Ko-lê

Wikipedia (chū-iû ê pek-kho-choân-su) beh kā lí kóng...
(Tùi Goryeo choán--lâi)
Pún bûn-chiong kài-siāu kó͘-chá ê chèng-khoân, nā tē-lí bûn-hoàn hoān-ûi ì-gī ê "Ko-lê", chhiáⁿ khòaⁿ Tiâu-sián poàn-tó.

Ko-lê(高麗, 고려, Goryeo), iū-koh kiò-tsò Ko-lê-kok(高麗國, 고려국) ia̍h-sī Ko-lê ông-tiâu(高麗王朝, 고려왕조), sī 918 nî kàu 1392 nî tsûn-tsāi tī Tiâu-sián Puàn-tó tíng-kuân ê tsi̍t ê kun-tsú kok-ka. 918 nî, Ông kiàn(王建, 왕건) thui-huan Kiong Ì(弓裔, 궁예) ê Thài-hong(泰封, 태봉) tsìng-khuân, kiàn-li̍p Ko-lê, tīng siú-too Khai-king(開京, 개경). Ko-lê ê li̍k-sú tsîng-āu tāi-iok uî-tshî 500 nî, it-ti̍t kàu se-guân 1392 nî Tiâu-sián ông-tiâu kiàn-li̍p uî-tsí.

Hu̍t-kàu sī Ko-lê ê Kok-kàu, iōng 16 nî ê sî-kan sóo tiau-khik uân-sîng ê Ko-lê Tāi-tsōng-king(高麗大藏經, 고려 대장경) sī sè-kài kuì-pó. Ko-lê kok-lāi sing-sán ê tshenn huî mā sī sè-kài tshut-miâ ê.

Ko-lê sî-tāi, Arab sing-lí-lâng kā "Ko-lê" ê miâ-tshing thuân-pòo kàu Au-tsiu kok-ka; in-tshú, tsit-tsūn Hân-kok ê Ing-bûn kok-miâ siá-tsò "Korea", i kî-si̍t tō sī "Goryeo".

Ko-lê kin-á-ji̍t hōo Tiâu-sián tsìng-hú jīn-tīng sī Tiâu-sián Puàn-tó tíng-kuân tē-it ê thóng-it kok-ka; iáu-m̄-koh, Hân-kok hong-bīn ê ha̍k-tsiá ū bô-kāng ê khuànn-huat; in jīn-uî Sin-lô tsiah-sī tē-it.

Siong-koan[siu-kái | kái goân-sí-bé]