Hô Phín-sek-iông
 | 這篇文章有漢字的版本。 參考這篇文章的漢字的版本。 |
| Hô Phín-sek-iông 何品室融 | |||
|---|---|---|---|
| Lo̍k-thian Thô-oân – No. 66 | |||
Gōa-iá-chhiú | |||
| |||
| Tiong-hôa Chit-pāng Chho͘-chhù chhut-sài | |||
| 2025 nî 10 goe̍h 4 hō, tī Lo̍k-thian Thô-oân | |||
| Tiong-hôa Chit-pāng sò͘-kì thóng-kè (chì 2025 nî ûi-chí) | |||
| Táⁿ-kek-lu̍t | 0.111 | ||
| An-táⁿ | 1 | ||
| Choân-lûi-táⁿ | 0 | ||
| Táⁿ-tiám | 0 | ||
| Thau-luí | 1 | ||
| Tūi-ngó͘ | |||
| |||
| Seng-gâi cheng-chhái piáu-hiān kah ti̍t-chióng | |||
| |||
Hô Phín-sek-iông (2005 nî 9 goe̍h 18 ji̍t chhut-sì ) sī Tâi-oân ê iá-kiû soán-chhiú, chit-má tī Tiong-hôa Chit-pāng Lo̍k-thian Thô-oân hāu-le̍k, siú-pī ūi-tì sī gōa-iá-chhiú.
In-ūi i ê miâ ū 4-ê jī, tiāⁿ-tiāⁿ hŏng gō͘-hōe sī ho̍k-sèⁿ ia̍h-sī Ji̍t-pún-lâng, m̄-koh si̍t-chè-siōng "Hô" chiah-sī i ê sèⁿ.
Seng-gâi
[siu-kái | kái goân-sí-bé]Hô Phín-sek-iông tī Hoa-liân-koān chhut-sì, kok-sió tī Ta-pa-lóng Kok-sió tha̍k-chheh, kok-tiong chìn-ji̍p Hoa-liân-koān Sam-bîn Kok-tiong, ko-tiong tha̍k Sin-pak-chhī Ko-kip Ka-siong, ko-tiong pit-gia̍p liáu-āu sûi tâu-ji̍p soán-siù[1].
2024 nî 6 goe̍h 28, Hô Phín-sek-iông tī 2024 nî Tiong-hôa Chit-pāng Soán-siù-hōe í tē-2-lûn tē-5-ūi hō͘ Lo̍k-thian Thô-oân soán-tio̍h[2]. 8 goe̍h 27, Hô Phín-sek-iông í chhiam-iok-kim 410-bān, goe̍h-sin 8-bān kho͘, kek-lē chióng-kim 100-bān kho͘ ê ha̍p-iok ka-bêng Lo̍k-thian Thô-oân[3].
2025 nî 10 goe̍h 4 hō, Hô Phín-sek-iông tī Sin-pak Chhī-li̍p Sin-chng Iá-kiû-tiûⁿ tùi-chiàn Hù-pang Hān-chiòng ê pí-sài lāi-té, í sian-hoat jī-hoan chiàⁿ-gōa-iá-chhiú chhut-sài, sī seng-gâi thâu-chi̍t-tiûⁿ chhut-sài kah sian-hoat[4].
2026 nî 4 goe̍h 17, tī Toā-pi-ô͘ Iá-kiû-tiûⁿ tùi-chiàn Tâi-kǹg Hiông-eng, 4-kio̍k téng-pòaⁿ bīn-tùi Khám-lâm kòng-chhut chiàⁿ-gōa-iá ê boán-lúi choân-lúi-táⁿ, sī i seng-gâi thâu-chi̍t-ki hŏng-bú-láng, chiâⁿ-chò liân-bêng sú-siōng tē-16-ūi seng-gâi thâu-chi̍t-hong tio̍h sī boán-lúi choân-lúi-táⁿ ê kiû-oân, pēng-chhiáⁿ í 20-hòe 211-kang ê nî-hòe chiâⁿ-chò chit 16-ūi lāi-té siōng siàu-liân ê soán-chhiú.
Chit-pāng Seng-gâi Sêng-chek
[siu-kái | kái goân-sí-bé]| Nî-tō͘ | Kiû-tūi | Chhut-sài | Táⁿ-sò͘ | An-táⁿ | Hŏng-bú-láng | Táⁿ-tiám | Thau-lúi | Săn-sín | Sì-sí | Lúi-táⁿ-sò͘ | Siang-sat | Táⁿ-kek-lu̍t | Chiōⁿ-lúi-lu̍t | Tn̂g-táⁿ-lu̍t | OPS |
|---|---|---|---|---|---|---|---|---|---|---|---|---|---|---|---|
| 2025 | Lo̍k-thian Thô-oân | 2 | 9 | 1 | 0 | 0 | 1 | 0 | 1 | 1 | 0 | 0.111 | 0.200 | 0.111 | 0.311 |
| Ha̍p-kè | 1-tang | 2 | 9 | 1 | 0 | 0 | 1 | 0 | 1 | 1 | 0 | 0.111 | 0.200 | 0.111 | 0.311 |
Chham-khó Chu-liāu
[siu-kái | kái goân-sí-bé]- ↑ 陳立勳 (2024-06-20). "陽念希旅外優先放棄中職 何品室融、曾聖安參加選秀". 台北: ETtoday新聞雲. 2025-11-04 khòaⁿ--ê.
- ↑ 楊舒帆 (2024-06-28). "何品室融第二指名進樂天 期待跟「穀保幫」團聚！". 台中: ETtoday新聞雲. 2025-11-04 khòaⁿ--ê.
- ↑ 王真魚 (2024-08-27). "樂天桃猿新人選秀有1人「空氣」 30日舉行加盟儀式". 桃園: ETtoday新聞雲. 2025-11-04 khòaⁿ--ê.
- ↑ 徐正揚 (2025-10-04). "接到上一軍的電話 何品室融：有點不敢置信". 自由時報. 新北. 2025-11-04 khòaⁿ--ê.
Gōa-pō͘ Liân-kiat
[siu-kái | kái goân-sí-bé]Tâi-oân Pāng-kiû Wiki-koán：何品室融(Hàn-gí)
| ||||||||||||