Eric Stout

Eric Stout
Eric Stout
Tâi-kǹg Hiông-eng – No. 30
	Tâu-chhiú
	Chhut-sì: 1993 nî 3 goe̍h 27 ji̍t (33 hòe); Bí-kok Illinois Chiu Glen Ellyn
Táⁿ-kek: tò	Tâu-kiû: tò
Chit-gia̍p chho͘-chhù chhut-sài
	Bí-kok Chit-pāng: 2018 nî 4 goe̍h 25, tī Kham-sat-su-chhī Hông-ka
	Tiong-hôa Chit-pāng: 2023 nî 8 goe̍h 13, tī Tiong-sìn Hiaⁿ-tī
	Hân-kok Chit-pāng: 2024 nî 9 goe̍h 1 hō, tī Khí-a Hó͘
Bí-kok Chit-pāng sò͘-kì thóng-kè ; (chì 2022 nî ûi-chí)
Sèng-tâu — pāi-tâu	0–0
Tiong-kè — kiù-oān	1–1
Sa̋n-sín—sì-bái	27–18
Hông-gū-lu̍t	7.30
Tiong-hôa Chit-pāng sò͘-kì thóng-kè ; (chì 2025 nî ûi-chí)
Sèng-tâu — pāi-tâu	27–14
Tiong-kè — kiù-oān	1–0
Sa̋n-sín—sì-bái	312–70
Hông-gū-lu̍t	2.64
Hân-kok Chit-pāng sò͘-kì thóng-kè ; (chì 2024 nî ûi-chí)
Sèng-tâu — pāi-tâu	1–1
Tiong-kè — kiù-oān	0–0
Sa̋n-sín—sì-bái	20–5
Hông-gū-lu̍t	5.06
Tūi-ngó͘
	Kham-sat-su-chhī Hông-ka (2018 nî); Chi-ka-ko Hîm-á (2022 nî); Pittsburgh Hái-chha̍t (2022 nî); Tiong-sìn Hiaⁿ-tī (2023 nî－2024 nî); Khí-a Hó͘ (2024 nî); Tâi-kǹg Hiông-eng (2025 nî－);

Eric Joseph Stout (óa-im: ^{É-luih-khoh Chió͘-sō-huh Su-tàu-thoh}, 1993 nî 3 goe̍h 27 ji̍t chhut-sì ), sī Bí-kok ê iá-kiû soán-chhiú, siú-pī ūi-tì sī tâu-chhiú, chit-má tī Tiong-hôa Chit-pāng Tâi-kǹg Hiông-eng hāu-le̍k. I bat hāu-le̍k kòe Bí-kok Chit-pāng Kham-sat-su-chhī Hông-ka, Chi-ka-ko Hîm-á, Pittsburgh Hái-chha̍t, Tiong-hôa Chit-pāng Tiong-sìn Hiaⁿ-tī kah Hân-kok Chit-pāng Khí-a Hó͘.

Seng-gâi

Bí-kok Chit-pāng Sî-kî

2014 nî, tī Bí-kok Chit-pāng soán-siù-hōe lāi-té hō͘ Kham-sat-su-chhī Hông-ka tī tē-13-lûn tē-393-ūi kéng-tio̍h, khai-sí i ê chit-gia̍p seng-gâi. Kāng-nî tī Sin-jîn Liân-bêng chhut-sài 13-tiôⁿ pí-sài, 5-sèng 2-pāi, hông-gū-lu̍t 3.58.

2016 nî, tī 2A chhut-sài 42-tiôⁿ pí-sài, tit-tio̍h 6-sèng 4-pāi, hông-gū-lu̍t 3.86 ê sêng-chek.

2017 nî, tī 3A chhut-sài 45-tiôⁿ pí-sài, tit-tio̍h 5-sèng 2-pāi, hông-gū-lu̍t 2.99. 11 goe̍h 20, Hông-ka kā i khǹg ji̍p-khì 40-lâng miâ-toaⁿ lāi-té, pī-bián khì hőng kui-chek 5 soán-siù.

2018 nî 4 goe̍h 24, thâu-chi̍t-pái khí--lih Tāi-liân-bêng, pēng-chhiáⁿ tī 4 goe̍h 25 tùi-chiàn Milwaukee Kek-chiú-lâng chho͘-teng-pán hō͘-oān tâu 0.2-kio̍k sit 1-hun. 9 goe̍h 10 hō, hőng chí-tēng choán-niō͘.

