Hù-pang Hān-chiòng
 | 這篇文章有漢字兮版本。 參考這篇文章兮漢字版本。 |
| Hù-pang Hān-chiòng 富邦悍將 | |||||
| |||||
| Só͘-sio̍k liân-bêng | Tiong-hôa Chit-gia̍p Pāng-kiû Tāi Liân-bêng | ||||
|---|---|---|---|---|---|
| Kiû-thoân hoat-jîn | Hù-pang Io̍k-lo̍k Kó͘-hūn Iú-hān Kong-si | ||||
| Sêng-li̍p sî-kan | 1989 nî 3 goe̍h 20 | ||||
| Le̍k-sú | Chùn-kok Kiàn-siat Iá-kiû-tūi (1989 nî－1992 nî) Chùn-kok Hîm (1993 nî－1995 nî) Heng-lông Hîm (1996 nî) Heng-lông Gû (1996 nî－2012 nî) Gī-tāi Sai-gû (2013 nî－2016 nî) Hù-pang Hān-chiòng (2017 nî－) | ||||
| Só͘-chai-tē | Sin-pak-chhī | ||||
| Chú-tiôⁿ | Sin-pak Chhī-li̍p Sin-chng Iá-kiû-tiûⁿ | ||||
| Ióng-iú-chiá | Hù-pang Kim-khòng | ||||
| Léng-tūi | Tân Chiau-jû | ||||
| Chóng-kàu-liān | Hō͘-têng Kong-chun | ||||
| Kùi-koan-kun | (8) | ||||
| Nî-tō͘ chóng-koan-kun | (3) | ||||
| Tāi-piáu-sek | Nâ-sek | ||||
| Koaⁿ-hong bāng-chí | www | ||||
Hù-pang Hān-chiòng (富邦悍將) sī Tiong-hôa Chit-pāng ê chi̍t ki kiû-tūi, chú-tiûⁿ tī Sin-chng, tāi-piáu-sek sī nâ-sek, pau-hâm chiân-sin Chùn-kok Hîm, Heng-lông Gû, Gī-tāi Sai-gû lóng-chóng bat the̍h-kòe 8-ê kùi-koan-kun kah 3-ê chóng-koan-kun.
Le̍k-sú
[siu-kái | kái goân-sí-bé]Chùn-kok Hîm (1989 nî－1995 nî)
[siu-kái | kái goân-sí-bé]Chùn-kok Hîm sī Tiong-hôa Chit-pāng tī 1993 nî kàu 1995 nî ê chi̍t-ki iá-kiû-tūi, bú-kong-si sī Chùn-kok Kiàn-siat. Chiân-sin sī 1989 nî chhòng-li̍p ê gia̍p-û kiû-tūi "Chùn-kok Kiàn-siat Iá-kiû-tūi", 1993 nî kah Sî-pò Eng chò-hóe ka-ji̍p Tiong-hôa Chit-pāng liáu-āu kái-miâ Chùn-kok Hîm[1]. Chùn-kok Hîm tī chit saⁿ-tang ê chiàn-chek lóng bô-siáⁿ-hó, tû-liáu thâu-chi̍t-tang pâi tī tē-sì-miâ í-gōa, sòa--lo̍h-lâi nn̄g-tang lóng sī thiām-té.
Heng-lông Hîm (1996 nî Siōng-pòaⁿ-kùi)
[siu-kái | kái goân-sí-bé]1995 nî Kiû-kùi kiat-sok liáu-āu, Heng-lông chi̍p-thoân tī 11 goe̍h 5 hō í Sin-tâi-phiò 2-ek 9-chheng-bān kho͘ kā Chùn-kok Hîm 55% ê kó͘-khoân bé--lo̍h-lâi, kái-miâ chò Heng-lông Hîm, sī Tâi-oân thâu-chi̍t-pái ê chit-pāng kiû-tūi kau-e̍k-àn[2]. 1996 nî kiû-kùi siōng-pòaⁿ-kùi Heng-lông Hîm 14-sèng 36-pāi, iu-goân sī thiām-té.
