Khó͘ Siah-khiam

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē

Khó͘ Siah-khiam (許錫謙) 1915 nî1947 nî, Sam-bîn-chú-gī Chheng-liân-thoân Hoa-liân hun-thoân kó͘-tiúⁿ. I sī Tâi-oân 228 Sū-kiāⁿ siū-lān-chiá chi-it, tī 1947 nî hōng àn Tâi-pa̍k phiàn--tǹg-lâi, tī poàn-lō͘ thâi--sí.

Khó͘ Siah-khiam, Hoa-liân lâng, sī Hoa-liân ê toā hó-gia̍h-lâng Khó͘ Liú-ki (許柳枝) ê ko͘-kiáⁿ. 1931 nî kap Ông Bò͘-kheng, Tiuⁿ Chhun-bo̍k cho͘-chit Tâi-oân Keng-chè Goā-kau-hoē, sio̍k Tâi-oân Bîn-chiòng-tóng ê hē-thóng. Chiàn-āu chò Sam-bîn-chú-gī Chheng-liân-thoân Hoa-liân hun-thoân kó͘-tiúⁿ. Mā bat chò Chheng-liân Chiu-khan, Chheng-liân-pò kap Thoân-hùn-chiu-khan ê pian-chip.

Jī-jī-pat Sū-kiāⁿ ê sî, in cho͘-chit Jī-jī-pat Sū-kiāⁿ Chhú-lí Úi-oân-hoē, i chò chóng-chí-hui. Tī in ê koat-gī lâi-tè ū kóng tio̍h "bē-sái ū lâu-hoè sū-kiāⁿ, ài hô-pêng lâi kái-koat chèng-tī ê būn-tê"[bô chhut-chhù]. Kok-bîn-tóng ê kun-tūi lâi Tâi-oân liáu-āu, Khó͘ Siah-khiam bih tī teh Tâi-pak. Hoa-liân ê Koān-tiúⁿ kap Hiàn-peng-tūi-tiúⁿ kiò in a-chek kā kiò--tńg-lâi, kóng ē bô tāi-chì, soah tī poàn-lō͘ ê Lâm-hong-ò hōng thâi--sì.