Kún-se̍k Ài-chêng Kò͘-sū

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Kún-se̍k Ài-chêng Kò͘-sū (滾石愛情故事) sī 2016 nî ê chi̍t chhut Tâi-oân tiān-sī-kio̍k. Chit chhut tiān-sī-kio̍k lóng-chóng iû 10 ūi pian-kio̍k kap 15 ūi tō-ián hun-pia̍t kàm-tok, kā 20 tiâu Kún-se̍k Chhiùⁿ-phìⁿ ê keng-tián chêng-koa kái-pian chò 20 ê ài-chêng kò͘-sū. Ùi 2015 nî 4 goe̍h khai-sí hip, chì kāng-nî ê 8 goe̍h oân-sêng. Ùi 2016 nî 4 goe̍h 9 hō khai-sí, ta̍k lé-pài-la̍k àm-sî 9 tiám tī Kong-sī Chú-pîn hòng-sàng, 6 goe̍h 11 hō oân-kiat-piⁿ, lóng-chóng 20 chi̍p. Chit chhut hì tit-tio̍h 104 nî-tō͘ Tiong-hoâ Bîn-kok Bûn-hoà-pō͘ ko-ōe-chit tiān-sī chiat-bo̍k it-poaⁿ-hêng liân-sio̍k-kio̍k chióng-lūi ê pó͘-cho͘ 1300 bān Sin-tâi-phiò.