Káu beh kā chúi tiong ê iáⁿ

Wikipedia (chū-iû ê pek-kho-choân-su) beh kā lí kóng...

Káu beh kā chúi tiong ê iáⁿAesop ê Gū-giân kî-tiong chi̍t phiⁿ. In-ūi Kó͘ Hi-lia̍p ha̍k-chiá Democritus pat thê khí kòe, pún kò͘-sū siōng-bô tī Chú-chiân 5 sè-kí to̍h chûn-chāi--ah.

Kò͘-sū ū chē khoán pán-pún, tāi-khāi sī kóng chi̍t chiah káu kā chi̍t tè bah beh kòe chúi iā kòe kiô, i khòaⁿ tio̍h chúi ni̍h ê iáⁿ ná-chhiūⁿ mā ū chi̍t chiah káu chhùi lāi ngeh bah, i siūⁿ beh chián iáⁿ lāi ê bah, soah kā pún-lâi kā tèn ê bah pàng lak--khì.

Chá-kî ê Tâi-gí pán-pún[siu-kái | kái goân-sí-bé]

Tī 1896 nî 12 goe̍h ê Tâi-lâm-hú-siâⁿ Kàu-hōe-pò ū chi̍t phiⁿ Tâi-gí ê pán-pún, tê-bo̍k sī Tham--jī pîn--jī khak:[1]

Ū chi̍t chiah káu kā chi̍t-tè bah, tùi kiô--ni̍h kòe. Kiô-ē ê chúi chheng-chheng tiāⁿ-tiāⁿ, só͘-í i-ê iáⁿ chiò lo̍h chúi-té, án-ni khòaⁿ-kìⁿ chúi-lāi ia̍h ū chi̍t chiah káu, kā chi̍t-tè bah. I chiū beh chhiúⁿ chúi-lāi hit chiah káu só͘ kā ê bah, káu tiô-lo̍h-khì m̄-tān-nā chhiúⁿ bô, liân i chhùi--ni̍h hit tè sòa tîm-lo̍h chúi-té.

Ùi Sugi Husanosuke pian ê Ji̍t-tâi Hōe-ōa Tāi-choân (日臺會話大全) lāi-té iā ū chi̍t phiⁿ Káu beh kā chúi tiong ê iáⁿ (狗要咬水中的影).[2]

Chham-khó[siu-kái | kái goân-sí-bé]

  1. "Tham--jī pîn--jī khak". Tâi-lâm-hú-siâⁿ Kàu-hōe-pò. 1896 nî 12 goe̍h. 
  2. Bô khak-tēng toh chi̍t pán khai-sí, chiá chhōe--tio̍h-ê sī kî-tiong chi̍t pán: 杉房之助 (1906). 日臺會話大全 (6 pán.). 新高堂書店.