Superman

Wikipedia (chū-iû ê pek-kho-choân-su) beh kā lí kóng...
(Tùi Chhiau-jîn choán--lâi)

Chhiau-jîn (Superman) sī 1 ê cha-po͘ chhiau-eng-hiông (superheroes); i kiám-chhái sī só͘-ū ê chhiau-eng-hiông lāi-bīn siōng chhut-miâ ê jîn-bu̍t. I sī bí-su̍t-ka Joe Shuster kap chok-ka Jerry Siegel 2 lâng tī 1932 nî chhòng-chok chhut-lâi ê kha-siàu, 1938 nî bē hō͘ Detective Comics. Hit nî 6 goe̍h thâu-1-pái chhut-hiān tī Action Comics #1. Kàu taⁿ bat tī kok-chióng mûi-thé téng-koân chhut-hiān, pau-koah la-jí-o͘h, tiān-sī, tiān-iáⁿ, pò-choá, game.

Chhiau-kip Cha-bó͘ Gín-á (Supergirl) sī Chhiau-jîn ê cha-bó͘ pán-pún.