Ji̍t-pún Iá-kiû Tāi-piáu-tūi
 | 這篇文章有漢字兮版本。 參考這篇文章兮漢字版本。 |
| Ji̍t-pún Iá-kiû Tāi-piáu-tūi | |||||
| |||||
| Kok-ka |  Ji̍t-pún
| ||||
|---|---|---|---|---|---|
| Hia̍p-hōe | Choân Ji̍t-pún Iá-kiû Hia̍p-hōe, Ji̍t-pún Iá-kiû Ki-kò͘ | ||||
| Liân-ha̍p-hōe | A-chiu Iá-kiû Chóng-hōe | ||||
| Chóng-kàu-liān |  Chéng-toan Hông-hô (井端弘和)
| ||||
| |||||
| WBSC Pâi-miâ | |||||
| Tong-chiân pâi-miâ | 1  (2024 nî 12 goe̍h 31)[1]
| ||||
| Siōng-hó pâi-miâ | 1 (thâu-chi̍t-pái tī 2014 nî) | ||||
| Siōng-bái pâi-miâ | 3 (2012 nî) | ||||
| Sè-kài Iá-kiû Keng-tián-sài | |||||
| Chham-sài chhù-sò͘ | 5 (thâu-chi̍t-pái tī 2006) | ||||
| Siōng-hó sêng-chek |  Kim-pâi (2006, 2009, 2023)
| ||||
| Sè-kài Iá-kiû 12-kiông Sài | |||||
| Chham-sài chhù-sò͘ | 3 (thâu-chi̍t-pái tī 2015) | ||||
| Siōng-hó sêng-chek |  Koan-kun (2019)
| ||||
| Ò-ūn | |||||
| Chham-sài chhù-sò͘ | 5 (thâu-chi̍t-pái tī 1992) | ||||
| Siōng-hó sêng-chek | Kim-pâi (2021）
| ||||
| Sè-kài-poe | |||||
| Chham-sài chhù-sò͘ | 15 (thâu-chi̍t-pái tī 1972) | ||||
| Siōng-hó sêng-chek |  Gîn-pâi (1982）
| ||||
| Chiu-chè-poe | |||||
| Chham-sài chhù-sò͘ | 15 (thâu-chi̍t-pái tī 1973) | ||||
| Siōng-hó sêng-chek | Kim-pâi (1973, 1997)
| ||||
| Ò-ūn chióng-pâi kì-lo̍k | ||
|---|---|---|
| Lâm-chú iá-kiû | ||
 |
1996 nî Atlanta | Thoân-tūi |
 |
1992 nî Pa-sài-liông-la̍p | Thoân-tūi |
|
2004 nî A-tián | Thoân-tūi |
 |
2020 nî Tang-kiaⁿ | Thoân-tūi |
Ji̍t-pún Iá-kiû Tāi-piáu-tūi (Ji̍t-pún-gí:
Ji̍t-pún Iá-kiû Tāi-piáu-tūi mā sī bo̍k-chiân ûi-it tī Sè-kài Iá-kiû Keng-tián-sài, Sè-kài Iá-kiû 12-kiông Sài kah Hā-kùi Ò-ūn iá-kiû lóng tit-tio̍h koan-kun ia̍h kim-pâi ê 3-koan-ông tāi-piáu tūi, si̍t-le̍k sī A-chiu thoân-thóng 3-kiông (Ji̍t-pún, Tâi-oân, Hân-kok) lāi-té siāng-kiông--ê.
Le̍k-sú
[siu-kái | kái goân-sí-bé]1964 nî thâu-chi̍t-pái chham-ka Ò-ūn, sī Ò-ūn sú-siōng thâu-chi̍t-tiôⁿ oân-sêng 9-kio̍k ê iá-kiû pí-sài. Kàu-taⁿ Ji̍t-pún í-keng sī Hā-kùi Ò-ūn ê Siông-kheh, í-chá Ji̍t-pún-tūi chú-iàu sī í gia̍p-î soán-chhiú ûi-chú, chit-pāng soán-chhiú khah chió, 2003 nî A-chiu Iá-kiû Kím-piau-sài chiah thâu-chi̍t-pái oân-choân iû Ji̍t-pún Chit-pāng ê kiû-oân cho͘-sêng.
