Chai-hāi Koán-lí
Chai-hāi koán-lí（Eng-gú：Emergency management）, khan-liân chē-chē pō͘-bûn ê ūn-chok, pau-koat kui-ōe, kè-e̍k, ū-kò, kín-kip èng-piàn, kiù-chō͘ téng-téng hoat-tō͘, sī ha̍k-būn iā-sī hē-thóng, lâi kiám-chió á-sī kàng-kē thian-jiân á-sī jîn-ûi chai-hāi tùi siā-hōe chō-sêng ê éng-hióng kap chhiong-kek.
Chai-hāi Koán-lí ê Kai-tōaⁿ
[siu-kái | kái goân-sí-bé]
Chai-hāi koán-lí ē-tàng hun-chòe chai-hāi chìn-chêng ê kiám-chai, chéng-pī, chai-hāi hoat-seng ê sî ê èng-piàn, kah chai-hāi hoat-seng í-āu ho̍k-goân ê kai-tōaⁿ.
Kiám-chai（Mitigation）sī kiám-chió chai-hāi hoat-seng ê hong-hiám kah éng-hióng. Kiám-chai sī chai-hāi koán-lí ê ki-chhó, thàu-kè tǹg-ki ê chèng-chhek kah chhò-si lâi kiám-chió chai-hāi hoat-seng ê khó-lêng-sèng he̍k-sī kàng-kē chai-hāi ê éng-hióng.
Chún-pī（Preparedness）sī thê-seng èng-tùi chai-hāi ê lêng-le̍k, khak-tēng èng-kip chu-goân kahkè-u̍ih chò kah kàu. Chún-pī kai-tōaⁿ chù-tiōng té-kî èng-kip chhò-si ê kiàn-li̍p, kiám-chió chai-hāi lâi-lîm ê sî ê sún-sit.
Èng-piàn（Response）ti chai-hāi hoat-seng ê sî, liân-mi chhái-chhú hêng-tōng, kiám-chió sún-sit kah pó-hō͘ sìⁿ-miā châi-sán. Che-sī chai-hāi koán-lí siōng kín-kip ê kai-tōaⁿ, chù-sîn tī kín-kín kiù-oān kah chai-hāi khòng-chè.
Ho̍k-goân（Recovery）Chai-hāi hoat-seng í-āu khoe-ho̍k chèng-siông seng-oa̍h kah tiông-kiàn siū sún-hāi ê khu-he̍k. Ho̍k-goân kai-tōaⁿ ē-tàng hun-chòe té-kî kha tn̂g-kî, koan-hē ùi ki-chhó siat-si siu-ho̍k kàu sim-lí kiān-khong chi-chhî ê choân-bīn phah-piàⁿ.
Kok-tē Chai-hāi Koán-lí
[siu-kái | kái goân-sí-bé]Tâi-oân
[siu-kái | kái goân-sí-bé]2000 nî《Chai-hāi Hông-kiù Hoat》thong-kè chún-pī liáu-āu, Tâi-oân khai-sí ū hē-thóng kiàn-li̍p chai-hāi hông-kiù thé-hē. Chèng-hú ê chai-hāi koán-lí hē-thóng hun-chòe Tiong-iong, koān-chhī, hiong-tìn saⁿ ê chân-kip. Tiong-iong siōng koân chú-koán tan-ūi sī Hêng-chèng-īⁿ ti̍t-hat ti̍t-hat ê chai-hāi hông-kiù pān-kong-sek, tī 2010 nî 2 ge̍h 1 hō chèng-sek ūn-chok, sī kā goân-lâi Hêng-chèng-īⁿ Chai-hāi Hông-kiù Úi-oân-hōe pèng ji̍p-khì Tiong-iong Chai-hāi Hông-kiù Hōe-pò lâi sêng-li̍p.
Chai-hāi hông-kiù ê chip-hêng kang-chok chú-iàu sī Siau-hông hē-thóng hū-chek, Tiong-hôa-bîn-kok kok-kun iā pān-ián tiōng-iàu kak-sek. Chhú-gōa, bîn-kan thoân-thé iā oa̍h-thiàu tī chai-hāi ê ê èng-piàn kah chai-hāi í-āu ho̍k-goân kai-tōaⁿ ê kiù-chō͘.
Bí-kok
[siu-kái | kái goân-sí-bé]Bí-kok chèng-hú ê chai-hāi koán-lí hē-thóng hun-chòe liân-pang, chiu, tōe-hng saⁿ ê chân-kip. Liân-pang-chèng-hú ê chai-hāi koán-lí hē-thóng sī Liân-pang Kín-kip Sū-bū Koán-lí-sú.
Ji̍t-pún
[siu-kái | kái goân-sí-bé]Ji̍t-pún chèng-hú ê siōng koân chai-hāi koán-lí tan-ūi sī Lōe-koh-hú ê Tiong-iong Hông-chai Hōe-gī.
Chham-khó Bûn-hiàn
[siu-kái | kái goân-sí-bé]Bûn-hiàn
[siu-kái | kái goân-sí-bé]- Tiuⁿ Sù-bêng. . Jī-cha̍p-it Sè-kí Ki-kim-hōe. 2016. ISBN 9789869106511.
- Mileti, D.S., 1999, Disasters by Design
Gōa-pō͘ Liân-kiat
[siu-kái | kái goân-sí-bé]- Khoân-kiû Kè-u̍ih Chhiú-chhehArchived 2019-04-23 at the Wayback Machine.：sī chē-chē hui-êng-lī chō͘-chit chè-tēng ê oân-chō͘ hêng-tōng kah kiù-chai phiau-chún
- 災害防救法（繁體中文）
|