Ji̍t-pún-kun

Ji̍t-pún-kun (Ji̍t-pún-gí: 日 (に)本 (ほん)軍 (ぐん) ^Nihon-gun), kán-chheng Ji̍t-kun (日軍), kóng-gī-siōng sī chí Ji̍t-pún ê kok-ka kun-tūi, m̄-koh thong-siông sī teh kóng Tāi Ji̍t-pún Tè-kok ê kun-tūi, pau-hâm Ji̍t-pún Lio̍k-kun kap Ji̍t-pún Hái-kun, mā hō-chò Hông-kun (皇軍), tāi-piáu Thian-hông thóng-léng ê kun-tūi. Ji̍t-pún-kun bô to̍k-li̍p ê khong-kun, lio̍k-kun kap hái-kun ū kok-chū ê khong-tiong bú-le̍k pō͘-tūi.

Ji̍t-pún tī Tē-jī-chhù Sè-kài Tāi-chiàn chiàn-pāi liáu-āu, Ji̍t-pún-kun kái-sàn, jî-chhiáⁿ kin-kì Chiàn-āu Hiàn-hoat ài éng-oán hòng-khì ióng-iú kun-tūi. M̄-koh āu-lâi in-ūi Hân-chiàn po̍k-hoat ê koan-hē, bo̍k-chiân Ji̍t-kun ê tē-ūi hō͘ Chū-ōe-tūi kè-sêng, sui-jiân he bô sǹg sī chèng-sek ê kun-sū cho͘-chit.