Heng-lông Gû (1996 nî Hā-pòaⁿ-kùi－2012 nî)
[siu-kái | kái goân-sí-bé]
1996 nî 6 goe̍h 7 hō, Heng-lông koh í Sin-tâi-phiò 2-ek 3-chheng 7-pah 20-bān kho͘ kā chhun--ê 45% ê kó͘-koân bé--lo̍h-lâi, chiâⁿ-chò kiû-tūi ûi-it ê ióng-iú-chiá. In-ūi Heng-lông sī seng-sán lông-io̍h khai-sí ê, só͘-í kái-chò iōng gû chò kiû-tūi ê kiat-siông-bu̍t, kái-miâ chò "Heng-lông Gû".
1997 nî khai-sí kah Lo̍k-sam-ki Dodgers ha̍p-chok, Dodgers tī iông-chiòng kah kiû-oân hùn-liān ê hong-bīn pang-chō͘ chiâⁿ-tōa, chêng bêng-seng kiû-oân Ióng-chòng tio̍h-sī thàu-kòe Dodgers kài-siāu ji̍p-khì ê, lēng-gōa Dodgers koh thê-kiong gōa-che̍k kàu-liān kah hái-gōa hùn-liān ê tē-tiûⁿ hō͘ Heng-lông Gû. 1998 nî, Gû-tūi í nî-tō͘ tē-1 phah ji̍p-khì chóng-koan-kun-sài, tān-sī tī chóng-koan-kun-chiàn lāi-té í 3-sèng 4-pāi su-hō͘ ōe-bián-kun Bī-choân Liông. Bī-choân Liông oân-sêng 3-liân-pà liáu-āu, hō͘ Téng-sin Chi̍p-thoân kái-sàn, āu-lâi pau-hâm Tiuⁿ Thài-san, Ia̍p Kun-chiong téng-téng Liông-tūi ê kiû-oân lóng ka-ji̍p Gû-tūi.
2000 nî, si̍t-le̍k kah jîn-khì lóng chìn-pō͘ chiâⁿ chē ê Heng-lông Gû chài-tō͘ phah--ji̍p-khì chóng-koan-kun-sài, kah Thóng-it Sai phah kah tē-7-tiûⁿ, lo̍h-bóe phah-su. 2003 nî, Gû-tūi tē-saⁿ-pái chham-ka chóng-koan-kun-sài, tān-sī chòe-āu iá-sī í 2-sèng 4-pāi su hō͘ beh thiau-chiàn 3-liân-pà ê Hiaⁿ-tī Chhiūⁿ. 2004 nî, Heng-lông Gû koh chi̍t-pái phah ji̍p-khì Tâi-oân Tōa-sài, í 4-sèng 3-pāi phah-pāi Thóng-it Sai, chóng-sǹg sī tit-tio̍h tūi-sú thâu-chi̍t-ê Tâi-oân Tōa-sài koan-kun. Keh-nî, koh í 4-chiàn choân-iâⁿ phah-pāi Sêng-thài COBRAS tit-tio̍h Tâi-oân Tōa-sài koan-kun, oân-sêng jī-liân-pà, ē-tàng kóng sī Gû-tūi ê choân-sēng sî-kî. 2006 nî, Gû-tūi phah ji̍p-khì kùi-āu-sài, tān-sī lo̍h-bóe 3-chiàn lóng su hō͘ Thóng-it Sai bô-iân chìn-kip, thiáu-chiàn 3-liân-pà sit-pāi.
2010 nî, Heng-lông Gû koh-chi̍t-pái tit-tio̍h nî-tō͘ chiàn-chek tē-1, pēng-chhiáⁿ tit-tio̍h siōng-pòaⁿ-kùi koan-kun, kah hā-pòaⁿ-kùi koan-kun Hiaⁿ-tī Chhiūⁿ chìn-hêng 2010 nî Tâi-oân Tōa-sài, tān-sī chòe-āu 4-chiàn lóng su. Kiû-kùi kiat-sok liáu-āu, kiû-tūi si̍t-si choân-pún-thó͘ chèng-chhek, chiâⁿ chē iông-chiòng pī-pek lī-khui, Tiuⁿ Thài-san mā hőng kau-e̍k khì Thóng-it Sai. Tān-sī in-ūi si̍t-si choân-pún-thó͘ chèng-chhek, ōaⁿ-lâi liân-sòa nn̄g-tang thiām-té, phiò-pâng siū-tio̍h chiâⁿ giâm-tiōng ê éng-hióng, lo̍h-bóe Heng-lông koat-tēng kā kiû-tūi bē-tiāu. 10 goe̍h 27, Heng-lông Gû tī Tâi-tiong kí-pān Kám-siā Kìⁿ-bīn-hōe, siōng-teng Heng-lông Gû ê sî-tāi kiat-sok. 11 goe̍h 6 hō, Heng-lông Gû tī Tâi-tiong Chiu-chè Iá-kiû-tiûⁿ ê jia̍t-sin-sài lāi-té, í 5:3 phah-pāi Tiong-hôa-tūi, chit-tiûⁿ pí-sài mā sī Heng-lông Gû siōng-bóe chi̍t-tiûⁿ pí-sài. 12 goe̍h 17, Gû-tūi chèng-sek bē hō͘ Gī-liân Chi̍p-thoân, kái-miâ Gī-tāi Sai-gû.
