Iá-kiû pāng

Wikipedia (chū-iû ê pek-kho-choân-su) beh kā lí kóng...
4 ki iá-kiû pāng

Iá-kiû pāng (baseball bat) sī chi̍t ki tī iá-kiû pí-sài tiong sú-iōng ê bo̍k-chè he̍k-chiá kim-sio̍k-chè ê ku̍t-liu kùn-á, the̍h-lâi kòng iû tâu-chhiú tâu-chhut ê iá-kiû. Àn-chiàu kui-chek, iá-kiû pāng siōng-chho͘ pō͘-hūn ê ti̍t-kèng bōe-ēng chhiau-kòe 2.75 eng-chhùn, tn̂g-tō͘ iā bōe-ēng chhiau-kòe 42 eng-chhùn (1,100 mm). Sui-jiân tī le̍k-sú siōng, bat ū chiap-kīn 3 pōng (1.4 kg) iá-kiû pāng chûn-chāi,[1] m̄-koh hiān-kim ê kiû-pāng thong-siông lóng sī 33 ong-su (0.94 kg), siōng-ke iā chí-ū 34 ong-su (0.96 kg) chì 36 ong-su (1.0 kg).[1]

Su̍t-gí[siu-kái | kái goân-sí-bé]

Sui-jiân iōng kùn-á kòng kiû sī chi̍t ê chin kán-tan ê kài-liām, m̄-koh kiû-pāng soah sī chi̍t ê siōng-tùi ho̍k-cha̍p ê mi̍h-kiāⁿ. Iá-kiû pāng ê kò͘-chō sī keng-kòe chin téng-chin ê tiau-khek kòe-têng, hō͘ táⁿ-kek-chiá ē-ēng khoài-sok hui-pāng, jî-chhiáⁿ tī thê-kiong lêng-liōng ê tông-sî iā î-chhî sin-thé ê pêng-hêng. Kiû-pāng ē-ēng pī hun-chò kúi-nā-ê pō͘-hūn. Barrel sī kiû-pāng chho͘-khoah ê pō͘-hūn, iā chiū sī kòng kiû ê só͘-chāi. Kin-kì barrel ê kò͘-chō kah hui-pāng ê hong-keh, siōng sek-ha̍p kòng kiû ê só͘-chāi hō-chò tiⁿ-bi̍t tiám (sweet spot). Barrel ê bóe-liu pō͘-hūn m̄-sī tiⁿ-bi̍t tiám ê hun-pò͘ só͘-chāi, pī kán-tan hō-chò kiû-pāng ê top, end ia̍h-sī cap. Barrel ē chiām-chiām piàn sán, chòe-āu piàn-sêng pèⁿ (handle) ê pō͘-hūn. Pèⁿ ê pō͘-hūn chin sán, án-ne táⁿ-kek-chiá chiah ē-sái khin-sang ak tī chhiú-thâu.

Siong-koan[siu-kái | kái goân-sí-bé]

Wikimedia Commons téng ê siong-koan tóng-àn: iá-kiû pāng

Chham-khó[siu-kái | kái goân-sí-bé]

  1. 1.0 1.1 Jenn Zambri. "Size Matters: Top 10 "Biggest" In MLB History". Bleacher Report. 13 September 2015 khòaⁿ--ê.