2019 nî 1 goe̍h 24, kah Sèng-tē-gê-ko Kàu-sū chhiam--loeh Sió-liân-bêng ha̍p-iok, tān-sī sûi tī 3 goe̍h 27 hőng sek-chhut. 4 goe̍h 1 hō, ka-ji̍p to̍k-li̍p liân-bêng Kham-sat-su-chhī T-Bones. 5 goe̍h 31, Cincinnati Âng-lâng kā i ê ha̍p-iok bé tò-tn̄g.

2020 nî 3 goe̍h 4 hō, tńg-khì to̍k-li̍p liân-bêng ê Kham-sat-su-chhī T-Bones, tān-sī in-ūi COVID-19 ê éng-hióng, i chit-tang tī to̍k-li̍p liân-bêng bô chhut-sài ê kì-lo̍k. 7 goe̍h 31 ka-ji̍p Chi-ka-ko Sio-káu.

2021 nî 1 goe̍h 20, kah to̍k-li̍p liân-bêng ê Kham-sat-su-siâⁿ kun-chú chhiam-iok, pēng-chhiáⁿ chhut-sài 4-tiôⁿ pí-sài, 2-sèng 1-pāi, hông-gū-lu̍t 1.96. 6 goe̍h 6 hō Māi-a-bi̍t Má-lîm Hî kā ha̍p-iok bé tò-tn̄g, tān-sī tī 3A chhut-sài ê 7-tiôⁿ pí-sài lāi-té, tit-tio̍h 0-sèng 2-pāi, hông-gū-lu̍t 10.19 ê sêng-chek, só͘-í tī 8 goe̍h 12 tio̍h hőng sek-chhut.

2022 nî 3 goe̍h 8 hō, kah Chi-ka-ko Hîm-á chhiam-iok. 6 goe̍h 21, Pittsburgh Hái-chha̍t kā i ê ha̍p-iok bé tò-tn̄g, pēng-chhiáⁿ tī 8 goe̍h 10 hō ta̍t-sêng Tāi-liân-bêng seng-gâi thâu-chi̍t-pái ê kiù-oān sêng-kong. 11 goe̍h 10 hō, chiâⁿ-chò chū-iû kiû-oân.

2023 nî 4 goe̍h 13, kah Se-ngá-tô͘ Chúi-siú chhiam--loeh ha̍p-iok, pēng-chhiáⁿ tī 3A chhut-sài 21-tiôⁿ pí-sài, tit-tio̍h 3-sèng 1-pāi, hông-gū-lu̍t 4.20, 7 goe̍h 16 hőng sek-chhut.

Tiong-hôa Chit-pāng Sî-kî

2023 nî 7 goe̍h 19, kah Tiong-sìn Hiaⁿ-tī chhiam--loeh ha̍p-iok, Tiong-bûn teng-lo̍k-miâ hō-chò "Ngāi-sū-te̍k" (Hôa-gí: 艾 (ㄞˋ)士 (ㄕˋ)特 (ㄊㄜˋ) ^Àishìtè）^[1]. Hit-tang lóng-chóng chhut-sài 12-tiôⁿ pí-sài, 6-sèng 5-pāi, hông-gū-lu̍t 3.28.

2024 nî, chhut-sài 20-tiôⁿ pí-sài, tit-tio̍h 10-sèng 5-pāi, hông-gū-lu̍t 2.77.

Hân-kok Chit-pāng Sî-kî

2024 nî 8 goe̍h 28, hō͘ Hân-kok Chit-pāng Khí-a Hó͘ kā ha̍p-iok bé tò-tn̄g, cháu khì Hân-kok phah-kiû^[2]. 9 goe̍h 21, in-ūi tio̍h-siong hőng pàng--lo̍h-khì jī-kun, 9 goe̍h 30 hőng kái-iok lī-khui kiû-tūi.

Tńg--khì Tiong-hôa Chit-pāng

2025 nî 1 goe̍h 13, kah Tâi-kǹg Hiông-eng chhiam--loeh ha̍p-iok, Tiong-bûn teng-lo̍k-miâ kái-chò "Ngāi-sok-te̍k" (Hôa-gí: 艾 (ㄞˋ)速 (ㄙㄨˋ)特 (ㄊㄜˋ) ^Àisùtè）^[3].