Gī-tāi Sai-gû (2013 nî－2016 nî)
[siu-kái | kái goân-sí-bé]2.JPG)
Gī-tāi Sai-gû tī chhú-tāi Heng-lông Gû liáu-āu, tī soán-siù-hōe téng-koân kā Ô͘ Kim-liông, Ko Kok-hui, Iûⁿ Koàn-ui kéng ji̍p-khì, hō͘ kiû-tūi chiàn-le̍k ke chiok kiông--ê, koh lô-bāng chêng Bí-kok Chit-pāng Tāi-liân-bêng ê thûi-á-chhiú Manny Ramirez, ín-hoat "Manny Soān-hong", ka-siōng 2013 nî Sè-kài Iá-kiû Keng-tián-sài ê jia̍t-tiâu, hō͘ hit-nî ê koan-chiòng jîn-sò͘ ke khah-chè. 2013 nî kiû-tūi ōaⁿ lâng chiap-chhiú liáu-āu, thâu-chi̍t-ê kiû-kùi tio̍h tit-tio̍h siōng-pòaⁿ-kùi koan-kun, chiâⁿ-chò Tiong-hôa Chit-pāng sú-siōng thâu-chi̍t-ki tī bē-tiāu liáu-āu thâu-chi̍t-tang tio̍h tit-tio̍h kùi koàn-kun ê kiû-tūi. Tān-sī chhōa-niá Sai-gû tit-tio̍h kùi-koan-kun ê chóng-kàu-liān Chhî Seng-bêng tī 2013 nî 8 goe̍h 24 kòe-sin, hō͘ lâng chiâⁿ gông-ngia̍h. Āu--lâi Gī-tāi tī Tâi-oân Tōa-sài tùi-koat goân-ló kiû-tūi Thóng-it 7-ELEVEn Sai, lo̍h-bóe 4-chiàn lóng su, hō͘ Thóng-it tit-tio̍h 2013 nî ê chóng koan-kun. 2015 nî, Gī-tāi Sai-gû hāu-hoat Lamigo Thô-oân chiâⁿ-chò tē-2-ki kā kui-nî só͘-ū ê chú-tiûⁿ sài-sū lóng khǹg tī kâng-chi̍t-ê kiû-tiûⁿ (Ko-hiông-chhī Tōa-pi-ô͘ Iá-kiû-tiûⁿ) ê kiû-tūi. Chit-nî sui-jiân bô-iân chóng-koan-kun-sài, tān-sī tit-beh pau-pān Tiong-hôa Chit-pāng ê só͘-ū kò-jîn chióng-hāng.
2016 nî 5 goe̍h 26 tī Thô-hn̂g Iá-kiû-tiûⁿ í 6:3 phah-iâⁿ Lamigo Thô-oân, tit-tio̍h pau-hâm chiân-sin Chùn-kok Hîm, Heng-lông Gû ê tūi-sú tē 1100-sèng, sī tē-3-ki ta̍t-sêng chit-ê kì-lo̍k ê kiû-tūi [chù 1]. 6 goe̍h 16 ē-po͘, Gī-liân Chi̍p-thoân soan-pò͘ beh chhōe choán-chhiú tùi-siōng. 10 goe̍h 8 hō, Gī-tāi Sai-gû í 8:3 phah-iâⁿ Lamigo Thô-oân tit-tio̍h hā-pòaⁿ-kùi koan-kun. Khak-tēng ē tī 2016 nî Tâi-oân Tōa-sài tùi-chiàn Tiong-sìn Hiaⁿ-tī. Tī Tâi-oân Tōa-sài lāi-té, sui-jiân chêng-nn̄g-tiûⁿ lóng su-hō͘ Tiong-sìn Hiaⁿ-tī, m̄-koh tī sòa--lo̍h-lâi 4-tiûⁿ ê pí-sài, Gī-tāi Sai-gû phah chhut sì-liân-sèng, Gī-tāi Sai-gû tit-tio̍h kiû-thoân-sú thâu-chi̍t-pái ê chóng-koan-kun, mā sī siōng-bóe chi̍t-ê chóng-koan-kun.
