Hōng-hông Thoân-kî

Hōng-hông Thoân-kî(鳳凰傳奇) sī chi̍t ê tī Tiong-kok put-chí chhut-miâ ê Hôa-gú liû-hêng im-ga̍k chó͘-ha̍p, chú-chhiùⁿ Iûⁿ-gūi Lêng-hoa(楊魏玲花) sī Lāi-bông-kó͘ Ordos Chhī(鄂爾多斯市) ê lâng,ha̍p-im Chan Gē(曾毅) sī Ô͘-lâm Ek-iông(益陽) ê lâng, in ê koa-lō͘ tōa-lâng gín-á lóng ài thiaⁿ, tī koe-á-lō͘ sì-kòe lóng thiaⁿ ē tio̍h in ê koa,tāi-piáu koa-khek ū Goa̍t-liōng chi Siōng(月亮之上), Chū-iû Hui-Siông(自由飛翔) kap Chòe Hiān Bîn-cho̍k Hong(最炫民族風) téng-téng.

Chú-chhiùⁿ Iûⁿ-gūi lêng-hoa sī chi̍t ūi Lāi-bông-kó͘ ê ko͘-niû,1980 nî 12 ge̍h 20 hō chhut-sì, i ê miâ Iûⁿ-gūi lêng-hoa sī Bông-gú hoan-e̍k chòe Hàn-gú,goân-ì sī thiⁿ-téng ê hûn-chhái,só͘-í i m̄-sī sìⁿ Iûⁿ mā m̄-sī sìⁿ Gūi,chòe koa-chhiù chìn-chêng sī chi̍t ê tiān-khì tiàm ê oân-kang, chit-má í-keng kiat-hun,ang-sài sī Chhî Bêng-tiâu(徐明朝).

Ha̍p-im Chan Gē, lâi-chū Ô͘-lâm ek-iông, 1979 nî 11 ge̍h 6 hō chhut-sì,i ê khan-chhiú sī Sin-kiong lâng,miâ kiò chòe Lí Ná(李娜).