Gōa-iá-chhiú

Gōa-iá-chhiú (Eng-gí: Outfielder, thong-siông kán-siá chò OF) sī iá-kiû kah lúi-kiû ūn-tōng lāi-té ê siú-pī ūi-tì, sī chí hông-siú gōa-iá ê kiû-oân, pun-chò tò-gōa-iá-chhiú, tiong-gōa-iá-chhiú kah chiàⁿ-gōa-iá-chhiú saⁿ-chióng.

In-ūi hông-siú ê hoān-ûi chiâⁿ tōa, só͘-í gōa-iá-chhiú thong-siông ài hō͘ cháu-khah-kín ê kiû-oân tam-jīm. Lēng-gōa, in-ūi kàu pún-lúi ê kī-lī khah hn̄g, nā hoat-seng sit-gō͘ tio̍h khó-lêng chō-sêng sit-hun, só͘-í tùi poe--kòe-lâi ê kiû ài ū khah hó ê phòaⁿ-toàn-le̍k, mā in-ūi lī ta̍k-ê lúi lóng khah hn̄g, só͘-í gōa-iá-chhiú thoân-kiû ê le̍k-liōng mā ài khah hó, tān-sī m̄-sī ta̍k-ê gōa-iá-chhiú lóng ū chok-tōa ê le̍k-liōng thang thoân-kiû, só͘-í nā kiû-tūi lāi-té ū gōa-iá-chhiú le̍k-liōng khah sè, kiû-thoân ē phài-chhut khat-to͘h lêng-le̍k khah hó ê lāi-iá-chhiú lâi phòe-ha̍p.

It-poaⁿ lâi kóng, tò-gōa-iá-chhiú ē khah iau-kiû ài cháu-khah-kín, in-ūi chiàⁿ, tò thûi-á-chhiú ê sò͘-liōng hō͘ tò-gōa-iá-chhiú ê siú-pī ki-hōe khah-chē, chiàⁿ-gōa-iá-chhiú su-iàu khah-kiông ê le̍k-liōng, in-ūi su-iàu tùi chiàⁿ-gōa-iá thoân-kiû khì saⁿ-lúi ê chōng-hóng pí su-iàu tùi tò-gōa-iá thoân-kiû khì it-lúi ke-chiâⁿ-chē, tiong-gōa-iá-chhiú tio̍h-ài ū khah-hó ê thoân-kiû lêng-le̍k mā ài cháu-khah-kín. It-poaⁿ lâi kóng tiong-gōa-iá-chhiú ê siú-pī hū-tam sī siōng-tāng ê, m̄-koh nā kiû-tiôⁿ hêng-chōng khah te̍k-pia̍t (tī Bí-kok Tāi-liân-bêng khah-chia̍p khòaⁿ), khó-lêng tio̍h ē ū kî-tiong chi̍t-ê gōa-iá-chhiú ê siú-pī ūi-tì tōa pa̍t-lâng chin-chē ê chōng-hóng hoat-seng.

Gōa-pō͘ Liân-kiat

Tâi-oân Pāng-kiû Wiki-koán：外野手(Hàn-gí)

Che sī chi̍t phiⁿ kap iá-kiû siong-koan ê phí-á-kiáⁿ. Chhiáⁿ tàu khok-chhiong.