Hù-pang Hān-chiòng (2017 nî－)
[siu-kái | kái goân-sí-bé]2016 nî 10 goe̍h 24, Hù-pang soan-pò͘ í Sin-tâi-phiò 3-ek-kho͘ kā Gī-tāi Sai-gû bé--lo̍h-lâi, pēng-chhiáⁿ tī 11 goe̍h 1 hō chiap-chhiú kiû-thoân keng-êng[3]. 11 goe̍h 15, Hù-pang Chi̍p-thoân kong-pò͘ sin ê tūi-miâ sī "Hù-pang Hān-chiòng"[4][5].
2017 nî kiû-kùi kiat-sok liáu-āu, Hù-pang Hān-chiòng khak-tēng chiâⁿ-chò tē-3-ki lē-hêng-sài thiām-té ê ōe-bián kiû-tūi [chù 2][6]. 2018 nî Tiong-sìn Hiaⁿ-tī po̍k-hoat "Ngó͘-hó͘-chiòng Sū-kiāⁿ" sek-chhut 7-ê soán-chhiú, Hù-pang Hān-chiòng chiap-siu kî-tiong ê 4-ūi[7][8]. 10 goe̍h 4 hō, tī chú-tiûⁿ Sin-chng Iá-kiû-tiûⁿ phah-pāi Tiong-sìn Hiaⁿ-tī liáu-āu khak-tēng nî-tō͘ chiàn-chek tē-3[9], keh-ji̍t Lamigo Thô-oân tit-tio̍h hā-pòaⁿ-kùi koan-kun liáu-āu, Hù-pang kah Thóng-it 7-ELEVEn Sai khak-tēng chìn-ji̍p kùi-āu thiau-chiàn-sài, nn̄g-tūi beh cheng-chhú phah ji̍p-khì chóng-koan-kun-sài ê ki-hōe[9]. Tān-sī tī 10 goe̍h 22, Hù-pang Hān-chiòng tī chú-tiûⁿ í 8:9 su-kiû, Thóng-it Sai í 3-sèng 1-pāi chìn-kip Tâi-oân Tōa-sài[10]. 2019 nî 10 goe̍h 4 hō, in-ūi Lamigo Thô-oân phah iâⁿ Tiong-sìn Hiaⁿ-tī, kah Hù-pang pēng-lia̍t choân-nî-tō͘ sèng-lu̍t tē-it, Hù-pang Hān-chiòng in-ūi bô tan-to̍k tit-tio̍h nî-tō͘ tē-it bô-iân chìn-kip kùi-āu-sài, sī Tiong-chit sú-siōng tē-3-pái nî-tō͘ sèng-lu̍t tē-it tān-sī bô tit-tio̍h kùi-koàn-kun[11]. 2020 nî, Hù-pang Hān-chiòng keng-le̍k kòe siōng-pòaⁿ-kùi 23-sèng 37-pāi thiām-té liáu-āu, tī hā-pòaⁿ-kùi bat ū ki-hōe phah ji̍p-khì kùi-āu-sài, tān-sī lo̍h-bóe tī chòe-āu chi̍t-tiûⁿ í 0:2 su hō͘ Thóng-it Sai liáu-āu, khak-tēng hőng tô-thài.
