Chiat-siā

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē
Chiat-siā ê Snell hoat-chek.
Sok-tō͘ bô-kāng, chiat-siā ê kak-tō͘ mā bô-kāng. Chhái-khēng tio̍h-sī kúi-ā-khóan ê kng-sòaⁿ chò-hóe chiat-siā sán-seng.

Chiat-siā mā-kiò khut-chiat, sī pho-tōng, chhin-chhiūⁿ kng-sòaⁿ ia̍h siaⁿ-im, in-ūi chìn-hêng ê sok-tō͘ kái-piàn, chō-sêng ê lō͘-soàⁿ piàn-hoà. Chit chióng hiān-siōng tī pho-tōng keng-kòe bô-kāng ê kài-chit ê sî-chūn khah hó koan-chhat, m̄-koh si̍t-chè-siong tī tan-it ê kài-chit lāi-bīn mā-sī ū chûn-chāi.

Chiat-siā ê hiān-siōng ē-sái sú-iōng Snell hoat-chek lâi biâu-su̍t:

\frac{\sin\theta_1}{\sin\theta_2} = \frac{v_1}{v_2} = \frac{n_2}{n_1}

ia̍h-sī

n_1\sin\theta_1 = n_2\sin\theta_2\

kái-sek

v_1 kap v_2 sī pho-tōng tī te̍k-tēng kài-chit lāi-bīn ê sok-tō͘ .
\theta_1 kap \theta_2 sī pho-tōng chham kài-chit kap kài-chit sio-chiap kài-bīn ê sûi-ti̍t-sòaⁿ (hoat-sòaⁿ) ê kak-tō͘ .
n_1 kap n_2 sī chiat-siā-lu̍t.

Siong-koan ê bûn-chiong[siu-kái]