Hàn-lô-lām

Hàn-lô-lām (á-sī Hàn-lô lām-siá, Hàn-lô; Hàn-lô-lām: 漢lô) sī ēng Hàn-jī kap Lô-má-jī chò-hóe siá Tâi-oân Tâi-gí á-sī Bân-lâm-gí ê su-siá hong-keh. Chú-iāu--ê hong-hoat sī kā Hàn-jī-sû iōng hàn-jī, gōa-lâi-gú ēng lô-má-jī siá, m̄-kò chāi-lâi kò͘-iú-sû tiō chiàu chok-chiá ê hong-keh, koat-tēng siá-chò lô-má-jī á sī hàn-jī. Kheh-gí mā ū kâng-khoán--ê hong-keh. Tī 2025 nî 4 goe̍h 24 ji̍t, ISO 15924 ke-thiⁿ tāi-bé "Hntl" (Hoân-thé hàn-jī kap La-teng jī-bó lām-siá), thang chí chit khoán su-siá hong-sek.

Lē

Tâi-gí/Bân-lâm-gí

Ē-kha sī Sèng-keng Pa Khek-lé e̍k-pún ê Chú-tó-bûn, khó-lêng ê hàn-lô siá-hoat (Hoân-thé hàn-jī kap Pe̍h-ōe-jī):

Goán tī天ni̍h ê Pē，願Lí ê名聖，

Lí ê國臨kàu。

Lí ê旨意得成，tī地ni̍h親像tī天ni̍h。

Goán ê日食，kin-á日hō͘ goán。

赦免goán ê辜負，親像goán ia̍h有赦免辜負goán ê lâng。

莫得chhōa goán入tī試，tio̍h救goán脫離hit ê pháiⁿ--ê.

（因為國、權能、榮光lóng是Lí ê，代代bô盡。Amen。）

Pí-kàu lô-má-jī pán-pún:

Goán tī thiⁿ-ni̍h ê Pē, Goān Lí ê miâ sèng.

Lí ê kok lîm-kàu.

Lí ê chí-ì tit chiâⁿ, tī tōe-ni̍h chhin-chhiūⁿ tī thiⁿ-ni̍h.

Goán ê ji̍t-si̍t, kin-á-ji̍t hō͘ goán.

Sià-bián goán ê ko͘-hū, chhin-chhiūⁿ goán ia̍h ū sià-bián ko͘-hū goán ê lâng.

Bo̍h-tit chhōa goán ji̍p tī chhì, tio̍h kiù goán thoat-lī hit ê pháiⁿ--ê.

(In-ūi kok, kôan-lêng, êng-kng lóng sī Lí ê, tāi-tāi bô-chīn. Amen.)

Kheh-gí

Kheh-gí (Sì-koān-khiuⁿ, 四縣腔)--ê lē:

• Hàn-lô (Hoân-thé Hàn-jī kap Kheh-gí Pe̍h-ōe-jī): Liá cha̍k黃梨tông好食。
• Lô-má-jī: Liá cha̍k vùng-lì tông hó-sṳ̍t.
• Hàn-jī: 這隻黃梨當好食。

Ì-sù: Chit ê ông-lâi chin hó-chia̍h.