Hûn-lîm-koān

Hûn-lîm-koān
—  Koān  —
雲林縣
Kî-á Ìn-á
Ūi-tì
Keng-hūi-tō͘: 23°42′18″N 120°28′34″E
Kok-ka	Tâi-oân
Chèng-hú
- Koān-tiúⁿ	Tiuⁿ Lē-siān
Bīn-chek
- Lóng-chóng	1,290.84 km2
Jîn-kháu (2019)
- Lóng-chóng	682,066 lâng
- Bi̍t-tō͘	528.4/km2
Bāng-chām	www.yunlin.gov.tw

Hûn-lîm-koān (Hàn-jī: 雲林縣) sī Tâi-oân se-pō͘ ê chi̍t ê koān.

Tē-lí

Ūi-tì

Hûn-lîm-koān tī Tâi-oân tiong-se-pō͘, tang-pêng sī Lâm-tâu-koān, sai óa Tâi-oân Hái-kiap, lâm-pêng kòe Pak-káng-khe sī Pak-káng-khe Ka-gī-goān, pak-pêng kòe Lô-chúi-khe sī Chiong-hòa-koān. Hûn-lîm-koān sī Tâi-oân pún-tó ûi-it bô hām jīm-hô ti̍t-hat-chhī saⁿ-chiap ê koān.

Tē-hêng

Hûn-lîm-koān bīn-chek ê 87％ í-siōng sī khòng-khoah ê pêⁿ-po͘, Hó͘-bóe-khe í-lâm kiò-chò Ka-lâm Pêng-goân, í-pak kiò-chò Lô-chúi-khe Chhiong-chek Pêng-goân. Tang-toan kap Lâm-tâu-koān saⁿ-chiap ê só͘-chāi tē-sè khah koân, sio̍k-î A-lí-san Soaⁿ-me̍h; Kó͘-kheⁿ-hiong kéng-lāi ê Chháu-niá siōng koân, hái-poa̍t 1,770 m.

Chúi-bûn

Hûn-lîm-koān kéng-kài kap kéng-lāi ê hô-chhoan chú-iàu sī Lô-chúi-khe chúi-hē kap Pak-káng-khe chúi-hē.

• Lô-chúi-khe (濁水溪): tiong-iong-koán hô-chhoan, ū Chheng-chúi-khe téng-téng chi-liû.
• Kū Hó͘-bóe-khe (舊虎尾溪): koān-koán khu-he̍k pâi-chúi, sī Lô-chúi-khe éng-kòe ê hô-tō chi-it.
• Sin Hó͘-bóe-khe (新虎尾溪): koān-koán khu-he̍k pâi-chúi sī Lô-chúi-khe éng-kòe ê hô-tō chi-it.
• Gû-taⁿ-oan-khe (牛挑灣溪): koān-koán khu-he̍k pâi-chúi.
• Pak-káng-khe (北港溪): tiong-iong-koán hô-chhoan, Lô-chúi-khe éng-kòe ê hô-tō chi-it, ū Chio̍h-ku-khe (石龜溪), Hō͘-bóe-khe (虎尾溪) téng-téng chi-liû.

Tē-chit

Hûn-lîm-koān ê tē-chit kiat-kò͘ hun-pò͘ pau-koat Chhiong-chek-chân, Thâu-kho͘-soaⁿ-chân (頭嵙山層), Sam-kiap-kûn (三峽群), Tâi-tē tui-chek kap Toh-lân-chân (卓蘭層) téng-téng, kî-tiong Chhiong-chek-chân chiàm 88.87%, sī siōng chē.

Khì-hāu

Hûn-lîm-koān liân pêng-kin un-tō͘ tāi-iok sī 23.4℃; 7 goe̍h pêng-kin un-tō͘ un-tō͘ 28.4℃, siōng joa̍h; 1 goe̍h pêng-kin un-tō͘ 16.9℃, siōng kôaⁿ.

Hûn-lîm-koān kāu hō͘-chúi, nî-pêng-kin hō͘-liōng 1028.9 mm; tān-sī kàng-hō͘ bô chiâu-ûn: 6 goe̍h kàu 9 goe̍h siū tang-lâm kùi-hong kap hong-thai ê éng-hióng, ; 10 goe̍h kàu keh-tńg-nî 3 goe̍h sī tang-pak kùi-hong ê pōe-hong-bīn, só͘-í sī ōaⁿ-kùi (旱季), thêng-hiān “Hā hō͘ tang ōaⁿ” (夏雨冬旱) ê te̍k-teng. Hûn-lîm-koān choân-nî pêng-kin sip-tō͘ tāi-iok 73.8％, choân-nî sip-tō͘ lóng kài koân, chhiau-kòe 70％.

Chóng-kóng-chi̍t-kú, Hûn-lîm-koān sio̍k-î hù-jia̍t-tài hùi-hong khì-hāu.

Hêng-chèng tan-ūi

Hûn-lîm-koān ū 1 ê chhī, 5 ê tìn, 14 ê hiong, lóng-chóng ū 20 ê hiong-tìn-chhī.

