Chhî Jio̍k-hi
 | 這篇文章有漢字的版本。 參考這篇文章的漢字的版本。 |
| Chhî Jio̍k-hi 徐若熙 | |||
|---|---|---|---|
 | |||
| Hok-kong Nńg-gîn Eng – No. 18 | |||
Tâu-chhiú | |||
| |||
| Chho͘-chhù chhut-sài | |||
2021 nî 3 goe̍h 17, tī Bī-choân Liông | |||
| Seng-gâi sò͘-kì thóng-kè (chì 2025 nî ûi-chí) | |||
| Sèng-tâu — pāi-tâu | 16—18 | ||
| Tiong-kè — kiù-oān | 1—0 | ||
| Sa̋n-sín — sì-sí | 349—70 | ||
| Hông-gū-lu̍t | 2.42 | ||
| Tūi-ngó͘ | |||
| |||
| Seng-gâi cheng-chhái piáu-hiān kah ti̍t-chióng | |||
| |||
| Tit-kàu ê chióng | ||
|---|---|---|
 Lâm-chú iá-kiû | ||
Tāi-piáu  Tiong-hôa Tâi-pak | ||
| A-chiu Iá-kiû Kím-phiau-sài | ||
 | 2023 nî Tâi-pak | thoân-tūi |
Chhî Jio̍k-hi (2000 nî 11 goe̍h 1 hō chhut-sì ) sī Tâi-oân ê chit-gia̍p iá-kiû soán-chhiú, bo̍k-chiân tī Tiong-hôa Chit-pāng Bī-choân Liông hāu-le̍k, siú-pī ūi-tì sī tâu-chhiú. 2019 nî chham-ka kùi-tiong soán-siù-hōe hō͘ Bī-choân Liông tī thâu-chi̍t-lûn tē-6-ūi kéng ji̍p-khì[1].
Ha̍k-seng Sî-kî
[siu-kái | kái goân-sí-bé]Chhî jio̍k-hi seⁿ tī Thô-hn̂g-chhī. Tī Pêng-tìn Ko-tiong tha̍k-chheh ê sî bat in-ūi chiàⁿ-chhiú chhiú-āu-khiau nńg-kut ê būn-tê khui-to tī-liâu, hioh-khùn 4-kò-goe̍h liáu-āu, kiû-sok chìn-pō͘ chiâⁿ chē, ko-tiong ê sî siōng kín tio̍h í-keng ū 153 km/h ah[2].
Chit-pāng Seng-gâi
[siu-kái | kái goân-sí-bé]Bī-choân Liông
[siu-kái | kái goân-sí-bé]2020 nî 2 goe̍h 28 tī koaⁿ-pān jia̍t-sin-sài tam-jīm thâu-chi̍t-chiàn ê sian-hoat tâu-chhiú, bīn-tùi Tiong-sìn Hiaⁿ-tī kan-na tâu 2-kio̍k tio̍h sit 5-hun. Tān-sī tī gû-tiâu jia̍t-sin ê sî tio̍h kám-kak chiàⁿ-chhiú bô sóng-khoài, in-ūi chìn-chêng tio̍h bat kiám-cha--kòe, hoat-hiān ū kut-chhì ê būn-tê, āu-lâi keng-kòe i-seng koh kiám-cha liáu-āu, khak-tēng beh tī kâng-nî 4-goe̍h 28 chìn-hêng chhiú-āu-khiau kut-chhì chhiú-su̍t.[3]
2021 nî 3 goe̍h 17, Tiong-chit seng-gâi it-kun thâu-chi̍t-pái chiōⁿ-tiôⁿ tâu-kiû, sian-hoat tâu 3.2-kio̍k, sàng-chhut 11-pái sa̋n-sín, hőng phah 3-ki an-táⁿ, chi̍t pái sí-kiû, bô sit-hun, siōng kín ê kiû-sok ū 154 km/h, mā-sī sin-lâng thâu-chi̍t-pái chiōⁿ-tiôⁿ chêng-kó͘-bô ê sa̋n-sín kì-lo̍k[4][5]. Bī-choân Liông ūi-tio̍h pó-hō͘ Chhî Jio̍k-hi, ū hān-chè i ê tâu-kiû sò͘.
2022 nî kiû-kùi in-ūi chhiú-āu-khiau ê siong éng-hiáng--tio̍h, tī kiû-kùi tú-khai-sí ê sî-chūn bô-hoat-tō͘ pí-sài, keng-kòe kiám-cha liáu-āu, sui-jiân phêng-kó͘ sī iá m̄-bián khui-to tī-liâu, tān-sī su-iàu 2 kàu 3-kò-goe̍h ê sî-kan lâi ho̍k-kiān[6]. Kâng-nî 7 goe̍h in-ūi ho̍k-kiān liáu bô-siáⁿ-hó, koat-tēng chìn-hêng Tommy John chhiú-āu-khiau kin-tòa tiông-kiàn chhiú-su̍t, pún-nî-tō͘ kiû-kùi khak-tēng bô-hoat-tō͘ koh pí-sài[7].
