James Clerk Maxwell

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē
James Clerk Maxwell.

James Clerk Maxwell (1831 nî 6 goe̍h 131879 nî 11 goe̍h 5) sī tī Liân-ha̍p Ông-kok Edinburgh chhut-sì ê bu̍t-lí-ha̍k-ka.

Maxwell sī tiān-chû hok-siā lí-lūn ê sian-hêng-chiá, thè Albert Einstein ê siong-tùi-lūn seng khui 1 tiâu lō͘ chhut--lâi. I lūn-chèng kóng tiān-chû hok-siā tī chin-khong thoân-pò ê sò͘-tō͘ kap kng-sok sio-siâng.

Maxwell mā chin tì-sim jia̍t-le̍k-ha̍k. I hoat-bêng 1 ê hō chò Maxwell mô͘-sîn ê su-khó si̍t-giām; chit ê mô͘-sîn ē-tàng kā chò-hoé ê hun-chú chiàu in kín iah bān hun--khui. Nā chiaⁿ-si̍t chò ē-tit kàu, tō ē-tàng ùi bô lâi sán-seng lêng-goân; sī kóng chit ê lí-lūn kap jia̍t-le̍k-ha̍k tē 2 tēng-lu̍t sio chhiong. Boé--á hoat-hiān beh niû hun-chú kín ia̍h bān tō ē ēng tiāu lêng-goân.

Wikimedia Commons ū koan-hē James Clerk Maxwell ê to-mûi-thé tóng-àn.