2021 nî 4 goe̍h 26, tī Thô-hn̂g Iá-kiû-tiûⁿ tùi-chiàn Lo̍k-thian Thô-oân, í 3:5 su-kiû, chhòng-chō Tiong-chit 33 nî lâi khui-kùi chêng 14-tiûⁿ chiàn-chek siōng bái ê kì-lo̍k[12]. 5 goe̍h 12, Hù-pang Hān-chiòng í 1:6 su hō͘ Thóng-it Sai, siōng-pòaⁿ-kùi chêng 25-tiûⁿ pí-sài 4-sèng 21-pāi, phah-phòa 1996 nî chiân-sin Heng-lông Hîm ê kì-lo̍k, hit-tang-chūn Heng-lông Hîm 25-tiûⁿ 5-sèng 20-pāi, Hù-pang mā chhòng-chō tūi-sú lāi-té siōng chhám ê kì-lo̍k; āu-lâi chiàn-chek hôe-seng, 6 goe̍h tan-goe̍h sèng-lu̍t mā bat chhiau-kòe gō͘-siâⁿ, tān-sī tī 6-goe̍h-té kiû-tūi lāi po̍k-hoat e̍k-chêng hō͘ chōng-hóng cháu-cheng khì, it-ti̍t kàu siōng-pòaⁿ-kùi siōng-bóe chi̍t-tiûⁿ í 4:3 phah-iâⁿ Thóng-it Sai liáu-āu chiah kiat-sok 13-liân-put-sèng, kî-kan koh bat tú-tio̍h 11-liân-pāi, kah tūi-sú tan-kùi siōng tn̂g ê liân-pāi kì-lo̍k pêⁿ chē. Siōng-pòaⁿ-kùi chiàn-chek 16-sèng 43-pāi 1-hô, sèng-lu̍t 0.271 m̄-nā phah phòa Tiong-sìn Hiaⁿ-tī tī 2014 nî siōng-pòaⁿ-kùi ê siōng bái chiàn-chek (19-sèng 40-pāi 1-hô, sèng-lu̍t 0.322), siâng-sî mā sī chū 2009 nî khai-sí chhái-iōng 120-tiûⁿ, siōng-hā pòaⁿ-kùi kok 60-tiûⁿ ê sài-chè í-lâi, Tiong-chit sú-siōng pòaⁿ-kùi chiàn-chek siōng-bái ê kì-lo̍k [chù 3][13][14][15]. 2024 nî 8 goe̍h 31, Hù-pang Hān-chiòng tùi-chiàn Tiong-sìn Hiaⁿ-tī, í 5:7 su-kiû, sī tan-goe̍h tē-17-pāi, phah-phòa liân-bêng ê kì-lo̍k, sī tan-goe̍h su siōng chē tiûⁿ ê kì-lo̍k. 2025 nî Hù-pang iū-koh thiām-té, 9 goe̍h 19 tī Thô-hn̂g Iá-kiû-tiûⁿ 2 : 6 su-hō͘ Lo̍k-thian Thô-oân, tit-tio̍h tan-kùi tē-70-pāi, sī Tiong-chit sú-siōng tē-9-pái, tūi-sú tē-5-pái. 9 goe̍h 21 tī Tâi-pak Tōa-kī-tàn hō͘ Tâi-kǹg Hiông-eng í 4 : 2 phah-pāi, khak-tēng bô-hoat-tō͘ tit-tio̍h ē-pòaⁿ-kùi koan-kun, kah Tiong-sìn Keng liân-sòa 18-ê pòaⁿ-kùi bô-iân kùi-koan-kun ê kí-lo̍k pêⁿ-chē, lēng-gōa mā khak-tēng Hù-pang tī 2025 nî kiû-kì bô-hoat-tō͘ chìn-ji̍p kùi-āu-sài.
