Chhoà Hông-jú

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Chhoà Hông-jú (2011).

Chhoà Hông-jú (Hàn-jī: 蔡黃汝; 1987 nî 11 goe̍h 15 ji̍t chhut-sì ), gē-miâ Tāu-hoe-mōe (豆花妹), sī chi̍t-ūi Tâi-oân ê cha-bó͘ ián-goân, model, kiam koa-chhiú. Chū Séng-ngô͘ Kho-ki Tāi-ha̍k Hêng-siau ú Liû-thong Koán-lí-hē pit-gia̍p. Chhoà ê bīn-ba̍k piau-tì koh khì-chit, in-chhú ióng-iú the̍h-lâm lí-sîn, hēng-ūn lí-sîn, kap Thian-jiân-tai lí-sîn (天然呆女神) téng-téng chheng-ho͘.

Keng-le̍k[siu-kái | kái goân-sú-bé]

2008 nî 7 goe̍h gōa, Chhoà Hông-jú káu Tâi-oân Kò͘-sū-koán chò-sòaⁿ-kang, bē tāu-hoe. Bē bô-gōa-kú, in-ūi ū PTT ê bāng-iú chiân-óng Tâi-oân Kò͘-sū-koán chhit-thô, tùi i ìn-siōng chin chhim. Jiân-āu, in tiō tī PTT ê piáu-te̍k-pán hoat-bûn, siū-tio̍h kóng-tāi ê jia̍t-lia̍t hôe-hiáng, pēng-chhiáⁿ chō-sêng it-sî ê hong-tōng. Chē-chē bāng-iú lóng cháu-khì it-thàm-kiù-kèng, kā i hō-chò Tāu-hoe-mōe (豆花妹); chit-ê miâ chiū khai-sì tī bāng-lō͘ bīn-téng sio-pò-chhùi.

Pún-miâ[siu-kái | kái goân-sú-bé]

Tāu-hoe-mōe tī chhù-lāi sī sè-hàn-kiáⁿ, téng-bīn ū 2-ê a-chí kap 1-ê a-hiaⁿ.