Hái-lâm Te̍k-pia̍t Hêng-chèng-khu
 | 這篇文章有漢字的版本。 參考這篇文章的漢字的版本。 |
| Hái-lâm Te̍k-pia̍t Hêng-chèng-khu Kán-chheng: Khêng 海南特別行政區 | |||||||||||
|---|---|---|---|---|---|---|---|---|---|---|---|
 Tiong-hôa Bîn-kok | |||||||||||
_Hainan.svg) | |||||||||||
| Hú-siâⁿ | Hái-kháu-chhī | ||||||||||
| 歷史 | |||||||||||
| Chèng-hú | |||||||||||
| • Lūi-pia̍t | Te̍k-pia̍t hêng-chèng-khu chèng-hú | ||||||||||
| Hêng-chèng tióⁿ-koaⁿ (1949－1972 nî) | |||||||||||
• 1949－1954 nî | Tân Chè-tông | ||||||||||
| |||||||||||
| taⁿ sio̍k |  Tiong-hôa Jîn-bîn Kiōng-hô-kok Tiong-hôa Bîn-kok Oa̍t-lâm Má-lâi-se-a Hui-li̍p-pin | ||||||||||
Hái-lâm Te̍k-pia̍t Hêng-chèng-khu, Kán-chheng "Khêng", bat sī Tiong-hôa Bîn-kok tī Hái-lâm-tó kah Lâm-hái chu tó choân kéng siat-tì ê te̍k-pia̍t hêng-chèng-khu, hoat-tēng koán-hat hoān-ûi kah kin-á-ji̍t ê Tiong-hôa Jîn-bîn Kiōng-hô-kok Hái-lâm-séng sio-siâng. Khu lāi kan-na chhun Tang-soa Kûn-tó, Lâm-soa Kûn-tó ê Thài-pêng-tó kah Tiong-chiu-ta niā-niā, chit-má sī hō͘ Ko-hiông-chhī tāi-koán hêng-chèng sū-bū, Hái-sûn-sú tāi-koán hông-bū.
Le̍k-sú
[siu-kái | kái goân-sí-bé]Hái-lâm-tó kú-tn̂g í-lâi lóng sī sio̍k tī Kńg-tang-séng koán-hat, tī Chheng-tiâu kah Tiong-hôa Bîn-kok sî-kî ū kúi-nā-pái ū lâng thê-chhut beh kiàn séng, tān-sī lo̍h-bóe lóng bô si̍t-hêng. Bîn-kok 36 nî (1947 nî) 8 goe̍h, Kok-bîn Chèng-hú koat-tēng beh siat-li̍p Hái-lâm Te̍k-pia̍t Hêng-chèng-khu, hoān-ûi pau-koat Hái-lâm-tó kah Lâm-hái chu tó[1]. Bîn-kok 38 nî (1949 nî) 1 goe̍h 21, Hái-lâm Te̍k-pia̍t Hêng-chèng-khu chèng-sek sêng-li̍p, só͘ koán-hat ê só͘-chāi pau-koat Hái-lâm-tó, Tang-soa Kûn-tó, Sai-soa Kûn-tó, Tiong-soa Kûn-tó, Lâm-soa Kûn-tó téng-téng ê kûn-tó kah in hù-sio̍k ê tó-sū hām hái-he̍k[2]. Hêng-chèng Tióⁿ-koaⁿ Kong-sú siat tī Hái-kháu, tû-liáu Hái-kháu-chhī í-gōa, ē-kha koh ū 16 ê koān: Khêng-san-koān, Têng-māi-koān, Tēng-an-koān, Bûn-chhiong-koān, Khêng-tang-koān, Lo̍k-hōe-koān, Lîm-ko-koān, Tam-koān, Gâi-koān, Bān-lêng-koān, Lêng-chúi-koān, Kám-un-koān, Chhiong-kang-koān, Lo̍k-tong-koān, Pó-têng-koān, Pe̍k-soa-koān[3][4]. Bîn-kok 39 nî (1950 nî) 5 goe̍h 1 hō, Kái-hòng-kun chiàm-niá kui-ê Hái-lâm-tó, Kok-kun tī thiat-thè ê sî, Sai-soa kah Lâm-soa ê chù-kun mā chò-hóe thiat-thè, kan-na pó-liû Tang-soa ê siú-kun, āu--lâi Tiong-kiōng sûi chiàm-niá Sai-soa Kûn-tó.
Sui-jiân tī hoat-lu̍t-siōng Hái-lâm Te̍k-khu iû-goân chûn-chāi, tān-sī hêng-chèng-siōng oân-choân tiāⁿ--khì, āu--lâi mā bô tī Tâi-oân Pún-tó, Thài-pêng-tó ia̍h Tang-soa Kûn-tó tiông-kiàn Te̍k-khu Chèng-hú, tān-sī Tiong-hôa Bîn-kok Chèng-hú it-ti̍t kàu Bîn-kok 61 nî (1972 nî) 3 goe̍h 7 hō chiah thêng-chí sek-iōng Hái-lâm Te̍k-khu Hêng-chèng Tióⁿ-koaⁿ Kong-sú Cho͘-chit Tiâu-lē kah Hái-lâm Kiàn Séng Tiû-pī Úi-oân-hōe Cho͘-chit Tiâu-lē, 2003 nî 5 goe̍h chiah chèng-sek kā chit 2-ê hoat-lu̍t hùi-chí. 1990 nî, Hêng-chèng-īⁿ he̍k-tēng Ko-hiông-chhī sêng-li̍p koán-lí úi-oân-hōe, kā Hái-lâm Te̍k-khu chhun-ê léng-thó͘ kau hō͘ Ko-hiông-chhī Kî-tin-khu tāi-koán, pēng-chhiáⁿ siat-li̍p "Hî-gia̍p Kang-chok-chām", hông-bū kau hō͘ Hái-sûn-sú chiap-koán[5][6][7].
Chham-khó Chu-liāu
[siu-kái | kái goân-sí-bé]- ↑ 莫先熊 (1983). 《中華民國分省圖》. 台灣生力出版社.:18
- ↑ 海南省地方誌辦公室. 海南省誌.
- ↑ 「國史館」地理志編纂委員會 (1990). 《中華民國史地理志（初稿）》. 台北: 「國史館」.:28
- ↑ 傅林祥; 鄭寶恆 (2007). 周振鶴主編, pian. 《中國行政區劃通史·中華民國卷》 (第一版 pán.). 上海: 復旦大學出版社.:280
- ↑ 中華民國海外華人研究學會. "東沙海域文史資源調查研究成果報告" (PDF). 海洋國家公園管理處. 內政部營建署. Goân-pún bāng-ia̍h Pó-chûn (PDF) tī 2021-04-20. 2020-02-27 khòaⁿ--ê.
- ↑ "土地". 總統府. Goân-pún bāng-ia̍h Pó-chûn tī 2022-03-04. 2020-05-10 khòaⁿ--ê.
- ↑ "東沙、南沙環礁國家公園". 高雄市旗津區公所. Goân-pún bāng-ia̍h Pó-chûn tī 2020-02-23. 2020-05-10 khòaⁿ--ê.
 | Pún bûn-chiuⁿ sī chi̍t phiⁿ phí-á-kiáⁿ. Lí thang tàu khok-chhiong lâi pang-chō͘ Wikipedia. |
| ||||||||||||||||||||||||||||||||||||||||||||||||||||||||||||||
.svg){kind=small}
