Iōng-chiá:A-giâu/Ì-kiàn tiau-cha

Wikipedia (chū-iû ê pek-kho-choân-su) beh kā lí kóng...

(Ē-kha sī 1-ê bāng-lō· būn-koàn tiau-cha ê chho·-kó, hoan-gêng phêng-lūn)

Chit-ê tiau-cha ê tùi-siōng hān m̄-bat chham-ka kòe Hō-ló-oē pán Wikipedia pek-kho-choân-su (kán-chheng Holopedia) ê jîn-sū. Chham-ka ê tēng-gī:

  • Bat khai-sí siá 1 phiⁿ sin bûn-chiuⁿ (sin tê-bo̍k); iah-sī
  • Bat siu-kái Holopedia lāi-bīn ê bûn-chiuⁿ; iah-sī
  • Bat tī Holopedia bāng-chām téng-thâu chiam-tùi Holopedia piáu-sī kòe ì-kiàn.

Chhiáⁿ tùi ē-kha ê soán-hāng kéng 1-hāng biô-siá lí tùi Holopedia ê thāi-tō· kap keng-giām:

  1. Góa bô jīn-tông iōng Hō-ló-oē siá pek-kho-choân-su.
  2. Góa jīn-tông iōng Hō-ló-oē siá pek-kho-choân-su, m̄-koh bô chàn-sêng iōng wiki ki-su̍t (hong-hoat) pian-siá.
  3. Góa jīn-tông iōng Hō-ló-oē siá pek-kho-choân-su, m̄-koh bô chàn-sêng iōng lô-má-jī (choân-lô).
  4. Góa jīn-tông iōng lô-má-jī (choân-lô) siá pek-kho-choân-su, m̄-koh bô chàn-sêng iōng Pe̍h-oē-jī.
  5. Góa jīn-tông iōng Pe̍h-oē-jī siá pek-kho-choân-su, m̄-koh bē-hiáu phah-jī.
  6. Góa jīn-tông iōng Pe̍h-oē-jī siá pek-kho-choân-su, mā ē-hiáu phah-jī, m̄-koh bē-hiáu siá pek-kho-choân-su chit khoán chok-phín.
  7. Góa ū châi-tiāu kòng-hiàn bûn-chiuⁿ, m̄-koh bē-hiáu chhau-chok wiki.
  8. Góa ū châi-tiāu kòng-hiàn bûn-chiuⁿ, m̄-koh bô sî-kan.