Ta̍k-nî Sèng-chek
[siu-kái | kái goân-sí-bé]Ta̍k-nî Siōng-hā Pòaⁿ-kùi kah Choân-nî Chiàn-chek
[siu-kái | kái goân-sí-bé]- (Chho͘-o͘-jī sī tūi-sú siōng-hó ê sêng-chek)
| Kiû-kùi | Siōng-pòaⁿ-kùi | Hā-pòaⁿ-kùi | Choân-nî Chiàn-chek | ||||||||||||
|---|---|---|---|---|---|---|---|---|---|---|---|---|---|---|---|
| Sèng | Pāi | Hô | Sèng-lu̍t | Miâ-chhù | Sèng | Pāi | Hô | Sèng-lu̍t | Miâ-chhù | Sèng | Pāi | Hô | Sèng-lu̍t | Miâ-chhù | |
| Chùn-kok Hîm sî-kî | |||||||||||||||
| 1993 | 21 | 24 | 0 | 0.467 | 4 | 19 | 23 | 3 | 0.452 | 4 | 40 | 47 | 3 | 0.460 | 4 |
| 1994 | 14 | 31 | 0 | 0.311 | 6 | 15 | 28 | 2 | 0.349 | 6 | 29 | 59 | 2 | 0.330 | 6 |
| 1995 | 19 | 30 | 1 | 0.388 | 6 | 21 | 28 | 1 | 0.429 | 6 | 40 | 58 | 2 | 0.408 | 6 |
| Heng-lông Hîm & Heng-lông Gû sî-kî | |||||||||||||||
| 1996 | 14 | 36 | 0 | 0.280 | 6 | 14 | 33 | 3 | 0.298 | 6 | 28 | 69 | 3 | 0.289 | 6 |
| 1997 | 20 | 26 | 2 | 0.435 | 5 | 25 | 22 | 1 | 0.532 | 3 | 45 | 48 | 3 | 0.484 | 5 |
| 1998 | Tan-it kiû-kùi chè | 58 | 45 | 2 | 0.563 | 1 | |||||||||
| 1999 | Tan-it kiû-kùi chè | 30 | 61 | 2 | 0.330 | 6 | |||||||||
| 2000 | 27 | 17 | 1 | 0.614 | 1 | 24 | 21 | 0 | 0.533 | 2 | 51 | 38 | 1 | 0.573 | 1 |
| 2001 | 17 | 25 | 3 | 0.405 | 4 | 17 | 26 | 2 | 0.395 | 4 | 34 | 51 | 5 | 0.400 | 4 |
| 2002 | 21 | 23 | 1 | 0.477 | 3 | 23 | 22 | 0 | 0.511 | 3 | 44 | 45 | 1 | 0.494 | 3 |
| 2003 | 34 | 15 | 1 | 0.694 | 1 | 28 | 17 | 5 | 0.622 | 3 | 62 | 32 | 6 | 0.660 | 2 |
| 2004 | 25 | 22 | 3 | 0.532 | 2 | 27 | 21 | 2 | 0.563 | 1 | 52 | 43 | 5 | 0.547 | 2 |
| 2005 | 28 | 21 | 2 | 0.571 | 2 | 25 | 21 | 4 | 0.543 | 1 | 53 | 42 | 6 | 0.558 | 1 |
| 2006 | 25 | 23 | 2 | 0.521 | 3 | 23 | 26 | 1 | 0.469 | 4 | 48 | 49 | 3 | 0.495 | 3 |
| 2007 | 24 | 25 | 1 | 0.490 | 5 | 18 | 32 | 0 | 0.360 | 5 | 42 | 57 | 1 | 0.424 | 6 |
| 2008 | 19 | 30 | 1 | 0.388 | 6 | 18 | 32 | 0 | 0.360 | 5 | 37 | 62 | 1 | 0.374 | 6 |
| 2009 | 29 | 29 | 2 | 0.500 | 3 | 28 | 31 | 1 | 0.475 | 3 | 57 | 60 | 3 | 0.487 | 3 |
| 2010 | 36 | 23 | 1 | 0.610 | 1 | 29 | 30 | 1 | 0.492 | 3 | 65 | 53 | 2 | 0.551 | 1 |
| 2011 | 20 | 38 | 2 | 0.345 | 4 | 25 | 34 | 1 | 0.424 | 4 | 45 | 72 | 3 | 0.385 | 4 |
| 2012 | 22 | 35 | 3 | 0.386 | 4 | 16 | 42 | 2 | 0.276 | 4 | 38 | 77 | 5 | 0.330 | 4 |
