Hisaisi Jô

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Hisaisi Jô
Joe Hisaishi 2011.jpg
2011 nî
Hàn-jī 久石 譲
Hô-ló-bûn Kiú-se̍k Jiōng
Kana ひさいし じょう
Eng-bûn Joe Hisaishi
Chhut-sì 1950 nî 12 goe̍h 6 ji̍t 1950-12-06(67 hòe)
Nagano-koān Nakano-chhī
Kok-che̍k Flag of Japan.svg Ji̍t-pún
Kàu-io̍k Kok-li̍p Im-ga̍k Tāi-ha̍k
Chit-gia̍p Im-ga̍k-ka
Bāng-chām http://www.joehisaishi.com/

Hisaisi Jô (Hàn-jī: 久石 譲; Kana: ひさいし じょう; Bân-lâm-gí: Kiú-se̍k Jiōng; Eng-bûn: Joe Hisaishi; 1950 nî 12 goe̍h 6 ji̍t chhut-sì) sī chhut-sin Ji̍t-pún Nagano-koān Nakano-chhī ê chi̍t-ūi im-ga̍k-ka. Hisaisi ê pún-miâ hō-chòe Fujisawa Mamoru (藤澤 守). Hisaisi chū Kok-li̍p Im-ga̍k Tāi-ha̍k chok-khek-kho pit-gia̍p, sī chi̍t-ūi chôan-lêng ê im-ga̍k-ka, tông-sî sin-kiam chok-khek-ka, pian-khek-ka, chí-hui-ka kap kǹg-khîm-ka.

Hisaisi ê gē-miâ sī gôan-chū i ê ngó͘-siōng (偶像) Quincy Jones. Hisaisi kò-jîn chú-iàu ê im-ga̍k o̍ah-tāng sī tam-jīm tiān-iáⁿ phòe-ga̍k ê khang-khòe ûi-chú; te̍k-pia̍t sī hām Miyazaki Hayao, Kitano Takesi kap Ōbayasi Nobuhiko chia-ê tō-ián ha̍p-chok. Tī 2010 nî chìn-chêng, Hisaisi pat tit-tio̍h 7-pái Ji̍t-pún Akademi Sióng ê khéng-tēng. 2009 nî, i chiâⁿ-chòe Chí-siū Po-chiong ê ti̍t-chióng-jîn.