Choân-bîn Tâi-gí Jīn-chèng
Choân-bîn Tâi-gí Jīn-chèng (iā kán chheng chò "Tâi-gí Jīn-chèng") sī iû Tâi-oân Sêng-kong Tāi-ha̍k ê Tâi-oân Gí-bûn Chhek-giām Tiong-sim só͘ gián-hoat ê Choân-bîn Tâi-gí Lêng-le̍k Hun-kip Jīn-chèng Chhek-giām. Siāng chá sī Tiong-hôa Bîn-kok Kàu-io̍k-pō͘ úi-thok Sêng-tāi ê thoân-tūi lâi gián-hoat, āu-lâi chiū iû Sêng-tāi ê Tâi-oân Gí-bûn Chhek-giām Tiong-sim ka-tī hū-chek pān-lí. Tong-chhoe-sî, ē gián-hoat che Tâi-gí Jīn-chèng sī ūi-tio̍h beh ài ū chi̍t-thò phiau-chún lâi chhek-giām tiong-ha̍k kap kok-hāu ê lāu-su a̍h-sī chi-oân ê kàu-io̍k jîn-oân in ê Tâi-gí lêng-le̍k. Chit thò jīn-chèng ê lêng-le̍k hun-kip sī pí-chiàu Au-chiu Kiōng-tông Giân-gí Chham-khó Phiau-chún, chiong khó-seng tùi Tâi-gí ê se̍k-chhiú thêng-tō͘ pun chò 6 ê kai-kip.