| Gī-tāi Sai-gû sî-kî | |||||||||||||||
| 2013 | 35 | 24 | 1 | 0.593 | 1 | 27 | 33 | 0 | 0.450 | 4 | 62 | 57 | 1 | 0.521 | 2 |
| 2014 | 26 | 33 | 1 | 0.441 | 3 | 32 | 27 | 1 | 0.542 | 2 | 58 | 60 | 2 | 0.492 | 3 |
| 2015 | 29 | 30 | 1 | 0.492 | 2 | 29 | 31 | 0 | 0.475 | 3 | 58 | 61 | 1 | 0.487 | 3 |
| 2016 | 27 | 33 | 0 | 0.450 | 4 | 34 | 25 | 1 | 0.576 | 1 | 61 | 58 | 1 | 0.513 | 2 |
| Hù-pang Hān-chiòng sî-kî[16] | |||||||||||||||
| 2017 | 20 | 38 | 2 | 0.345 | 4 | 28 | 32 | 0 | 0.467 | 3 | 48 | 70 | 2 | 0.407 | 4 |
| 2018 | 27 | 33 | 0 | 0.450 | 3 | 27 | 33 | 0 | 0.450 | 4 | 54 | 66 | 0 | 0.450 | 3 |
| 2019 | 31 | 27 | 2 | 0.534 | 2 | 32 | 28 | 0 | 0.533 | 2 | 63 | 55 | 2 | 0.526 | 1 |
| 2020 | 23 | 37 | 0 | 0.383 | 4 | 31 | 28 | 1 | 0.525 | 2 | 54 | 65 | 1 | 0.454 | 4 |
| 2021 | 28 | 31 | 1 | 0.475 | 4 | 26 | 31 | 3 | 0.456 | 4 | 54 | 62 | 4 | 0.466 | 4 |
| 2022 | 16 | 43 | 1 | 0.271 | 5 | 30 | 27 | 3 | 0.526 | 3 | 46 | 70 | 4 | 0.397 | 5 |
| 2023 | 21 | 35 | 4 | 0.375 | 5 | 27 | 32 | 1 | 0.458 | 5 | 48 | 67 | 5 | 0.417 | 5 |
| 2024 | 29 | 31 | 0 | 0.483 | 4 | 24 | 35 | 1 | 0.405 | 6 | 53 | 66 | 1 | 0.445 | 5 |
| 2025 | 21 | 39 | 0 | 0.350 | 6 | 25 | 35 | 0 | 0.417 | 6 | 46 | 74 | 0 | 0.383 | 6 |
Kùi-āu-sài Chiàn-chek
[siu-kái | kái goân-sí-bé]| Kiû-kùi | Kùi-āu-sài | Tâi-oân Tōa-sài | ||||
|---|---|---|---|---|---|---|
| Tùi-chhiú | Sèng | Pāi | Tùi-chhiú | Sèng | Pāi | |
| Heng-lông Gû sî-kî | ||||||
| 1998 | bô | Bī-choân Liông | 3 | 4 | ||
| 2000 | bô | Thóng-it Sai | 3 | 4 | ||
| 2003 | bô | Hiaⁿ-tī Chhiūⁿ | 2 | 4 | ||
| 2004 | bô | Thóng-it Sai | 4 | 3 | ||
| 2005 | bô | Sêng-thài COBRAS | 4 | 0 | ||
| 2006 | Thóng-it Sai | 0 | 3 | bô chìn-kip | ||
| 2010 | bô | Hiaⁿ-tī Chhiūⁿ | 0 | 4 | ||
| Gī-tāi Sai-gû sî-kî | ||||||
| 2013 | bô | Thóng-it 7-ELEVEn Sai | 0 | 4 | ||
| 2016 | bô | Tiong-sìn Hiaⁿ-tī | 4 | 2 | ||
| Hù-pang Hān-chiòng sî-kî | ||||||
| 2018 | Thóng-it 7-ELEVEn Sai | 1 | 3 | bô chìn-kip | ||
Kiû-oân
[siu-kái | kái goân-sí-bé]
Chù-kha
[siu-kái | kái goân-sí-bé]- ↑ Thâu-nn̄g-ki sī Thóng-it 7-ELEVEn Sai kah Hiaⁿ-tī Chhiūⁿ
- ↑ Chêng-nn̄g-ki sī 2010 nî ê Sai-tūi kah 2016 nî ê Oân-tūi.
- ↑ Goân kì-lo̍k sī chiân-sin Heng-lông Gû 2012 nî hā-pòaⁿ-kùi ê 16-sèng 42-pāi 2-hô, sèng-lu̍t 0.276.