Hok-kong Nńg-gîn Eng
[siu-kái | kái goân-sí-bé]2025 nî 10 goe̍h 29, Chhî Jio̍k-hi hêng-sú lí-gōa kiû-oân khoân-lī[8]. 12 goe̍h 22, Chhî Jio̍k-hi ka-bêng Ji̍t-pún Chit-pāng Hok-kong Nńg-gîn Eng[9].
Keng-le̍k
[siu-kái | kái goân-sí-bé]- Thô-hn̂g-chhī Tāi-ióng Kok-sió Siàu-pāng-tūi
- Thô-hn̂g Chhī-li̍p Sin-bêng Kok-tiong Chheng-siàu-pāng-tūi
- Thô-hn̂g Chhī-li̍p Pêng-tìn Ko-tiong Chheng-pāng-tūi
- Tiong-hôa Chit-pāng Bī-choân Liông (2020 nî－2025 nî)
- Ji̍t-pún Chit-pāng Hok-kong Nńg-gîn Eng (2026 nî－)
Chit-pāng Seng-gâi Sêng-chek
[siu-kái | kái goân-sí-bé]Tiong-hôa Chit-pāng
[siu-kái | kái goân-sí-bé]| Nî-tō͘ | Kiû-tūi | Chhut-sài | Sian-hoat | Sèng-tâu | Pāi-tâu | Tiong-kè | Kiù-oān | Oân-tâu | Oân-hong | Sì-sí | Sa̋n-sín | Chek-sit | Tâu-kiû kio̍k-sò͘ | Chū-chek-hun-lu̍t | Hőng chiōⁿ-lúi-lu̍t |
|---|---|---|---|---|---|---|---|---|---|---|---|---|---|---|---|
| 2021 | Bī-choân Liông | 20 | 19 | 3 | 7 | 0 | 0 | 0 | 0 | 25 | 98 | 28 | 81 | 3.11 | 1.11 |
| 2023 | 5 | 4 | 1 | 0 | 0 | 0 | 0 | 0 | 2 | 18 | 2 | 15.1 | 1.17 | 0.78 | |
| 2024 | 20 | 18 | 7 | 4 | 1 | 0 | 0 | 0 | 29 | 113 | 26 | 94.2 | 2.47 | 1.11 | |
| 2025 | 19 | 19 | 5 | 7 | 0 | 0 | 0 | 0 | 14 | 120 | 26 | 114.0 | 2.05 | 0.81 | |
| Ha̍p-kè | 4-tang | 64 | 60 | 16 | 18 | 1 | 0 | 0 | 0 | 70 | 349 | 82 | 305.0 | 2.42 | 0.98 |
Te̍k-sû Sū-chek
[siu-kái | kái goân-sí-bé]2020 nî 10 goe̍h 2 hō, Tiong-chit jī-kun chóng-koan-kun-sài ê tē-3-chiàn tam-jīm sian-hoat tâu-chhiú, tâu-3-kio̍k bô sit-hun, kan-na hőng phah 2-ki an-táⁿ, sàng chhut 6-pái sa̋n-sín, koh tâu chhut 157 km/h ê kiû-sok, sī jī-kun chóng-koan-kun-sài kiû-sok ê sin kì-lo̍k (goân-té siōng kín ê kì-lo̍k sī 152 km/h), sin kì-lo̍k ê thâu 2-miâ lóng sī Chhî Jio̍k-hi (157km/h kah 153km/h)[10].
2021 nî 3 goe̍h 28, tī Thian-bú Iá-kiû-tiôⁿ tùi-chiàn Hù-pang Hān-chiòng, tâu 4.2-kio̍k sàng chhut 10-pái sa̋n-sín, bô sit-hun, seng-gâi chêng 3-tiôⁿ lóng-chóng tâu chhut 26-pái sa̋n-sín, mā chhiau-kòe Koeh-lí Kiàn-hu tī 1999 nî ê 22 pái chiâⁿ-chò pún-thó͘ sin-lâng tâu-chhiú chêng-3-tiôⁿ ê sin kì-lo̍k.[11]
2021 nî 8 goe̍h 8 hō, tī Sin-chng Iá-kiû-tiôⁿ tùi-chiàn Hù-pang Hān-chiòng, sian-hoat 12-tiôⁿ chóng-sǹg sī tit-tio̍h thâu-chi̍t-sèng, koh tī siōng khai-sí ê sî liân-sòa tâu chhut 8-pái sa̋n-sín, chiâⁿ-chò Tiong-chit ê sin kì-lo̍k (goân-pún khai-kio̍k liân-sòa sa̋n-sín ê kì-lo̍k sī 2019 nî 10 goe̍h 3 hō iû Bollinger tâu chhut ê 7-pái[12]), lo̍h-bóe sian-hoat 5-kio̍k, sit 1-hun, sàng-chhut 12-pái sa̋n-sín, liông-tūi í 5:1 iâⁿ kiû, tit-tio̍h chit-pāng seng-gâi thâu-it-sèng.[13]
2023 nî 11 goe̍h 12 Tâi-oân Tōa-sài tē-7-tiôⁿ, Bī-choân Liông phah-pāi Lo̍k-thian Thô-oân tit-tio̍h chóng-koan-kun, i sian-hoat 2-tiôⁿ, 1-pái sèng-tiôⁿ, tâu 11-kio̍k, 11-pái sa̋n-sín, chiâⁿ-chò Tâi-oân Tōa-sài MVP.