2006－2009 nî
[siu-kái | kái goân-sí-bé]2006 nî Sè-kài Iá-kiû Keng-tián-sài thâu-chi̍t-pái teng-tiàu tī Bí-kok Chit-pāng Tāi-liân-bêng hāu-le̍k ê Ji̍t-pún kiû-oân, m̄-koh kòe-têng bô sūn-lī, lo̍h-bóe kan-na Lêng-bo̍k It-lóng (鈴木一朗) kah Tāi-thióng Cheng-chek (大塚晶則) ji̍p tūi . Keng-Tián-sài khai-sí chìn-chêng phó͘-phiàn jīn-ûi Ji̍t-pún-tūi ē-tàng í A-cho͘ tē-it ê sin-hūn chìn-ji̍p 8-kiông, tān-sī tī ī-sài siāng-bóe chi̍t-chiàn í 2:3 su hō͘ Lâm-hân-tūi, piàn-sêng hun-cho͘ tē-jī chìn-kip. Ho̍k-sài thâu-chi̍t-tiôⁿ chhut-chiàn Bí-kok-tūi, in-ūi chú-sím ê giâm-tiōng gō͘-phòaⁿ tì-sú Ji̍t-pún-tūi í 3:4 su kiû; tē-jī-chiàn Ji̍t-pún-tūi í 6:1 phah-pāi Be̍k-se-ko, tān-sī siāng-bóe chi̍t-chiàn koh í 1:2 su hō͘ Lâm-hân-tūi, chòe-āu khò Be̍k-se-ko phah-pāi Bí-kok, pí-kàu sit-hun-lu̍t liáu-āu (RA/9), í hun-cho͘ tē-jī chìn-kip 4-kiông. Tī chún-koat-sài lāi-té í 6:0 phah-pāi Lâm-hân-tūi chìn-kip koan-kun-chiàn. Tī koan-kun-chiàn tiong í 10:6 phah-pāi kiông-te̍k Kó͘-pa-tūi, tit-tio̍h thâu-chi̍t-kài Sè-kài Iá-kiû Keng-tián-sài ê koan-kun.
2008 nî Pak-kiaⁿ Ò-ūn soán ū Tiong-iong Liân-bêng iu-sèng keng-giām ê Seng-iá Sian-it (星野仙一) chò kok-ka-tūi chóng-kàu-liān, pēng-chhiáⁿ sūn-lī phah iâⁿ chu-keh-sài tit-tio̍h Ò-ūn miâ-gia̍h. M̄-koh lo̍h-bóe tī 4-kiông-sài kah tâng-pâi-chiàn su hō͘ Hân-kok kah Bí-kok, kan-na tit-tio̍h tē-4-miâ. Āu--lâi chóng-kàu-liān hŏng chit-gî i ê tiàu-tō͘ khah kah-ì sú-iōng ka-kī ê soán-chhiú, hut-lio̍k kî-thaⁿ chōng-hóng khah hó ê soán-chhiú, só͘-í chòe-āu Ji̍t-pún-tūi kā kok-ka tūi ê chóng-kàu-liān ōaⁿ-chò Tho̍k-māi Kī-jîn ê chóng-kàu-liān Goân Sîn-tek (原辰徳).
2009 nî Sè-kài Iá-kiû Keng-tián-sài, Ji̍t-pún tī koat-sài sūn-lī phah-pāi Hân-kok tit-tio̍h koan-kun, ta̍t-sêng Keng-tián-sài jī-liân-pà.
2010 Nî-tāi
[siu-kái | kái goân-sí-bé]2011 nî koat-gī kā Ji̍t-pún Iá-kiû Tāi-piáu-tūi siông-thài-hòa, pēng-chhiáⁿ soan-pò͘ tāi-piáu kok-ka-tūi ê sin chheng-ho͘ "侍ジャパン" (Samurai Japan)[4].
