Choân-kok Jîn-bîn Tāi-piáu Tāi-hōe Tâi-oân-séng Tāi-piáu-thoân

Choân-kok Jîn-bîn Tāi-piáu Tāi-hōe Tâi-oân-séng Tāi-piáu-thoân (全國人民代表大會台灣省代表團), kán-chheng Choân-kok Jîn-tāi Tâi-oân-séng Tāi-piáu-thoân (全國人大台灣省代表團), sī Tiong-hôa Jîn-bîn Kiōng-hô-kok chòe-ko khoân-le̍k ki-koan Choân-kok Jîn-bîn Tāi-piáu Tāi-hōe tiong, tāi-piáu Tiong-hôa Jîn-bîn Kiōng-hô-kok Tâi-oân-séng hêng-sú kok-ka li̍p-hoat-khoân ê jîn-tāi tāi-piáu cho͘-sêng ê tāi-piáu-thoân. Tâi-oân-séng ê tāi-piáu iû Tiong-kok tāi-lio̍k kok-séng, chū-tī-khu, ti̍t-hat-chhī kap Tiong-kok Jîn-bîn Kái-hòng Kun lāi-pō͘ ê Tâi-oân-séng jîn-sū tiong soán-chhut, hām kî-thaⁿ kok-séng choân-kok jîn-tāi tāi-piáu iû séng-kip jîn-bîn tāi-piáu tāi-hōe kàn-chiap soán-kí ê sán-seng hong-sek bô-kāng. Tiong-hôa Jîn-bîn Kiōng-hô-kok pēng-bô si̍t-chè khòng-chè Tâi-oân, só͘-í chit-ê tāi-piáu-thoân bô hō͘ Tiong-hôa Bîn-kok Chèng-hú sêng-jīn.