Hepburn-sek Lô-má-jī

James Curtis Hepburn, siat-kè He-bóng-sek Lô-má-jī ê lâng.

Hebon-sek Lô-má-jī (Ji̍t-pún-gí: ヘボン式 (しき)ローマ字 (じ), Hùn-lēng-sek: Hebon-siki Rômazi, Hebon: Hebon-shiki Rōmaji) sī iû bo̍k su James Curtis Hepburn siat kè, iōng Lô-má jī-bó lâi phiau Ji̍t-pún ōe ho͘ im ·ê hē-thóng. Chit chióng phiau im hong-hoat chòe chho͘ iōng tī i 1867 nî chhut pán ·ê Ji̍t Eng Sû Tián, chit-má chiâⁿ-chò Ji̍t-gí siāng chia̍p leh iōng ê Lô-má-jī hē-thóng.

Lēng-gōa, in-ūi i bat iōng Hàn-jī "Pêng-bûn (平文)" lâi hoan-e̍k i ê miâ (ヘボン ^hebon), só͘-í chit-thò Lô-má-jī hē-thóng mā tiāⁿ-tiāⁿ hŏng hō-chò "Pêng-bûn-sek Lô-má-jī".

Phiau-im Kui-chek

Pêng-bûn-sek Lô-má-jī tùi bô se̍k Ji̍t-gí ê lâng lâi kóng, ē pí Hùn-lēng-sek khah óa-kīn Ji̍t-gí ê hoat-im, chhiōⁿ "し", "ち", "つ", "ふ" tī Pêng-bûn-sek tio̍h phiau chò "shi", "chi", "tsu", "fu", kah Hùn-lēng-sek ê "si", "ti", "tu", "hu" bô-kâng.

Nā-sī "ん (-n)" khǹg tī "b-" ia̍h "m-" ê thâu-chêng, ē siá chò "m", chhiōⁿ "丹 (たん)波 (ば)" tī Pêng-bûn-sek Lô-má-jī lāi-té siá-chò "tamba".

Chham-khó

• Hùn-lēng-sek