Kiú-chiong Soàn-su̍t

Kiú-keng Soàn-su̍t

Kiú-chiong Soàn-su̍t (九章算術) sī hiān-chûn siāng-chá ê Tiong-kok kó͘-chá sò͘-ha̍k tù-chok chi-it, mā sī Soàn-keng Si̍p-su lāi siōng-tiōng-iàu ê chi̍t-chióng. Koan-î Kiú-chiong Soàn-su̍t ê chok-chiá, chit-má í-keng put-khó khó. It-poaⁿ jīm-ûi i sī keng-le̍k le̍k-tāi ê cheng-pó͘ siu-tèng, chiah ta̍uh-ta̍uh chiâⁿ-chò hiān-chhú-sî ê tēng-pún. Kiú-chiong Soàn-su̍t ê lōe-iông hong-hù, tê-châi kóng-hoat, lóng-chóng 9-chiong, hun-chò 246-tê (題) 202-su̍t (術), m̄-nā sī Hàn-tiâu sî-tāi ê tiōng-iàu sò͘-ha̍k tù-chok, mā tī Tiong-kok Kap thong-sè-kài sò͘-ha̍k ê le̍k-sú siōng chiàm-iú tiōng-iàu ê tē-ūi. Chok-ûi Tiong-kok thoân-thóng kó͘-chá sò͘-ha̍k ê hē-thóng chóng-kiat, Kiú-chiong Soàn-su̍t tùi Tiong-kok thoân-thóng sò͘-ha̍k ê hoat-tián ū chhim-oán ê éng-hiáng.