Hô͘-lô͘-tiám

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
TU ou.png

Hô͘-lô͘-tiám (hàn-jī: 葫蘆點) sī Pe̍h-ōe-jī ê hú-chō͘ hû-hō chi it. Thôan-thóng ê Pe̍h-ōe-jī iōng hô͘-lô͘-tiám khu-hun /o/ kap /ɔ/ chit 2-ê im-sò͘ ê lô-má-jī, iā-chiū-sī o kap . Āu--lâi mā ū ha̍k-chiá kiàn-gī iōng hô͘-lô͘-tiám chè-chō sin ê bó-im hû-hō (chhan-chhiūⁿ ), te̍k-pia̍t sī gōa-lâi-gí so͘ su-iàu ê chi̍t-kóa-á im. "Hô͘-lô͘-tiám" chit-ê bêng-sû pún-sin tō piáu-hiān chhut chit-ê /ɔ/ im, kap hô͘-lô͘ bô koan-hē.

2004 nî chìn-chêng ê Thong-iōng-bé pēng-bô ha̍h-su ê hû-hō thang chèng-khak piáu-sī hô͘-lô͘-tiám. Tiāⁿ-tiāⁿ sī chioh-iōng tiong-kan-tiám (·,U+00B7) piáu-sī. 2005 nî khai-sí ū khah chē lâng kái-iōng chiàⁿ-pêng-koân-tiám (U+0358) piáu-sī hô͘-lô͘-tiám. Tû-liáu Thong-iōng-bé í-gōa mā chin chia̍p iōng te̍k-sû ê chhiú-bóe pian-bé (legacy encoding) hē-thóng, te̍k-pia̍t sī Taiwanese Package ê hē-thóng.

Āu--lâi ha̍k-chiá Tiuⁿ Jū-hông (張裕宏) kiàn-gī ôan-ná the̍h hô͘-lô͘-tiám khì tàu kî-thaⁿ ê POJ bó-im jī-bó (a, i, u, e), án-ne lâi piáu-sī chi̍t-kóa hong-giân-im kap gōa-lâi-im.

Kàu-io̍k-pō͘ thui-chhut--ê Tâi-lô tú ū hô͘-lô-tiám--ê o (o) lia̍h-chòe oo--ê thoân-thóng-pán goā, bô-iōng chit-ê hû-hō, hong-giân te̍k-iú bó-im kái iong ke -r (lē: ir) iah-sī têng-siá (lē: ee) lâi ke-thiⁿ.

Koh khoàⁿ[siu-kái | kái goân-sú-bé]

Chham-khó[siu-kái | kái goân-sú-bé]