Koān-hat-chhī

• Táu-la̍k-chhī (斗六市)

Tìn

• Hó͘-bóe-tìn (虎尾鎮)
• Pak-káng-tìn (北港鎮)
• Sai-lê-tìn (西螺鎮)
• Táu-lâm-tìn (斗南鎮)
• Thô͘-khò͘-tìn (土庫鎮)

Hiong

• Be̍h-liâu-hiong (麥寮鄉)
• Chhì-tông-hiong (莿桐鄉)
• Chúi-nâ-hiong (水林鄉)
• Goân-chiáng-hiong (元長鄉)
• Jī-lūn-hiong (二崙鄉)
• Kháu-ô͘-hiong (口湖鄉)
• Kó͘-kheⁿ-hiong (古坑鄉)
• Lūn-pòe-hiong (崙背鄉)
• Nâ-lāi-hiong (林內鄉)
• Po-tiong-hiong (褒忠鄉)
• Sì-ô͘-hiong (四湖鄉)
• Tâi-se-hiong (臺西鄉)
• Tang-sì-hiong (東勢鄉)
• Tōa-pi-hiong (大埤鄉)

Hûn-lîm-koān hêng-chèng khu-ōe tē-tô͘

Be̍h-liâu-hiong Tâi-se-hiong Tang-sì-hiong Lūn-pòe-hiong Po-tiong-hiong Sì-ô͘-hiong Kháu-ô͘-hiong Chúi-nâ-hiong Pak-káng-tìn Goân-chiáng-hiong Thô͘-khò͘-tìn Hó͘-bóe-tìn Jī-lūn-hiong Sai-lê-tìn Tōa-pi-hiong Táu-lâm-tìn Chhì-tông-hiong Nâ-lāi-hiong Kó͘-kheⁿ-hiong Táu-la̍k-chhī

Kau-thong

Thih-lō͘

Tâi-oân Thih-lō͘ ê Chhiòng-koàn-sòaⁿ lâm-pak-hiòng tùi Hûn-lîm-koān ê tang-pō͘ nǹg-kòe, ū Nā-lâi Chhia-chām, Sia̍h-liû Chhia-chām, Táu-la̍k Chhia-chām, Táu-lâm Chhia-chām kap Chio̍h-ku Chhia-chām, lóng-chóng 5 chām.

Ko-sok-thih-lō͘

Tâi-oân Ko-thih tùi koān-kéng tiong-pō͘ nǹg-kòe, tī Hō͘-bóe-tìn ê ko-thih te̍k-tēng-khu ū siat chi̍t ê Ko-thih Hûn-lîm Chām.

Kong-lō͘

Kok-tō Kok-tō 1 Hō (Tiong-san Ko-sok-kong-lō͘) 230Sai-lê chiap Tâi-1-sòaⁿ Sai-lê Ho̍k-bū-khu (229k) 235Hó͘-bóe chiap Koān-tō 145 It-sòaⁿ 240Táu-lâm chiap Tâi-1-sòaⁿ 243Hûn-lîm Hē-thóng chiap Tâi-78-sòaⁿ Kok-tō 3 Hō (Hok-ní-mô͘-sa Ko-sok-kong-lō͘) 260Táu-la̍k 269Kó͘-kheⁿ Hē-thóng (chiap Tâi-78-sòaⁿ) 271Kó͘-kheⁿ Kó͘-kheⁿ Ho̍k-bū-khu (276k) Kok-tō ho̍k-bū-khu Kok-tō 1 Hō Kok-tō 3 Hō Khoài-sok kong-lō͘ Tâi-61-sòaⁿ: Se-pin Khoài-sok Kong-lō͘, Se-pin Tōa-kiô kàu Hûn-ka Tōa-kiô (212k+851 kàu 255k+100). Tâi-78-sòaⁿ: Tang-sai-hiòng Khoài-sok Kong-lō͘ Tâi-se Kò͘-khe Sòaⁿ Séng-tō Tâi-1-sòaⁿ: Chiong-hòa-toan, Khe-chiu Tōa-kiô, Sai-lê, Chhì-tông, Hō͘-bóe, Lâu-lâm, Ka-gī-toan Tâi-1-teng-sòaⁿ: Chhì-tông, Táu-la̍k, Táu-lâm Tâi-3-sòaⁿ: Chiong-hòa-toan, Chiong-hûn Tōa-kiô, Nā-lâi, Táu-lâm, Kó͘-kheⁿ, Ka-gī-toan Tâi-17-sòaⁿ: Chiong-hòa-toan, Se-pin Tōa-kiô, Be̍h-liâu, Tâi-se, Sì-ô͘, Kháu-ô͘, Ka-gī-toan Tâi-19-sòaⁿ: Chiong-hòa-toan, Chū-kiông Tōa-kiô, Jī-lūn, Lūn-pòe, Po-tiong, Goân-chiáng, Pak-káng, Pak-káng Tōa-kiô, Ka-gī-toan

Koān-tō Koān-tō 141 Hō Koān-tō 145 Hō Koān-tō 145 Kah-sòaⁿ Koān-tō 145 It-sòaⁿ Koān-tō 149 Hō Koān-tō 149 Kah-sòaⁿ Koān-tō 149 It-sòaⁿ Koān-tō 153 Hō Koān-tō 153 Kah-sòaⁿ Koān-tō 154 Hō Koān-tō 154 Kah-sòaⁿ Koān-tō 154 It-sòaⁿ Koān-tō 155 Hō Koān-tō 156 Hō Koān-tō 156a Hō Koān-tō 156b Hō Koān-tō 157 Hō Koān-tō 158 Hō Koān-tō 158 Kah-sòaⁿ Koān-tō 158 It-sòaⁿ Koān-tō 160 Hō Koān-tō 164 Hō

Bûn-hòa

Bûn-hòa chu-sán

• Pak-káng Tiāu-thian-kiōng
• Be̍h-liâu Kióng-hoān-kiong

Chong-kàu sìn-ióng

• Tâi-oân Ki-tok Tiúⁿ-ló Kàu-hōe Ka-gī Tiong-hōe