Kiú-àn Thài-san
Kiú-àn Thài-san (九案泰山) sī Tiong-kok Hok-kiàn Hok-chiu Tâi-kang-khu hū-kīn ê chi̍t ê chhun-biō sìn-gióng liân-ha̍p-thé. Kèng lóng-chóng ū 1 ê hú kap 13 ê tông, thóng-chheng Kiú-àn Si̍p-sam Tông (九案十三堂). Kiú-àn Thài-san-hú Chóng-tông mā sī Thài-pêng-san-tông, tī Tâi-kang-khu Thài-pêng Jī-lōng lō͘-piⁿ.
Kiú-àn Thài-san-hú kèng Tong-ga̍k Tāi-tè (東嶽大帝) ê pō͘-hā Ung To͘-thóng (溫都統) kap Khong To͘-thóng (康都統), Hok-chiu-lâng kiò in Ung Thài-san (溫泰山) kap Khong Thài-san (康泰山). Kiú-àn Thài-san tī Tâi-kang ê 13 ê chhun ū 13 ê hun-tông (分堂), hun-tông kèng Ung To͘-thóng kap Khong To͘-thóng ê pō͘-hā.
Ung To͘-thóng kap Khong To͘-thóng bô kò͘-tēng kèng in ê biō. Ta̍k-nî kū-le̍k 9 goe̍h 1 ji̍t kàu 9 goe̍h 14 ji̍t, 13 ê hun-tông pun 9 cho͘ saⁿ-kap ngiâ-sîn, chia 9 cho͘ kiò chò "Kiú-àn" (九案), chiū-án-ne ū "Kiú-àn Thài-san" ê miâ. 9 goe̍h 12 ji̍t poa̍h-poe, koat-tēng nn̄g ê To͘-thóng poaⁿ khì tó chi̍t ê biō kèng.
2017 nî, Kiú-àn Thài-san-hú chhiáⁿ Tâi-oân ê Gî-lân Tong-ga̍k-biō chham-ka Kiú-àn Thài-san ê ngiâ-sîn.[1]
Kiú-àn 13 Tông
[siu-kái | kái goân-sí-bé]- Thài-pêng-san-àn (太平山案)
- Kiú-àn Thài-san-hú Chóng-tông/Thài-pêng-san-tông (九案泰山府總堂/太平山堂)
- Soaⁿ-é-lí Im-iông Choan-àn-tông (山仔裏陰陽專案堂)
- Siang-pho͘-thâu Hia̍p-sim-tông (雙浦頭協心堂)
- Pho͘-tang-àn (浦東案)
- Pho͘-tang Toā-tông (浦東大堂)
- Pho͘-sai-àn (浦西案)
- Pho͘-sai Hok-siū-keng (浦西福壽宮)
- Iûⁿ-péng-àn (洋炳案)
- Iûⁿ-péng Tông-sim-tông (洋炳同心堂)
- Hô-siōng-àn (河上案)
- Hô-siōng Kiù-seng-tông (河上救生堂)
- Ē-hô-tông (下河堂)
- Kà-tiûⁿ-pán-àn (教場坂案)
- Kà-tiûⁿ-pán-tông (教場坂堂)
- Se-iâⁿ-àn (西營案)
- Se-iâⁿ-lí-àn Tiông-seng-tông (西營裏長生堂)
- Se-iûⁿ-àn (西洋案)
- Se-iûⁿ Chek-siān-tông (西洋積善堂)
- Táu-tî-àn (斗池案)
- Táu-tî-tông (斗池堂)
- Hâm-thâu Toā-tông (涵頭大堂)