Chng Chu Gio̍k-lú

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Chng Chu Gio̍k-lú (莊朱玉女; 1920 nî 9 goe̍h 4 ji̍t – 2015 nî 2 goe̍h 13 ji̍t), pún-miâ Chu Gio̍k-lú, Phêⁿ-ô͘-koān Pe̍h-soa-hiong Ka-pòa-sū chhut-sin, Tâi-oân chû-siān-ka, tn̂g-nî tī Ko-hiông-chhī kong-hn̂g lio̍k-kiô kha bē Sin-tâi-phiò 10 îⁿ kè-siàu ê ài-sim chū-chō͘-chhan.

Seng-pêng[siu-kái | kái goân-sú-bé]

1920 nî 9 goe̍h 4 ji̍t, Chu Gio̍k-lú tī Ji̍t-pún sî-tāi Ko-hiông-chiu Phêⁿ-ô͘-kūn Pe̍h-soa-chng Ka-pòa-sū chhut-sì. 1936 nî hām Chng Bûn-thêng (莊文騰) kiat-hun, kòa Chng sèⁿ, seⁿ cha-po͘ kap cha-bó͘ kiáⁿ kok 3 ê. 16 hòe hām in ang poaⁿ-sóa kàu Ko-hiông. Tē-jī-chhù Sè-kài Tāi-chiàn kî-kan, tú khai-sí in ang pī phài kàu Lâm-iûⁿ chò kun-hu, i tō sái gû-chhia thàn-chia̍h, iā bat chhōa gín-á kàu Tâi-lâm Oan-lí kap Pò͘-tē pī-lān.