2023 nî 12 goe̍h 3 hō, 2023 nî A-chiu Iá-kiû Kím-phiau-sài khai-sí, sī thâu-chi̍t-pái ū chèng-sek sài-sū tī Tâi-pak Tōa-kī-tàn kí-pān, Chhî Jio̍k-hi tāi-piáu Tiong-hôa Tâi-pak sian-hoat bīn-tùi Hân-kok, chhòng-chō chiâⁿ chē Tōa-kī-tàn ê le̍k-sú kì-lo̍k, pau-koat tē-1-lia̍p hó-kiû, tē-1-pái sa̋n-sín, tē-1-ê sèng-tâu, lo̍h-bóe Chhî Jio̍k-hi 7-kio̍k 10-pái sa̋n-sín, jî-chhiáⁿ kan-na hőng phah-chhut 2-ki an-táⁿ, hō͘ Tiong-hôa-tūi í 4:0 iâⁿ Hân-kok.[14][15][16]
2024 nî 4 goe̍h 6 hō tī Thian-bú Iá-kiû-tiôⁿ tùi-chiàn Thóng-it 7-ELEVEn Sai, tī 2-kio̍k-siōng hō͘ Lîm An-khó kòng chhut chi̍t-ki hőng-bú-láng, sī i ji̍p-khì chit-pāng 3-tang í-lâi thâu-chi̍t-pái hőng kòng hőng-bú-láng.
Chham-khó Chu-liāu
[siu-kái | kái goân-sí-bé]- ↑ 味全龍新秀全數簽下！二指徐若熙簽約金490萬元 Archived 2020-10-27 at the Wayback Machine.，三立新聞網，2019-08-29
- ↑ "存檔副本". Goân-pún bāng-ia̍h Pó-chûn tī 2021-09-12. 2021-09-12 khòaⁿ--ê.
- ↑ 中職／味全龍未來王牌 徐若熙手肘確定動刀，ETtoday，2020-04-26
- ↑ 徐若熙初登板猛飆火球最快154 3.2局11K飆破紀錄史上第一人，ETtoday，2021-03-17
- ↑ 中職／徐若熙初登板11出局全K 創多項中職紀錄 Archived 2021-03-19 at the Wayback Machine.，聯合報，2021-03-17
- ↑ "存檔副本". goân-loē-iông tī 2022-04-30 hőng khó͘-pih. 2022-04-30 khòaⁿ--ê.
- ↑ "存檔副本". Goân-pún bāng-ia̍h Pó-chûn tī 2022-07-23. 2022-07-28 khòaⁿ--ê.
- ↑ 楊舒帆 (2025-10-29). "味全龍徐若熙申請海外FA 實現「高中偷偷想的夢」球團暖心祝福". ETtoday. 2025-11-03 khòaⁿ--ê.
- ↑ 楊舒帆 (2025-12-22). "龍隊王牌啟程！味全龍正式宣佈徐若熙旅日 溫馨送祝福：深感榮耀". ETtoday. 2025-12-22 khòaⁿ--ê.
- ↑ 中職／157公里火球飆破紀錄 徐若熙領龍隊聽牌 Archived 2020-11-26 at the Wayback Machine.，聯合新聞網，2020-10-02
- ↑ 徐若熙4.2局狂飆10K又破紀錄，聯合新聞網，2021-03-28
- ↑ 本土第一人！徐若熙開賽連8次三振 創中職新紀錄 Archived 2021-08-08 at the Wayback Machine.，三立新聞網，2021-08-08
- ↑ 等1場勝投 徐若熙花了12場先發終於到手 Archived 2021-08-08 at the Wayback Machine.，聯合新聞網，2021-08-08
- ↑ 邱柏玟. "台北大巨蛋「第1次」全紀錄 這些人用名字寫下歷史". 中時新聞網. 旺旺中時媒體集團. Goân-pún bāng-ia̍h Pó-chûn tī 2023-12-03. 2023-12-03 khòaⁿ--ê.
- ↑ "Korea@Chinese Taipei". WBSC. World Baseball Softball Confederation (WBSC). Goân-pún bāng-ia̍h Pó-chûn tī 2023-12-12. 2023-12-03 khòaⁿ--ê.
- ↑ 黃泓哲. "韓國擔心的事發生了！徐若熙7局2安10K無失分宰制打者". TSNA. mega7. Goân-pún bāng-ia̍h Pó-chûn tī 2023-12-03. 2023-12-03 khòaⁿ--ê.
Gōa-pō͘ Liân-kiat
[siu-kái | kái goân-sí-bé]
Tâi-oân Pāng-kiû Wiki-koán：徐若熙(Hôa-gí)
| ||||||||||||
| ||||||||||||||||||||||||||||||||
| ||||||||||||||||||||||||||||||||