Ia̍p Chheng-iāu

Ia̍p Tshing-iāu
Ia̍p Tshing-iāu, liōng-iok tī 1921-nî.
Chhut-sì	1880
Koè-sin	1942 nî goe̍h ji̍t (62 hòe)
Kok-che̍k	Ji̍t-pún
Kàu-io̍k	Bîng-tī tāi-ha̍k Huat-ha̍k phok-sū
Chit-gia̍p	Lu̍t-su
Oa̍h-hiáⁿ sî-kî	1916 - 1942
Tù-miâ	Tī 1923-nî, tī-kíng sū-kiānn tam-jīm pī-kò Tsiúnn Uī-suí, Tshuà Puê-hué tíng-jîn ê piān-hōo lu̍t-su
Chhut-miâ-chok	Phok-sū lūn-bûn "Hîng-huat tông-ì lūn" (刑法同意論)

Ia̍p Tshing-iāu (hân-gú: 葉清耀, 1880－1942), pún-tsi̍k Tâi-uân Tâi-tiong tāng-sì, Ia̍p Tshing-iāu put-tān sī Tâi-uân teh Tâi-uân jit-tī sî-kî ê ti-bîng lu̍t-su, iā teh tī-kíng sū-kiānn it-àn lāi-té, tam-jīm Tâi-uân tong-sū-jîn ê lu̍t-su. Liáu-āu, Ia̍p Tshing-iāu koh tsiânn-tsò Tâi-uân siú-uī huat-ha̍k phok-sū (1932-nî, Bîng-tī tāi-ha̍k).

Sing-pîng

Tshut-sì teh Tâi-uân jit-tī sî-kî Tâi-tiong tāng-sì, tsū sè-hàn ka-tîng tō sàn-tshiah, uì tāng-sè kong-ha̍k-hāu pit-gia̍p liáu-āu tō bô-koh tha̍k-tsheh; pīng-tshiánn tsiām-sî teh-tsò tshàu-uân kang-lâng ê thâu-lōo. M̄-kuh teh ha̍k-hāu ê lāu-su kóo-lē tsi-hā, khó-ji̍p Tâi-tiong su-huān ha̍k-hāu. Tsi-āu tsiân-óng Ji̍t-pún liû-ha̍k, pīng-tshiánn tsìn-ji̍p Bîng-tī tāi-ha̍k huat-ha̍k kho tsiū-to̍k. Pīng-tshiánn teh kiû-ha̍k ê kuè-tîng tang-tiong khai-sí tsún-pī lu̍t-su khó-tshì. Mo-m̄-kuh suā-lâi tso-gū--tio̍htong-sî tsìng-hú ê hān-tsè; tsū-án-ne tō-teh sì-kè tshíng-guān tsi-hā, tsuè-āu hōo Ji̍t-pún tsìng-hú tông-ì khai-hòng hōo i pò-khó. Ia̍p Tshing-iāu mā sūn-lī khó-tio̍h lu̍t-su tsu-keh; tsiânn-tsò thâu-tsi̍t-ê Tâi-uân-lâng lu̍t-su. Tshú-guā Ia̍p Tshing-iāu mā iōng lūn-bûn "Hîng-huat tông-ì lūn" (刑法同意論) the̍h-tio̍h huat-ha̍k phok-sū ê tsu-keh; pīng in-tshú tsiânn-tsò thâu-tsi̍t-ê Tâi-uân-lâng huat-ha̍k phok-sū.

Ia̍p Tshing-iāu tńg--lâi Tâi-uân liáu-āu, teh Tuā-tiū-tiânn khai-siat lu̍t-su sū-bū-sóo tsip-gia̍p. Tī 1923-nî, tī-kíng sū-kiānn huat-sing, Ia̍p Tshing-iāu siū-thok tam-jīm Tsiúnn Uī-suí, Tshuà Puê-hué tíng-jîn ê piān-hōo lu̍t-su, pīng-tshiánn teh it-sím ê sî-tsūn sūn-lī thè kai àn ê tsuân-pōo pī-kò tsing-tshú bô-tsuē phuànn-kuat, jî-lâi Ia̍p Tshing-iāu ê miâ-siann lú-lâi lú tsin tháu. Tsi-āu tī 1930-nî tsoo-tsit Tâi-uân tē-hng tsū-tī liân-bîng, tsú-tiunn Tâi-uân-lâng ē-tàng ti̍t-suán tē-hng kong-tsit; m̄-kuh suah--lâi tī 1942-nî in-uī kuann-pēnn kuè-sin, hióng-siū 62 huē.

Ka-tso̍k

• Bió Tân Thô (陳桃)（lông-king）
• Hiann Tân Ia̍p-lia̍t (陳葉烈)（tsiunn-ló-gia̍p；uá bió sènn）
• Tī Ia̍p Chheng-kiong (葉清恭)
• Kiánn Ia̍p Tsok-ga̍k (葉作樂) （huat-lu̍t-jîn）
• Guā-sun Tiong Bûn-liông (張文龍)（lu̍t-su）

Tsham-khó bûn-hiàn

• 田健治郎，《田健治郎日記》，中研院台史所，臺灣日記資料庫。1919年12月18日內容，「前九時，伴通譯施家本及辨護士葉清耀（唯一臺灣人弁護士也）來謁，則逐條令面陳，對之一一與訓諭。約二時間餘，彼等表滿腔之謝意而去。」 (Hàn-gí)
• 吳密察，《台灣史小事典》，遠流出版社。 (Hàn-gí)

Tsham-ua̍t

• Bîng-tī tāi-ha̍k (Meiji University)
• Hiaⁿ-tī chí-mōe (hiann-tī tsí-muē/sibling)
• Tong-sū-jîn (hoat-lu̍t) (Party (law))
• Tâi-oân chiuⁿ-ló sán-gia̍p (Tâi-uân tsiunn-ló sán-gia̍)
• Tiong-iong Gián-kiù-īⁿ Tâi-oân-sú Gián-kiù-só͘

Guā-pōo liân-kiat

• 刑法同意論 - 国立国会図書館デジタルコレクション (Ji̍t-pún-gí)