Jawa Lâng (hòa-chio̍h)

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Jawa Lâng sī chi̍t cho͘ chá-kî jîn-lūi ê hòa-chio̍h, sī 1891 kap 1892 nî ê sî tī Jawa hông hoat-kiàn--ê. Kā ó͘--chhut-lâi ê lâng sī Eugène Dubois niá-chhōa ê gián-kiù-tūi, siōng-sè ê só͘-chāi sī Tang Jawa Solo Khe piⁿ ê Trinil tē-tiám. Dubois tāi-seng kā só͘ sio̍k ê chéng hō ha̍k-miâ Anthropopithecus erectus, tè-bé koh kái hō Pithecanthropus erectus.

Ernst Mayr pí-kàu Jawa Lâng kap Pak-kiaⁿ Lâng (goân ha̍k-miâ Sinanthropus pekinensis) liáu-āu, tī 1950 nî kā nn̄g-ê lóng siat chò sī Homo erectus. Ūi tio̍h khu-pia̍t Jawa Lâng kap kî-tha ê Homo erectus, ū chi̍t kóa ha̍k-chiá koh tī 1970 nî-tāi kā Jawa Lâng siat ha̍k-miâ Homo erectus erectus (sǹg Homo erectus ê á-chéng).