Chham-khó Chu-liāu
[siu-kái | kái goân-sí-bé]- ↑ 周大友 (1992-07-08). "職棒新兵 俊國熊時報鷹 入列". 中華棒球運動珍貴新聞檔案數位資料館 (ēng Hôa-gí). 聯合報. goân-loē-iông tī 2022-04-22 hőng khó͘-pih. 2013-04-16 khòaⁿ--ê.
- ↑ 林以君 (1995-11-06). "俊國熊成絕響 興農熊再出發". 中華棒球運動珍貴新聞檔案數位資料館 (ēng Hôa-gí). 聯合報. goân-loē-iông tī 2022-04-22 hőng khó͘-pih. 2013-04-16 khòaⁿ--ê.
- ↑ 田裕斌 (2016-10-24). "富邦金3億買義大犀牛 11月1日正式接手". 中央通訊社. goân-loē-iông tī 2021-04-22 hőng khó͘-pih. 2019-12-07 khòaⁿ--ê.
- ↑ 林宥辰 (2016-11-16). "抓到了! 中職富邦悍將曝光". 自由時報. Goân-pún bāng-ia̍h Pó-chûn tī 2018-12-09. 2019-12-07 khòaⁿ--ê.
- ↑ Yahoo奇摩 (2016-11-15). "接手義大犀牛 富邦新隊名拍板了". Yahoo奇摩. Goân-pún bāng-ia̍h Pó-chûn tī 2016-11-15. 2016-11-15 khòaⁿ--ê.
- ↑ 徐正揚 (2017-09-30). "富邦險勝全年勝率仍墊底 桃猿本季首度周六未破萬". 自由時報. Goân-pún bāng-ia̍h Pó-chûn tī 2018-12-11. 2019-12-07 khòaⁿ--ê.
- ↑ 黃巧雯 (2018-01-15). "找中信棄將 蔡承儒：檢調確認4人沒違法". 中央通訊社. goân-loē-iông tī 2021-04-22 hőng khó͘-pih. 2019-12-07 khòaⁿ--ê.
- ↑ 體育中心 (2018-01-15). "兄弟冰風暴、釋出風波 球員工會調查結果出爐！". 自由時報. Goân-pún bāng-ia̍h Pó-chûn tī 2018-03-04. 2019-12-07 khòaⁿ--ê.
- ↑ 9.0 9.1 徐正揚 (2018-10-05). "季後挑戰賽19日開打 統一獅對上富邦悍將". 自由時報. Goân-pún bāng-ia̍h Pó-chûn tī 2018-10-09. 2019-12-07 khòaⁿ--ê.
- ↑ "逆轉擊敗富邦悍將 統一挺進台灣大賽". 自由時報. 2018-10-22. Goân-pún bāng-ia̍h Pó-chûn tī 2018-11-06. 2019-12-07 khòaⁿ--ê.
- ↑ 羅志朋 (2019-10-05). "猿年勝率第一 台灣大賽鬥象". 自由時報. Goân-pún bāng-ia̍h Pó-chûn tī 2019-10-14. 2019-12-07 khòaⁿ--ê.
- ↑ 悍將比賽內容其實不差！丘總：陣容會再微調
- ↑ 平隊史紀錄
- ↑ "另一種「史上最爛」懸崖邊". Goân-pún bāng-ia̍h Pó-chûn tī 2022-08-07. 2022-10-10 khòaⁿ--ê.
- ↑ "悍將5波贏不了的日子已洗榜". Goân-pún bāng-ia̍h Pó-chûn tī 2022-08-07. 2022-10-10 khòaⁿ--ê.
- ↑ "富邦悍將球隊戰績". 中華職棒大聯盟全球資訊網. 中華職業棒球大聯盟. Goân-pún bāng-ia̍h Pó-chûn tī 2023-05-26. 2023-05-26 khòaⁿ--ê.
Gōa-pō͘ Liân-kiat
[siu-kái | kái goân-sí-bé]- Koaⁿ-hong bāng-chām
- Hù-pang Hān-chiòng ê Facebook choan-ia̍h
- Hù-pang Hān-chiòng tī Instagram
- Hù-pang Hān-chiòng ê Twitter bāng-ia̍h
YouTube téng ê Hù-pang Hān-chiòng pîn-tō- Pang-bô͘:Twitch
.png){kind=icon}
