ko͘-sǹg, lóng-chóng ū 60,000 ê pe̍h-lâng khai-khún-chiá lî-khui sin khí ê Bí-kok. In tang-tiong tōa-pō͘-hūn, chha-put-to 33,000 cháu khì New Brunswick kap Nova Scotia, 6,600 chó-iū khì Quebec, 2,000 khì Prince Edward Island. Ia̍h ū 5,000 chó-iū ê pe̍h-lâng Chīn-tiong-phài khì Florida, in koh chhōa 6,500 chó-iū ê lô͘-lē kòe hia. Ū tāi-iok 13,000 ê lâng khì Tāi Eng-kok (phòe 5,000 ê chū-iû o͘-lâng). Chia 60,000 ê pe̍h-lâng chiàm 10% ê goân Chīn-tiong-phài jîn-khái.[1] Mā ū sin gián-kiù ko͘-sǹg ê sò͘-jī sī 100,000.[2]
Chham-chiàu[siu-kái | kái goân-sí-bé]
- ↑ Maya Jasanoff (2012). Liberty's Exiles: American Loyalists in the Revolutionary World. Random House. p. 357.
- ↑ Allen, Thomas B. (2010). Tories Fighting for the King in America: America's First Civil War. New York: HarperCollins Publishers. pp. 19–20, 34–36. ISBN 978-0-06-124181-9. 11 June 2018 khòaⁿ--ê.
 | Pún bûn-chiuⁿ sī chi̍t phiⁿ phí-á-kiáⁿ. Lí thang tàu khok-chhiong lâi pang-chō͘ Wikipedia. |