2013 nî Sè-kài Iá-kiû Keng-tián-sài sui-jiân Ji̍t-pún-tūi phah ji̍p-khì 4-kiông, tān-sī sêng-chek kah chiàn-hóng khah bái, tī 8-kiông chha chi̍t-tiám-á hō͘ Tâi-oân tô-thài, 4-kiông koh su hō͘ Pho-to-lī-ko, lo̍h-bóe tit-tio̍h kùi-kun. Kâng-nî, Sió-kiú-pó Jū-kí (小久保裕紀) chiap-jīm San-pún Hō-jī (山本浩二) chiâⁿ-chò sin--ê chóng-kàu-liān[5]. 2014 nî-té Ji̍t-pún Ji̍t-pún Iá-kiû Ki-kò͘ (NPB) kah Ji̍t-pún Pāng-hia̍p (BFJ) sêng-li̍p Ji̍t-pún Iá-kiû Kong-si (NPB Enterprise), kok-ka-tūi khai-sí kiâⁿ hiòng kong-si-hòa kah thé-chè-hòa, pau-hâm cho͘-hùn, soán-lâng, siông-thài-hòa ê chêng-so͘, āu-khîn lóng ē-tàng lo̍k-si̍t, siang-piau, LOGO mā lóng ē-sái the̍h-lâi êng-lī, hō͘ kok-ka-tūi ū tn̂g-kî ún-tēng ê chu-goân[6].
2015 nî, Tē-1-kài Sè-kài Iá-kiû 12-kiông Sài tī chún-koat-sài hō͘ Hân-kok tó-iâⁿ, lo̍h-bóe tit-tio̍h tē-3-miâ. 2017 nî Sè-kài Iá-kiû Keng-tián-sài sui-jiân kāng-khoán phah ji̍p-khì 4-kiông, tān-sī kāng-khoán tī 4-kiông-sài su kiû, liân-sòa 2-kài Keng-tián-sài tit-tio̍h kùi-kun. Āu--lâi Sió-kiú-pó Jū-kí chhéng-sî, iû Tō-ia̍p Tok-kí (稻葉篤紀) chiap-jīm.
2019 nî, tī Tē-2-kài Sè-kài Iá-kiû 12-kiông Sài Kim-pâi-chiàn lāi-té phah-pāi téng chi̍t-kài koan-kun Hân-kok-tūi, tit-tio̍h Ji̍t-pún-tūi ê thâu-chi̍t-ê 12-kiông koan-kun.
2020 Nî-tāi
[siu-kái | kái goân-sí-bé]2023 nî, Chéng-toan Hông-hô (井端弘和) chiâⁿ-chò kok-ka-tūi chóng-kàu-liān[7][8].
2024 nî Sè-kài Iá-kiû 12-kiông Sài, Chéng-toan Hông-hô tī teng-tiàu kiû-oân chiâⁿ bô sūn-lī, tû-liáu kui-tēng Tāi-liân-bêng 40-lâng miâ-toaⁿ lāi-té bô-hoat-tō͘ teng-tiàu ê Tāi-kok Siông-pêng (大谷翔平), Kim-éng Seng-thài (今永昇太) téng-téng Tāi-liân-bêng kiû-oân í-gōa, Ji̍t-chit téng-chiam ê kiû-oân chhiōⁿ Chò-chò-bo̍k Lóng-hi (佐々木朗希), Kīn-têng Kiān-kài (近藤健介), Kong-pún Hô-chin (岡本和真) mā lóng oán-kī teng-tiàu ia̍h-sī tī la̍p-ji̍p 28-lâng miâ-toaⁿ liáu-āu thè-sài[9], lo̍h-bóe í Iôⁿ-liân kiû-chheⁿ Sîn-kí Liâng-kài (辰己涼介), Iang-liân kiông-tâu Hō͘-hiong Siông-cheng (戸郷翔征), Ko-kiâu Hông-tó͘ (髙橋宏斗) téng-téng chò chú-thé chhut-chiàn 12-kiông Sài. Tī ī-sài B-cho͘ í 5-chiàn lóng iâⁿ chìn-kip ho̍k-sài, pēng-chhiáⁿ tī ho̍k-sài ê 3-chiàn mā choân-pō͘ phah iâⁿ, tān-sī tī koan-kun-chiàn hō͘ Tâi-oân í 4:0 oân-hong tit-tio̍h a-kun, tû-liáu hō͘ Ji̍t-pún bô-iân 12-kiông ōe-bián, chiong-kiat Ji̍t-pún tī kok-chè 3-tōa-sài "sè-kài koan-kun" 3-liân-pà (2019 nî Sè-kài Iá-kiû 12-kiông Sài, 2020 nî Ò-ūn, 2023 nî Sè-kài Iá-kiû Keng-tián-sài), mā hō͘ Ji̍t-pún chū 2019 nî 12-kiông ho̍k-sài khai-sí tī kok-chè sài-sū ê 27-liân-sèng tn̄g--khì[10].
