Iâ-hô-hoa

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Iâ-hô-hoaHi-pek-lâi Sèng-keng lāi-bīn Sîn ê chheng-ho͘.

Gí-goân[siu-kái | kái goân-sú-bé]

Siông-sè: JHVH

Iâ-hô-hoa sī tùi Hi-pek-lâi-gí Jehovah (יְהֹוָה) ê im-e̍k-gí; Jehovah, sī JHVH (יהוה) ê kî-tiong chi̍t khoán ho͘-im. Hi-pek-lâi bûn-jī sī chi̍t khoán bô piau bó-im ê bûn-jī, nā-sī ài chèng-khak piau bó-im, tio̍h piau tī chú-im hû-hō bīn-téng (kap phiat-im hû-hō sio-siâng). In-ūi JHVH goân-chhe ê ho͘-im í-keng phah-m̄-kiàn, Iû-thài-jîn tiō tha̍k-tio̍h JHVH ê sî tio̍h liām-chò אֲדֹנָי (Adonai; Ì-sù sī "guá ê chú"). M̄-koh in ē kā "Adonai" ê bó-im hû-hō piau tī JHVH bīn-téng piàn-sêng "יְהֹוָה", ho͘-im kap siá-hoat chiū bô-kâng. Nā-sī ti̍t-tsiap kā יְהֹוָה ê chú-im hām bó-im hû-hō chò-hóe liām, im tio̍h piàn "Jehovah" ah.