Hit kuí nî, Lán Tàu-tīn Tui ê Cha-bó͘-gín-á

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Hit kuí nî, Lán Tàu-tīn Tui ê Cha-bó͘-gín-á (Tiong-bûn: 那些年,我們一起追的女孩; thui-chiàn iōng-jī: 彼幾年,咱鬥陣追个查某囡仔) sī 2011 nî hoat-piáu ê Tâi-oân ài-chêng tiān-iáⁿ. Chit chhut tiān-iáⁿ sī kái-pian chū Tâi-oân chok-ka Kiú-pá-to (九把刀) ê kāng miâ siáu-soat, mā sī i ka-kī chhin-chū tō-ián ê chū-toān ckok-phín. Tiān-iáⁿ tī Tâi-pak tiān-iáⁿ cheh tē-it pái hòng-sàng, tit-tio̍h chin chē kok-ka ê khéng-tēng, lóng lâi kò͘-bé pán-khoân; soà-lo̍h-khì, koh hun-pia̍t tī Ò-mn̂g, Hiong-káng, Sin-ka-pho, Má-lâi-se-a, Tiong-kok, Hân-kok kah Ji̍t-pún hòng-sàng. Kāng chi̍t ê sî-kan, i mā ho̊ Hiong-káng hā-ji̍t tiān-iáⁿ cheh soán-chò khui-bo̊ tiān-iáⁿ, sêng-uî Hiong-káng siōng thàn-chîⁿ ê tiān-iáⁿ. Keh-tńg-nî, i tit-tio̍h Kim-siōng-chióng ê khéng-tēng. Lâm chú-kak ián-oân Koa Chìn-tong tit-tio̍h Kim-má-chióng ê khíng-tīng.