Kok-chè-sài Sêng-chek
[siu-kái | kái goân-sí-bé]Keng-tián-sài
[siu-kái | kái goân-sí-bé]| Chèng-sài | Chu-keh-sài | ||||||||||||
|---|---|---|---|---|---|---|---|---|---|---|---|---|---|
| Nî-hūn | Chú-pān-kok | Hôe-ha̍p | Miâ-chhù | Sèng | Pāi | Tit-hun | Sit-hun | Chú-pān-kok | Sèng | Pāi | Tit-hun | Sit-hun | |
| 2006 | Ji̍t-pún /  Bí-kok
|
Koat-sài | 1
|
5 | 3 | 60 | 21 | Bô kí-hêng | |||||
| 2009 | Ji̍t-pún / Bí-kok
|
Koat-sài | 1
|
7 | 2 | 50 | 16 | ||||||
| 2013 | Ji̍t-pún / Bí-kok
|
Chún-koat-sài |  3
|
5 | 2 | 44 | 27 | Chū-tōng chìn-kip | |||||
| 2017 | Ji̍t-pún / Bí-kok
|
Chún-koat-sài | 3
|
6 | 1 | 47 | 24 | ||||||
| 2023 | Ji̍t-pún / Bí-kok
|
Koat-sài | 1
|
7 | 0 | 56 | 18 | Chū-tōng chìn-kip | |||||
| 2026 | Ji̍t-pún / Bí-kok
|
Chū-tōng chìn-kip | |||||||||||
| Ha̍p-kè | 6/6 | 30 | 8 | 257 | 106 | - | - | - | - | - | |||
Sè-kài Iá-kiû 12-kiông Sài
[siu-kái | kái goân-sí-bé]| Sè-kài Iá-kiû 12-kiông Sài | Chu-keh | |||||||
|---|---|---|---|---|---|---|---|---|
| Nî-hūn | Hôe-ha̍p | Miâ-chhù | Sèng | Pāi | Tit-hun | Sit-hun | Sè-kài pâi-miâ | |
| 2015 | Kùi-kun-chiàn | 3 |
7 | 1 | 54 | 22 | 1 | |
| 2019 | Koan-kun-chiàn | 1 |
7 | 1 | 44 | 23 | 1 | |
| 2024 | Koan-kun-chiàn | 2 |
8 | 1 | 63 | 33 | 1 | |
| Ha̍p-kè | 3/3 | 22 | 3 | 161 | 78 | |||
Ò-ūn
[siu-kái | kái goân-sí-bé]| Hā-kùi Ò-ūn | Chu-keh-sài | ||||||||
|---|---|---|---|---|---|---|---|---|---|
| Nî-hūn | Chú-pān-kok | Hôe-ha̍p | Miâ-chhù | Sèng | Pāi | Tit-hun | Sit-hun | ||
| 1964 | Ji̍t-pún
|
piáu-ián-sài | 0 | 1 | 2 | 6 | |||
| 1984 | Bí-kok
|
Koat-sài | 1 | 4 | 1 | 33 | 11 | ||
| 1988 |  Hân-kok
|
Koat-sài | 2 | 4 | 1 | 27 | 17 | ||
| 1992 |  Se-pan-gâ
|
Koat-sài |  3 |
6 | 3 | 70 | 22 | ||
| 1996 | Bí-kok
|
Koat-sài |  2 |
5 | 4 | 77 | 59 | ||
| 2000 |  Ò-chiu
|
Koat-sài | 4 | 4 | 5 | 42 | 29 |  1999 nî A-chiu Iá-kiû Kím-piau-sài
| |
| 2004 |  Hi-lia̍p
|
Koat-sài | 3 |
7 | 2 | 60 | 23 |  2003 nî A-chiu Iá-kiû Kím-piau-sài
| |
| 2008 |  Tiong-kok
|
Koat-sài | 4 | 4 | 5 | 36 | 28 | 2007 nî A-chiu Iá-kiû Kím-piau-sài
| |
| 2020 | Ji̍t-pún
|
Koat-sài |  1 |
5 | 0 | 25 | 15 | ||
| Ha̍p-kè | 6/6 | 31 | 19 | 310 | 176 | ||||
Kî-thaⁿ Sài-sū
[siu-kái | kái goân-sí-bé]
|
|
|
|
Chham-khó Chu-liāu[siu-kái | kái goân-sí-bé]
Gōa-pō͘ Liân-kiat[siu-kái | kái goân-sí-bé]
|