Chit-pāng Seng-gâi Sêng-chek

Bí-kok Chit-pāng

Nî-tō͘	Kiû-tūi	Chhut-sài	Tiong-kè	Kiù-oān	Sa̋n-sín	Sì-sí	Chek-sit	Tâu-kiû kio̍k-sò͘	Chū-chek-hun-lu̍t	Hőng chiōⁿ-lúi-lu̍t
2018	Kham-sat-su-chhī Hông-ka	3	0	0	2	2	6	2.1	23.14	3.86
2022	Chi-ka-ko Hîm-á	2	0	0	6	1	2	3.2	4.91	1.09
	Pittsburgh Hái-chha̍t	18	1	1	19	15	12	18.2	5.79	1.98
	Ha̍p-kè	20	1	1	25	16	14	22.1	5.64	1.84
Ha̍p-kè	2-tang	23	1	1	27	18	20	24.2	7.30	2.03

Hân-kok Chit-pāng

Nî-tō͘	Kiû-tūi	Chhut-sài	Sian-hoat	Sèng-tâu	Pāi-tâu	Tiong-kè	Kiù-oān	Oân-tâu	Oân-hong	Sa̋n-sín	Sì-sí	Chek-sit	Tâu-kiû kio̍k-sò͘	Chū-chek-hun-lu̍t	Hőng chiōⁿ-lúi-lu̍t
2024	Khí-a Hó͘	4	4	1	1	0	0	0	0	20	8	9	16.0	5.06	1.38
Ha̍p-kè	1-tang	4	4	1	1	0	0	0	0	20	8	9	16.0	5.06	1.38

Tiong-hôa Chit-pāng

Nî-tō͘	Kiû-tūi	Chhut-sài	Sian-hoat	Sèng-tâu	Pāi-tâu	Tiong-kè	Sa̋n-sín	Sì-sí	Chek-sit	Tâu-kiû kio̍k-sò͘	Chū-chek-hun-lu̍t	Hőng chiōⁿ-lúi-lu̍t
2023	Tiong-sìn Hiaⁿ-tī	12	12	6	5	0	79	17	25	68.2	3.28	1.06
2024	Tiong-sìn Hiaⁿ-tī	20	19	10	5	1	109	33	35	113.2	2.77	1.16
2025	Tâi-kǹg Hiông-eng	25	25	11	4	0	124	37	35	141.1	2.23	1.09
Ha̍p-kè	3-tang	57	56	27	14	1	312	87	95	323.2	2.64	1.11

Chham-khó Chu-liāu

↑ "中職》本季首位小聯盟買斷洋投恰總評價新洋投艾士特". 自由時報. 2023-07-19. Goân-pún bāng-ia̍h Pó-chûn tī 2023-08-13. 2024-10-01 khòaⁿ--ê.
↑ "起亞虎4.5萬美元挖角艾士特季後賽受限無法登板". ETtoday新聞雲. 2024-08-28. Goân-pún bāng-ia̍h Pó-chûn tī 2024-09-05. 2024-10-01 khòaⁿ--ê.
↑ "不是艾河！前兄弟艾士特改名「艾速特」加盟台鋼　開季6洋將成軍". ETtoday新聞雲. 2025-01-13.

Gōa-pō͘ Liân-kiat

Tâi-oân Pāng-kiû Wiki-koán：Stout Eric Stout(Hàn-gí)

chêng-jīm: Kang Sîng-gān	Tâi-kǹg Hiông-eng khai-bō͘-chiàn sian-hoat tâu-chhiú 2025 nî	kè-jīm: N̂g Chú-phêng

[1] "中職》本季首位小聯盟買斷洋投恰總評價新洋投艾士特". 自由時報. 2023-07-19. Goân-pún bāng-ia̍h Pó-chûn tī 2023-08-13. 2024-10-01 khòaⁿ--ê.

[2] "起亞虎4.5萬美元挖角艾士特季後賽受限無法登板". ETtoday新聞雲. 2024-08-28. Goân-pún bāng-ia̍h Pó-chûn tī 2024-09-05. 2024-10-01 khòaⁿ--ê.

[3] "不是艾河！前兄弟艾士特改名「艾速特」加盟台鋼　開季6洋將成軍". ETtoday新聞雲. 2025-01-13.

[1]

[2]

[3]