Kan-tāu

Wikipedia (chū-iû ê pek-kho-choân-su) beh kā lí kóng...
Kan-tāu tē-tô͘地圖
Koan-im-soaⁿ khòaⁿ Kan-tāu
Kan-tāu Kok-ka-kip Tiōng-iàu Sip-tē

Kan-tāu (Hàn-jī: 關渡, hoat-im khah óa 干豆) sī Tâi-oân Tâi-pak-chhī Pak-tâu-khu ê chi̍t ê tē-hō-miâ, tú-hó tī Tām-chúi-hô kap Ke-lâng-hô ê kau-hōe-kháu. Chū kó͘-chá í-lâi, chiū sī tiōng-iàu ê tō͘-chiáu hioh-só͘; kéng-lāi mā ū Tâi-pak siāng tōa ê sip-tē, seng-thài hui-siông hong-hù.

1996 nî Kan-tāu Chū-jiân Kong-hn̂g tī chia sêng-li̍p. 2001 nî 12 goe̍h chhe-1 khí úi-thok Iá-chiáu Ha̍k-hōe keng-êng koán-lí, siú chhòng Tâi-oân seng-thài pó-io̍k-khu úi-thok bîn-kan siā-thoân keng-êng koán-lí ê tē-it lē.

Kan-tāu tē-hng ê biō-sī Kan-tāu-kiongTâi-oân pak-pō͘ ū-miâ ê Má-chó͘-biō, hiuⁿ-hóe heng-ōng.

Pī-chù[siu-kái | kái goân-sí-bé]

"Kan-tāu" chit-lō miâ sī tùi Basay-gí Kantaw lâi ·ê , só͘-í chá-kî Hàn-jī im-e̍k ê sî, pêng-bô thóng-it ê siá-hoat, pau-koat 干答門 (Pî-hái Kì-iû), 干豆門 (皇輿全覽圖), 干答, 干豆, 關杜, 江頭, 肩脰, 乾竇 kap 關豆 téng-téng. Ji̍t-pún Sî-tāi siá 關渡 (カンタウ) 江頭 (かうたう) khah chē; 江頭 che mā sī thih-lō͘ Tán-chúi Sòaⁿ ê chhia-chām ê miâ.

Chiàn-āu chha-put-to lóng thóng-it siá-chò 關渡. Phì-lūn-kóng Tâi-pak Chia̍t-ūn Tām-chúi Sìn-gī Sòaⁿ ê Kan-tāu Chām. Ah Tâi-gí hoat-im it-ti̍t lóng sī "Kan-tāu", chia̍t-ūn kóng-pò mā kóng "Kan-tāu".

Chham-khó chu-liāu[siu-kái | kái goân-sí-bé]