Chū-jiân I-ha̍k
Chū-jiân I-ha̍k (Eng-gú: Naturopathy / naturopathic medicine), sī chi̍t-khoán tāi-thè i-ha̍k. Chip-hêng-chiá sī chū-jiân tī-liâu i-su, ēng ta̍k-khoán phiau-sī "chū-jiân" iah-sī "hui chhim-ji̍p" he̍k-chiá sī thê-chhiòng "chū-ngó͘ ho̍k-goân" ê tī-liâu hoat-tō͘.
Chi̍t-kóa tī-liâu hoān-ûi kài khoah, ùi khiàm-kheh si̍t-chèng (實證) ê hoat-tō͘ kàu chē-chē lâng phó͘-phiàn chiap-siū ê tī-liâu hong-hoat. Chū-jiân tī-liâu ê lí-liām kah hoat-tō͘ sī kin-kù Oa̍h-miā lí-lūn kah bîn-kan i-ha̍k, m̄ sī si̍t-chèng i-ha̍k, sui-bóng chip-hêng-chiá khó-lêng ē sú-iōng ū chèng-kù chi-chhî ê ki-su̍t. Chū-jiân i-ha̍k bat siū chú-liû i-ha̍k choan-gia̍p jîn-sū ê chit-gî, iā hō͘-lâng khòaⁿ-chòe sī Ông-lo̍k-á.
Chū-jiân i-ha̍k gia̍p-chiá thong-siông ē kó͘-lē sú-iōng thoân-thóng i-ha̍k pâi-thek ê tāi-thè liâu-hoat, pau-koat chi̍t-kóa tùi chhiú-su̍t kah e̍k-biâu sán-seng té-khòng ê hoān-chiá. Chū-jiân liâu-hoat i-seng ê chín-toàn thong-siông bô it-tēng ū kho-ha̍k kun-kù, mā tiāⁿ-tiāⁿ bô siū chú-liû i-ha̍k i-seng chiap-siū.
Chū-jiân i-ha̍k ê i-seng khah chia̍p tī Bí-kok cheng-chhú hoat-lu̍t jīn-chèng. Tī Bí-kok, ū-ê chiu ha̍p-hoat, ū-ê kìm-chí, ū-ê bô kui-tēng. Ū kóa chiu ún-chún chū-jiân liâu-hoat i-seng chìn-hêng chhiú-su̍t kah khui io̍h-hng.